^*al ^UV

I.

^*al

Prepozicio, kies sencoj kaj funkcioj estas:

1.

a)

Esprimi direkton per orientilo, nome tiun direkton en kiu situas la koncerna objekto: pordego, turnita al nordo [1]; direktu viajn okulojn al okcidento [2]; ekiru en la dezerton sur la vojo al la Ruĝa Maro [3]; levi la okulojn al la ĉielo [4]; rigardi al la soldatoj [5]; [la] agloj […] leviĝis renkonte al la suno [6]; la suno kliniĝis al la okcidento [7]; lia vizaĝo estas turnita al la fenestro ^BdV ; (figure) li diris, turnante sin al la kolektiĝinta popolamaso […] [8]; kliniĝante al la pala vizaĝeto [de la] infano ^Marta ; (figure) la kongreso estas en bona vojo al efektiviĝo; intencoj al bono kaj ne al malbono [9].

b)

La celo de movo, ago, sento, penso, volo: frapi al la pordo ^FK ; mi iras nun al la onklo [10]; kuri al Nilo [11]; [la] ŝipo […] veturis al Norvegujo [12]; ni prefere veturu al la sabla kavo kaj promenadu [13]; la viroj de Jehuda venis en Gilgalon, por iri renkonte al la reĝo [14]; nun ili venis al la lernejo, kaj kiam ili estas en la klasĉambro, ili ne rajtas interparoli ^InfanTorent2 ; [li] iris al la lernejo kaj restis tie kiel lernanto ĝis li atingis sian dek-kvaran jaron ^KKl ; venos al vi mizero [15]; mi apogos min al ili [16]; ĝi apogis sin al la muro [17]; via koro sin tiru ne al pekuloj [18]; riveretoj fluas al riveroj ^PrV ; anstataŭ „mi veturas Londonon“ oni povas tre bone diri „mi veturas al Londono“ [19].

Rim. 1: Se temas pri atinga movo, tiam la koncernan sencon pli precize esprimus aliaj prepozicioj: veni en teatron, veturi ĝis la urbocentro, venu ĉe min, ĉar „al“ ne neprigas atingon de la celo, kvankam ja estas tradicie (mis)uzata anstataŭ ĉe + akuzativo laŭ kutimo de diversaj lingvoj: „Al ordinare montras nur la celadon, la vojon al iu loko, dum la akuzativo povas enhavi en si ankaŭ la ideon de atingo de la celo; sekve la frazo la muso kuris al sub la lito montrus, ke la muso kuris en la direkto al sub la lito, sed pro ia kaŭzo ĝi ne atingis la lokon sub la lito, aŭ almenaŭ ni ne vidis tiun atingon“ [20]. [Sergio Pokrovskij]

Rim. 2: Estas senca diferenco inter fizika celo en la spaco: iri en la preĝejon, kongresejon, restoracion kaj aranĝo: iri al la meso, al la Kongreso, al la tagmanĝo. Rezulte de la unua movo oni estas en la koncerna loko (en la preĝejo, en la kongresejo); rezulte de la dua oni ĉeestas la koncernan aranĝon (la meson, la kongreson). Kiam temas pri la aranĝo, la prepozicio al ĉiam estas atinga, ĉar ne sencas paroli pri spaca direkto en la mondo de sociaj aranĝoj; oni eĉ povas demandi: kien vi iras al meso? (t.e. en kiun preĝejon). [Sergio Pokrovskij]

Rim. 3: Al montras kelkfoje la rezulton de movo: disrompi vazon al pecoj (pli bone „en pecojn“).

Prepoziciaj kunaĵoj: al antaŭ, al malantaŭ, al apud, al ĉe, al ĉirkaŭ, al ekster, al en, al inter, al post, al sub, al super, al sur, al transde¹

2.

Formi analizan dativon: nenio mankas al ni [21]; ankoraŭ neniu plaĉis al ĉiu ^PrV ; per sia vigla imago prezenti al si la plej strangajn bildojn [22]; ŝi lavis la piedojn al sia nova sinjorino [23]; akraj fajroŝtonoj […] tranĉis al ĝi la piedojn [24]; kio fariĝis al la korpo de la gardisto [25]? [ili] deziras malbonon al mia sinjoro [26]; mi ne havas plu kuraĝon prezenti al vi mian peton [27]; li […] submetis sin al la juste juĝanta [28]; neniu povos kontraŭstari al vi [29]; [tio] estos pardonite al li [30]; eleganta maniero, por akiri al si favoron [31]; li faris al li mikskoloran veston [32]; mi aranĝis al mi ĝardenojn [33]; mi kolektis al mi arĝenton [34]; ili […] pretigas al si manĝaĵon [35]; ŝi malfermas sian manon al la malriĉulo [36]; mulo, al kiu oni devas kateni la buŝon [37]; la brutojn ili rabis al si [38]; ursino al kiu estas rabitaj ĝiaj infanoj [39]; bone estas al tiu, kiu observas la leĝojn [40]; al malriĉulo ovo kiel al riĉulo bovo ^PrV .

Rim. 1: La parolantoj de la lingvoj perdintaj dativon, ĉe la verboj netransitivaj ofte anstataŭigas ĝin per akuzativo; kaj tiun anstataŭigon oni ofte vidas ankaŭ en Esperanto, precipe ĉe la verboj danki, helpi, kompati, obei iun aŭ al iu.

Rim. 2: PV rimarkigas: „Post kelkaj verboj oni trovas, eĉ ĉe Zamenhof, uzon de al tute kontraŭen al la vera senco: demandi, peti ion al iu. Tia uzo, influata de naciismoj, estas evitinda.“ Mi ne opinias tiun uzon „kontraŭa al la vera senco“: ĝi estas konforma al la senco de dativo (kvankam ja nekutima en Esperanto; ĉe la indikitaj verboj pli bonstilaj estus de¹, disde). [Sergio Pokrovskij]

3.

Indiki atributon, destinon, apartenecon: apliki teorion al la praktiko; [la] ideo […] konvenus al bonkora burĝo ^Marta ; [ili] ne povas sen maljusteco apliki al ili aliajn vortojn krom […]: Dio, pardonu ilin, ĉar ili ne scias, kion ili faras! ^Marta ; li ne alkutimigis sian koron al serĉado de la Eternulo [41]; trinkigu al li akvon [42]; kondamnitaj al morto [43]; sankta al la Eternulo^Z ; [44]; preta al ĉio; al mi apartenas forto [45]; ĉio bona estas al via dispono [46]; knabo lasita al si mem [47]; vi prenos ŝin al vi [48].

4.

Rilateco: la malamo, kiun li eksentis al ŝi [49]; ĉu […] ili volas rilati al tia frenezulino [50]? Kristoforo komencis sopiri al (pri) pli da suno en sia unuforma estado [51]; en ĉio mi povas fidi al vi [52]; mia abomeno al tiu knabino komencas malfortiĝi [53]; terura estas via inklino al la milito [54]; vi plenumos tiun sanktan devon al la ŝtato kaj al la dioj [55]; vi montriĝis favora al mi [56]; ni estis sklavoj al faraono [57]; la trompiĝo, kaŝita al mi persone, havus tre malgrandan signifon ^Marta ; ili estas malamikoj al vi per sia insido [58]; lia edzino […] estis malbona al ĉiu [59]; malforta personeco, tamen ege severa al la filo [60]; Herbeno silentis, konfuzite de tiu sagaceco de sento, multe supera al la logiko [61]; li ŝajnigis sin fremda al ili kaj parolis kun ili malafable [62]; pro amo al la kandelo kato lekas la kandelingon ^PrV ; venis fino al mia latino ^PrV ; (frazaĵo) ne estas piediranto kolego al rajdanto ^PrV . kun, kontraŭ, por, pri

5.

Adicio, kompletigo: ni aldonu al ĝi ankoraŭ unu ingrediencon [63]; prenu ankoraŭ unu lignon, kaj skribu sur ĝi […], aligu ilin al vi unu al la alia [64]; li aldonu al ĝi kvinonon de la valoro [65]; aldoniĝos al vi jaroj da vivo [66]. plus

6.

(malofte) Gramatikan rilaton inter substantivo el verba deveno aŭ kun verba signifo kaj ties objekta komplemento: plaĉis al li proprapersone fari la proponon […] pro estimo al la valoroj de via persono [67]; tiu rigardado al la lingvo kiel natura, biologia aperaĵo [68]; mia antaŭparolo al la germanaj vortaroj [69]; li eliris kontentega pri la akcepto al li farita [70]; zorgi pri la observado al la religia leĝo [71]; opono al ĉiuj socialaj reformoj [72]; unu el la eŭnukoj [la reĝo] destinis por servado al ŝi [73]; [li] vizitis sudan Arizonon kiel signo de subteno al la tieaj eksterleĝaj privataj milicioj [74]; atestanto kontraŭ […] tiuj, kiuj estas maljustaj en la pagado al dungito [75]; haltigi la rubpoŝton […] per malpermeso al la fiuloj sendi [76].

Rim.: Laŭ PV, „tiu uzo de al por anstataŭi post substantivo la akuzativon, kiu estus normala post la responda verbo, estas tre utila por eviti la dubasencecon de la prepozicio de.“ Tamen, forigante konfuzon kun akuzativo ĝi enkondukas konfuzon kun dativo. [Sergio Pokrovskij]

akuzativo, je³, de⁵.

7.

Post adjektivo aŭ adverbo, pli malpli precizan rilaton pri metafora proksimeco aŭ malproksimeco: lia nomo estis konforma al lia aspekto [77]; mi ne valoras esti egala al iu el viaj sklavinoj [78]; kiu estas simila al la Eternulo inter la potenculoj [79]? lia aspekto estis iom parenca al tiu de la muskedistoj en la romanoj [80]; flanka konstruaĵo, najbara al la domo de la nomarĥo [81]; konforme al la ordono [82]; spite al (kp malgraŭ ke) sia miopeco li rimarkas, ke ŝi venas por priparoli ion neordinaran [83]; kresko de la membraro kaj danke al varba laboro [84].

1. trad. L. L. Zamenhof: La Malnova Testamento, Jeĥezkel 8:3
2. trad. L. L. Zamenhof: La Malnova Testamento, Readmono 3:27
3. trad. L. L. Zamenhof: La Malnova Testamento, Nombroj 14:25
4. La Nova Testamento, S. Luko 18:13
5. B. Prus, trad. Kazimierz Bein: La Faraono, vol. 3, Ĉapitro XII
6. H. C. Andersen, trad. L. L. Zamenhof: Fabeloj, vol. 4, Malbona princo (Legendo)
7. B. Prus, trad. Kazimierz Bein: La Faraono, vol. 1, ĉap. 5
8. H. C. Andersen, trad. L. L. Zamenhof: Fabeloj, vol. 3, Historio
9. trad. L. L. Zamenhof: La Malnova Testamento, Jeremia 29:11
10. L. L. Zamenhof: Fundamento de Esperanto, Ekzercaro, § 9
11. B. Prus, trad. Kazimierz Bein: La Faraono, vol. 3, Ĉapitro XVII
12. H. C. Andersen, trad. L. L. Zamenhof: Fabeloj, vol. 4, Historio el la dunoj
13. H. C. Andersen, trad. L. L. Zamenhof: Fabeloj, vol. 2, Dio de dormo
14. trad. L. L. Zamenhof: La Malnova Testamento, II. Samuel 19:15
15. trad. L. L. Zamenhof: La Malnova Testamento, Sentencoj 1:27
16. trad. L. L. Zamenhof: La Malnova Testamento, Juĝistoj 16:26
17. H. C. Andersen, trad. L. L. Zamenhof: Fabeloj, vol. 2, Abio
18. trad. L. L. Zamenhof: La Malnova Testamento, Sentencoj 23:17
19. L. L. Zamenhof: Lingvaj Respondoj, Respondo 36, La Revuo, 1908, Majo
20. L. L. Zamenhof: Lingvaj Respondoj, Respondo 36, La Revuo, 1908, Majo
21. trad. L. L. Zamenhof: La Malnova Testamento, Juĝistoj 19:19
22. H. C. Andersen, trad. L. L. Zamenhof: Fabeloj, vol. 2, Malnova domo
23. B. Prus, trad. Kazimierz Bein: La Faraono, vol. 2, ĉapitro 13a
24. H. C. Andersen, trad. L. L. Zamenhof: Fabeloj, vol. 3, En la lasta tago
25. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
26. trad. L. L. Zamenhof: La Malnova Testamento, I. Samuel 25:26
27. B. Prus, trad. Kazimierz Bein: La Faraono, vol. 1, ĉapitro 7a
28. La Nova Testamento, I. Petro 2:23
29. trad. L. L. Zamenhof: La Malnova Testamento, Readmono 11:25
30. trad. L. L. Zamenhof: La Malnova Testamento, Levidoj 4:26
31. H. C. Andersen, trad. L. L. Zamenhof: Fabeloj, vol. 2, La najtingalo
32. trad. L. L. Zamenhof: La Malnova Testamento, Genezo 37:3
33. trad. L. L. Zamenhof: La Malnova Testamento, Predikanto 2:5
34. trad. L. L. Zamenhof: La Malnova Testamento, Predikanto 2:8
35. trad. L. L. Zamenhof: La Malnova Testamento, Sentencoj 30:25
36. trad. L. L. Zamenhof: La Malnova Testamento, Sentencoj 31:20
37. trad. L. L. Zamenhof: La Malnova Testamento, Psalmaro 32:9
38. trad. L. L. Zamenhof: La Malnova Testamento, Josuo 8:27
39. trad. L. L. Zamenhof: La Malnova Testamento, Sentencoj 17:12
40. trad. L. L. Zamenhof: La Malnova Testamento, Sentencoj 29:18
41. trad. L. L. Zamenhof: La Malnova Testamento, II. Kroniko 12:14
42. trad. L. L. Zamenhof: La Malnova Testamento, Sentencoj 25:21
43. trad. L. L. Zamenhof: La Malnova Testamento, Psalmaro 102:19
44. trad. L. L. Zamenhof: La Malnova Testamento, Readmono 14:2
45. trad. L. L. Zamenhof: La Malnova Testamento, Sentencoj 8:14
46. trad. L. L. Zamenhof: La Malnova Testamento, Genezo 45:20
47. trad. L. L. Zamenhof: La Malnova Testamento, Sentencoj 29:15
48. trad. L. L. Zamenhof: La Malnova Testamento, Readmono 21:11
49. trad. L. L. Zamenhof: La Malnova Testamento, I. Samuel 13:15
50. Stellan Engholm: Infanoj en Torento, dua libro en la Torento-trilogio, Dua Parto
51. Stellan Engholm: Homoj sur la tero, Disaj vojoj
52. La Nova Testamento, II. Korintanoj 7:16
53. B. Prus, trad. Kazimierz Bein: La Faraono, vol. 1, Ĉapitro XVI
54. B. Prus, trad. Kazimierz Bein: La Faraono, vol. 1, Ĉapitro I
55. B. Prus, trad. Kazimierz Bein: La Faraono, vol. 2, Ĉapitro II
56. trad. L. L. Zamenhof: La Malnova Testamento, Genezo 33:10
57. trad. L. L. Zamenhof: La Malnova Testamento, Readmono 6:21
58. trad. L. L. Zamenhof: La Malnova Testamento, Nombroj 25:18
59. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
60. Johán Valano: Ĉu rakonti novele?, Tri estas tro
61. Henri Vallienne: Ĉu li?, Ĉapitro Unua
62. trad. L. L. Zamenhof: La Malnova Testamento, Genezo 42:7
63. Eliza Orzeszkowa, trad. L. L. Zamenhof: Marta, Antaŭparolo
64. trad. L. L. Zamenhof: La Malnova Testamento, Jeĥezkel 37:17
65. trad. L. L. Zamenhof: La Malnova Testamento, Levidoj 22:14
66. trad. L. L. Zamenhof: La Malnova Testamento, Sentencoj 9:11
67. N. V. Gogol, trad. L. L. Zamenhof: La Revizoro, Akto kvina
68. Ivo Lapenna: Retoriko, Unua Parto
69. L. L. Zamenhof: Lingvaj Respondoj, Tria Parto – Jurisprudenco
70. Henri Vallienne: Kastelo de Prelongo, Ĉapitro Tria
71. Volter, trad. Eugen Lanti: Kandid aŭ la optimismo, Ĉapitro XXX
72. Monato, Albisturo Kvinke: Opinio: Sobraj pensoj de sobrulo
73. trad. L. L. Zamenhof: La Malnova Testamento, Ester 4:5
74. Monato, Ionel Onet: Ekstremismo: Pri kaldronoj kaj potoj: ĉu ambaŭ kotaj?
75. trad. L. L. Zamenhof: La Malnova Testamento, Malaĥi 3:5
76. Monato, Franck ARNAUD: Kia solvo por rubpoŝto?, 2003
77. H. C. Andersen, trad. L. L. Zamenhof: Fabeloj, vol. 2, Paŝtistino kaj kamentubisto
78. trad. L. L. Zamenhof: La Malnova Testamento, Rut 2:13
79. trad. L. L. Zamenhof: La Malnova Testamento, Psalmaro 89:6
80. Stellan Engholm: Homoj sur la tero, Feliĉa homo
81. B. Prus, trad. Kazimierz Bein: La Faraono, vol. 1, Ĉapitro XXIV
82. trad. L. L. Zamenhof: La Malnova Testamento, Nombroj 10:13
83. Hendrik J. Bulthuis: Idoj de Orfeo, Dua Parto
84. Ivo Lapenna, Tazio Carlevaro kaj Ulrich Lins: Esperanto en Perspektivo, Kvara Parto

afrikanse:

teenoor

albane:

drejt

amhare:

ወደ

angle:

to 1.a toward(s), to

arabe:

نحو

armene:

դեպի

azerbajĝane:

doğru

beloruse:

да

bengale:

দিকে

birme:

ကို

bosne:

u

bulgare:

1.a на 2. на

ĉeĥe:

go to - příkaz k nepodmíněnému skoku

dane:

mod

estone:

poole

eŭske:

aldera

filipine:

sa

france:

à

galege:

dirección

germane:

an, zu, nach

guĝarate:

તરફ

haitie:

nan direksyon

haŭse:

zuwa ga

hebree:

אל

hinde:

की ओर

hispane:

a, hacia

hungare:

1.b -hoz, -hez, -höz, felé, irányában 2. -nak, -nek, számára, részére ~ malriĉulo ovo kiel ~ riĉulo bovo : a szegénynek a kevés is sok. 3. -nak, -nek, -ra, -re, -hoz, -hez, -höz preta ~ ĉio: mindenre kész. lasita ~ si mem: elhagyatott. 4. iránt venis fino ~ mia latino: itt megáll a tudományom. ne estas piediranto kolego ~ rajdanto: gyalogos utasnak nem társa a lovas. 5. -hoz, -hez, -höz 6. -nek a, -nak a 7. -nak, -nek, -val, -vel konforme ~: vminek megfelelően. spite ~: vmi dacára. danke al: vminek hála.

igbe:

n’ebe

indonezie:

ke, kepada

irlande:

i dtreo

islande:

átt

itale:

a, verso

japane:

の方へ

jave:

menyang

jide:

צו

jorube:

si

kanare:

ಕಡೆಗೆ

kartvele:

მიმართ

katalune:

a 1.a cap a

kazaĥe:

қарай

kimre:

tuag

kirgize:

болгон

kmere:

ឆ្ពោះទៅកាន់

koree:

방향

korsike:

versu

kose:

ndibhekise

kroate:

prema

kurde:

dijî

latine:

in

latve:

virzienā

laŭe:

ໄປສູ່ການຕອບ

litove:

link

makedone:

кон

malagase:

amin’ny

malaje:

ke arah

malajalame:

നേരെ

malte:

lejn

maorie:

ki

marate:

दिशेने

monge:

mus rau

mongole:

рүү

nederlande:

aan, tegen, naar

nepale:

तिर

njanĝe:

kwa

norvege:

til

okcidentfrise:

nei

okcitane:

a 1.a cap a

panĝabe:

ਵੱਲ

paŝtue:

په لور

portugale:

a, para

ruande:

yerekeza

ruse:

к, ( переводится дательным падежом) 1.a к, на 1.b в (+ вин. пад.) , на 2.  (переводится дательным падежом) ne estas piediranto kolego ~ rajdanto: гусь свинье не товарищ.

samoe:

i

sinde:

رخ

sinhale:

දෙසට

skotgaele:

a dh’ionnsaigh

slovake:

go to - príkaz k nepodmienečnému skoku 1.a k, ku

slovene:

proti

somale:

xagga

ŝone:

akananga

sote:

ho

sunde:

ka arah

svahile:

kuelekea

taĝike:

ба

taje:

1. ไปยัง, ไปถึง, ถึง

tamile:

நோக்கி

tatare:

ягына

telugue:

వైపు

tibete:

ཕྱོགས་ལ་

ukraine:

до

urdue:

کی طرف

uzbeke:

tomonga

vjetname:

hướng

volapuke:

äl 3. -e 4. -e

zulue:

bubheke

II.

Vortero kun la sencoj al^1.a, al^1.b, al⁶: alaĵo ^PV; UK en Sofio kun 3 472 aliĝintoj ^EeP .

aligi

(tr)

Fari ion parto aŭ akompananto de io alia: la ursidojn oni aligis al la aliaj, kune estis jam ok [85]; li ekmovis turnilon, aligitan al la tubo kaj subite la peza ŝtono estis ĵetita supren [86]; ĉiun bonan esprimon, kiu ekzistas en iu ajn lingvo, lingvo arta havas plenan rajton aligi (proprigi, apartenigi) al si [87]; nur tiam ni povas esperi pli aŭ malpli frue aligi al nia afero la grandegan indiferentan amason de la publiko [88]; Omar rapidpaŝe eliris, por aligi sin al la amikaro [89]. aldoni, alfari, almeti, kunigi, proprigi

85. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Du fratoj
86. B. Prus, trad. Kazimierz Bein: La Faraono, vol. 3, ĉapitro 11a
87. L. L. Zamenhof: Esenco kaj Estonteco, ĉapitro 5a.
88. Zamenhof: OV, p. 93
89. H. A. Luyken: Pro Iŝtar, ĉapitro 5a

angle:

join

beloruse:

дадаць, далучыць, прылучыць

ĉeĥe:

přidružit, přiložit, připojit, přivtělit

ĉine:

划归 [huàguī], 劃歸 [huàguī], 一体化 [yītǐhuà], 一體化 [yītǐhuà]

france:

adjoindre, ajouter

germane:

angliedern

hebree:

לצרף

hispane:

añadir, adjuntar, conectar

hungare:

hozzáad, csatol, csatlakoztat

itale:

iscrivere, aggregare, aggiungere

japane:

加入させる [かにゅうさせる]

nederlande:

toevoegen, lid maken, inschrijven

norvege:

legge til, melde på

pole:

dodać, dołączyć, załączyć

ruse:

прибавить, присоединить

slovake:

pridať, pridružiť, pripojiť

taje:

ทำให้เข้าร่วม, รวบรวม

tibete:

དོགས་

aliĝi

(ntr)

Iĝi parto, membro (aniĝi), akompananto aŭ partoprenanto de io: bedaŭrinde, ke aliĝis al la kongreso nur 150 kongresontoj [90]; aliĝi al la kristandemokrata partio [91]. post iom da tempo al li aliĝis junulo [92]; se gut' al guto aliĝas (kuniĝas), maro fariĝas ^PrV ; al tio ĉi aliĝas multego da deklinacioj neregulaj ^EE ; al lia antaŭa embaraso aliĝis nun iom da konfuzo ^Marta ; al la koreco aliĝadis […] videbla nuanco de silenta kompato ^Marta . adheri, akompani, kuniĝi, membro³.

90. La Ondo de Esperanto, Wolfgang Kirschstein: Frazoj
91. Guido van Damme: Demokratio blokita, Monato, 2001/01, p. 8
92. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Feliĉa Joĉjo

afrikanse:

sluit

albane:

bashkohen

amhare:

ተቀላቀል

angle:

join

arabe:

انضمام

armene:

միանալ

azerbajĝane:

qoşulmaq

beloruse:

дадацца, далучыцца, прылучыцца

bengale:

যোগদান

birme:

ပူးပေါင်း

bosne:

pristupiti

ĉine:

上學 [cānjiā], 参加 [cānjiā], 入会 [rùhuì], 入會 [rùhuì]

dane:

slutte

estone:

liituda

eŭske:

apunta

filipine:

sumali

france:

s'inscrire, adhérer

galege:

xuntar-se

germane:

sich anmelden, eintreten (Gesellschft), beitreten

guĝarate:

જોડાવા

haitie:

rantre nan

haŭse:

shiga

hebree:

להצטרף

hinde:

शामिल होने

hispane:

inscribirse, adherirse

hungare:

csatlakozik, hozzáadódik, jelentkezik (pl. rendezvényre) se gut' ~ guto ~iĝas (kuniĝas), maro fariĝas: cseppből lesz a tenger.

igbe:

sonyere

indonezie:

mendaftar

irlande:

páirt a

islande:

ganga

itale:

iscriversi (ad un gruppo/partito..), aderire

japane:

参加する [さんかする]

jave:

nggabungake

jide:

פאַרבינדן

jorube:

da

kanare:

ಸೇರಲು

kartvele:

შეუერთდება

kazaĥe:

қосылу

kimre:

ymuno

kirgize:

кошулуу

kmere:

ចូលរួម

koree:

가입

korsike:

raghjugna

kose:

joyina

kroate:

pridruže

kurde:

bihevgirêdan

latine:

iungere

latve:

pievienoties

laŭe:

ເຂົ້າຮ່ວມ

litove:

prisijungti

makedone:

се приклучат

malagase:

hiaraka

malaje:

menyertai

malajalame:

ചേരാൻ

malte:

jissieħbu

maorie:

amui atu

marate:

सामील

monge:

koom

mongole:

нэгдэхийг

nederlande:

zich inschrijven

njanĝe:

kujowina

norvege:

melde seg på, bli med på

panĝabe:

ਵਿੱਚ ਸ਼ਾਮਲ

paŝtue:

سره یوځای شي

pole:

połączyć się z , przyłączyć się do , przystąpić, wstąpić do (organizacji)

portugale:

aderir, afiliar-se, inscrever-se, incorporar-se

ruande:

injira

ruse:

пристать, присоединить ся

samoe:

auai

sinde:

شامل

sinhale:

එක්වන

skotgaele:

còmhla ri

slovake:

pridať sa

slovene:

pridružite

somale:

biiraan

ŝone:

kubatana

sote:

ba setho

sunde:

ngiluan

svahile:

kujiunga na

taĝike:

ҳамроҳ

taje:

เข้าร่วม, สมัคร

tamile:

சேர

tatare:

кушыл

telugue:

చేరడానికి

tibete:

ཛུལ་

ukraine:

приєднатися

urdue:

میں شامل

uzbeke:

qo’shilish

vjetname:

tham gia

zulue:

ukujoyina

aliĝilo

Formularo por aliĝi (plenigita aŭ neplenigita): aliĝiloj kun promeso tuj komenci la lernadon, kiam dek milionoj da personoj estos same promesintaj ^VivZam ; jam de januaro 1963 la Centra Oficejo de UEA, Roterdamo, povas akcepti vian aliĝilon ^TkI ; mi retenas la kapon sur lia ŝultro rigardante kiel li skribas mian nomon sur la aliĝilon [93].

93. Ombro sur interna pejzaĝo

angle:

registration form

beloruse:

заяўка на ўдзел, форма рэгістрацыі ўдзельніка

france:

bulletin d'inscription, bulletin d'adhésion

germane:

Anmeldeformular, Beitrittserklärung

hebree:

טופס הרשמה

hispane:

formulario de inscripción, formulario de adhesión

hungare:

jelentkezési lap

indonezie:

formulir (pendaftaran)

itale:

modulo d'iscrizione

japane:

参加申込書 [さんかもうしこみしょ]

nederlande:

inschrijvingsformulier, toetredingsformulier

norvege:

påmeldingsskjema

pole:

zgłoszenie, formularz zgłoszeniowy, deklaracja przystąpienia

portugale:

formulário de adesão, formulário de afilição, formulário de inscrição

ruse:

приглашение , бланк приглашения

slovake:

prihláška

taje:

แบบลงทะเบียน

ukraine:

анкета учасника

realiĝi

(ntr)

Aliĝi denove, refoje: li rifuzis realiĝi al la socialista partio [94].

Rim.: Konfuzebla kun real·iĝ·i, iĝi reala.

94. A. Korĵenkov: Gaston Waringhien, La Ondo de Esperanto; 2001:6 (80)

beloruse:

паўторна далучацца

france:

se réinscrire

germane:

sich wieder anmelden, wieder eintreten

japane:

実現する [じつげんする]

ukraine:

здійснюватися

malaliĝi

(ntr)

Ĉesigi, rezigni intencitan aŭ efektivan aliĝon: ja ekzistis reguloj de internacia juro por forlasi la traktatojn de la Unio, tio estas, oni jam povis malaliĝi el la Eŭropa Unio senprobleme [95].

95. P. Foche: Argumentoj kontraŭ la Konstitucia Traktato, el SAT-diskuto, 2005-03-23

beloruse:

скасаваць удзел

france:

se désinscrire, se retirer de

germane:

sich abmelden, austreten, ausscheiden

III.

Prefikso kun la sencoj al^1.a, al^1.b, al⁴, al⁶:

1.a:

alveni, alkuri, alporti, alesti;

1.b:

alvenigi [96]; alkonduki; alrigardi [97];

4:

alproprigi [98]; almezuri, alfari, alĝustigi;

6:

aldoni (doni plie, adicii); aldiri (diri plie); almeti; la neesprimita subjekto estas facile alpensebla.

96. trad. L. L. Zamenhof: La Malnova Testamento, Eliro 29:4
97. La Nova Testamento, S. Luko 22:61
98. trad. L. L. Zamenhof: La Malnova Testamento, Jeĥezkel 36:5