^*17valor/i

(x)

1.

Esti juĝata kiel havanta ian kvaliton aŭ meriton: ĉu tiu lernanto valoras? via hieraŭa parolado ne multe valoris; „ho, vi povas tuj elpensi ian fabelon!“ ― „jes, sed tiaj fabeloj […] nenion valoras“ [1]; vi havas la tutan mian dankemon kaj vi konvinkiĝos, ke ĝi ion valoras [2]; la pasporton […] valoras (validas) por la daŭro de unu monato [3]; valoras ne la vesto, valoras la enesto ^PrV .

2.

Esti juĝata kompare kun iu aŭ io: la kuraĝo valoras pli multe, ol la nombro [4]; tiuj kolektoj da predikoj […] kune ne valoras paĝon de Seneko [5]; unu pasero alian valoras ^PrV ; lia permeso egalvaloras la permeson de la princo mem [6]; la stampiloj el plumbo valoras malpli ol la kruda plumbo mem [7]; tiu, kiu havas nenion, scias, kion cendo valoras [8]; pli valoras kontenta spirito, ol granda profito ^Prv ; unu amiko malnova pli valoras ol du novaj ^PrV .

3.

Esti juĝata kiel inda, merita je io: mi pensas, ke ne valoras daŭrigi ĉi tiun konversacion [9]; ne valoras unu atestanto kontraŭ homo en ĉia kulpo, en ĉia krimo [10]; vi konsolis min […], kvankam mi ne valoras esti egala al iu el viaj sklavinoj [11]; pasis jam multe da jaroj, sed ĝuste tial valoras aŭskulti la historion [12]; ĝi estis ŝerco, kiun ne valoras aŭskulti [13]; eĉ se li estas pekulo, li ion valoras [14]; ne valoras la penon ekzameni la aferon [15]; ĉu valoris tiom da oferoj por atingi nur anarkion [16]? la ludo kandelon ne valoras ^Prv ; la felo tanadon ne valoras ^Prv ; kiu nenion valoras, plej multe sin gloras ^PrV ; la diablo aspektas malbele, ne penvaloras lin vidi [17].

4.

Esti taksata je ia prezo: tiu ŝtofo ne valoras pli ol dek frankojn por metro kvankam ĝi kostas duoble; klaĉaĵo kaj ĉikanaĵo, […] asertoj, kiuj ne valoris eĉ putran haringon [18]; unu pokalo da tia nektaro ne valoras du draĥmojn [19]; ili elspezas por tiu bela milito multe pli ol valoras Kanado [20]; ĉiu societa parto nominale valoras 100,00 frankojn [21]; kio multe kostas, multe valoras ^PrV . kosti¹

5.

Esti konsiderata kiel egala je ia kvanto; egalvalori: unu metro valoras 100 centimetrojn; unu germana marko valoris proksimume 6 francajn frankojn.

1.

Grado de ŝatebleco; grado, je kiu iu aŭ io estas ŝatata pro siaj kvalitoj aŭ meritoj: tiuj ĉi arĥaismoj neniam estos elĵetitaj kaj tiamaniere neniu verko Esperanta eĉ el la plej frua tempo iam perdos sian valoron kaj kompreneblecon [22] la konsiloj de Aĥitofel […] havis tian valoron, kiel se oni demandus la decidon de Dio [23]; se iu trovis kapablan edzinon, ŝia valoro estas pli granda ol perloj [24]; esploradi la komparan valoron de ĉiuj religioj [25]; preĝoj ja ĉiam havis por vi nenian valoron [26]; lia voĉo havis grandan valoron ĉe la eldonisto ^Marta ; tiuj objektoj […] forprenataj de ŝi, havis por ŝi valoron ne sole materialan [ili estis la] mutaj atestantoj de perdita feliĉo ^Marta ; finfine oni rekonas la valoron de lia talento [27]; eble mia rimarko havos neniun valoron [28]; kia estas via laboro tia estas via valoro ^PrV ; popola kutimo havas valoron de leĝo ^PrV ; sub tero sklavo kaj sinjoro ne diferencas per valoro ^PrV ; oni batas la oron, por provi ĝian valoron ^PrV .

2.

Grado de taksebleco; sumo, je kiu io estas mone taksata: monpaperoj de diversa valoro ^Marta ; virŝafo […] havanta laŭ via taksado la valoron de du sikloj [29]; li pagu, kaj li aldonu kvinonon de ĝia valoro [30]; la entrepreno estas finance tre sana, la valoro de la akcioj rapide realtiĝos [31]; la prezo de tiu maŝino estas de 2000 markoj, sed ĝia vera valoro ne superas 500.

3.

Tio, kion homoj juĝas morale aŭ estetike grava: urbo de grandaj spiritaj valoroj kaj brilaj kulturaj tradicioj [32]; tiu ŝanĝo […] prezentus kripligon de la interna valoro de la lingvo [33]; ĉiu lingvo […] havas instituciojn, kiuj flegas la malnovajn kulturajn valorojn [34]; laŭ ili, „la valoroj de la Unio inkludas la valorojn de tiuj, kiuj kredas je Dio kiel fonto de la vero, justo, bono kaj belo, same kiel la valorojn de homoj, kiuj ne kunhavas tiun kredon sed respektas ĉi tiujn universalajn valorojn kiel ali-fontajn“ [35].

4.

Io iel valoranta; valoraĵo: li estis valoro por la gazeto, ni ŝuldas al li kreskon de la eldonnombro [36]; temp' estas valoro simile al oro ^PrV ; en malfacila horo eĉ groŝ' estas valoro ^PrV . valorpapero

5.

Individua elemento de studata aro aŭ datumtipo, indikita per variablo, konstanto aŭ esprimo (formulo, ekvacio): determini la valoron de nekonato.

1.

Havanta ian konsiderindan meriton, kvaliton aŭ prezon: mi ne estas malpli valora ol vi [37]; posedo de saĝo estas pli valora ol perloj [38]; la malgranda „Plena vortaro de esperanto“, kune kun sia „Suplemento“ [...] estas tre valora normiga vortaro [39]; por skribi fantaziaĵojn la tempo estas tro mallonga kaj tro valora; mezvalora lernanto; la ideo de evoluo estas valora ankaŭ en la astronomio.

2.

Grandvalora: tre valora trezoraĵo ^VivZam ; la korespondado forrabas valoran tempon.

Valoro⁴: la valoraĵoj de la Borso; mian arĝenton kaj mian oron vi prenis, kaj miajn plej bonajn valoraĵojn vi transportis en viajn templojn [40]; Tarŝiŝ komercis kun vi per multo da diversaj valoraĵoj, arĝenton, feron, stanon, kaj plumbon ĝi alportadis al via komercejo [41]; la bono ofte ne estas rimarkata kaj la mezvaloraĵo kontraŭe estas aplaŭdata [42].

Havanta altan, grandan valoron: ornamita per oro kaj altvaloraj ŝtonoj kaj perloj [43]; ni ne perdu altvaloran tempon, sinjoroj [44]; kiel grandvalora estas Via favoro, ho Dio [45]! ili fordonas siajn grandvaloraĵojn pro manĝaĵo [46]; grandvalorajn juvelojn ŝi neniam havis ^Marta . kara ³, perlo, trezoro ²

Havanta saman valoron kiel...: [ili] estis dividitaj laŭ du egalvaloraj partoj, kaj lotitaj [47]; ĉiuj homoj estas ja egalvaloraj, kaj ĉiuj metioj kaj oficoj estas same ŝatindaj [48]; ni ricevos lignon de la segejo, se ni kontrakte promesas liveri al li samvaloran kvanton da trunkoj vintro [49]; por tiu ĉi plezuro ja oni pagas kotizon, iufoje egalvaloran al la monata salajro ^Metrop ! ofte la homoj supozas, ke „spirita” kaj „religia” estas samvaloraj [50]; la IRK restis ĉiam validaj kaj ĉie estis proksimume samvaloraj (nome afranko de internacia letero) [51].

Havi saman valoron kiel...: duonkrono egalvaloras al du ŝilingoj kaj ses pencoj [52]; sian haŭton [li] riskis nur kiam la premio egalvaloris la laboron [53]; ricevi de ili rideton aŭ afablan rigardon, egalvaloris multan ĝenon [54]; 1,5 miliardoj da levoj egalvaloras al 3 % de la malneta enlanda produkto [55]; ĉiuj lingvoj samvaloras [56]; en 4 monatoj, Ĉinio reduktis siajn CO2-emisiojn, kio samvaloras al tiuj produktitaj de Britio en la sama periodo [57]; unu numero de la gazeto samvaloras kiel 2 trambiletoj [58]; Kaj se vi decidis tiel, estu, kiel vi ordonas: ⫽ Estas bona la reĝino, kiu sunon samvaloras [59].

Interŝanĝrilato de laŭdezire reprodukteblaj varoj, difinita laŭ la kvanto da socie necesa labortempo, en ili entenata: interŝanĝvaloro ekzistas nur en varojn produktanta socio.

Valoro kiu difinas limon matematikan, fizikan, leĝan kc: koncerne la altfrekvencajn elektro-magnetajn kampojn, la limvaloroj de elmetiĝo estas duoble pli altaj ol tiuj aplikeblaj al la publiko ^MD17 . intervalo³, limeso, limito, normo³

Grandvalora: trovinte unu multevaloran perlon, li iris kaj vendis ĉion, kion li posedis, kaj aĉetis ĝin [60]; buŝo prudenta estas multevalora ilo [61]; multvaloraj ŝtonoj [62]; ĉi tiu malgranda peco da oro en la realeco posedas neniajn multvalorajn ecojn: ĝi estas flava, peza; ne rustas, jen ĉio [63].

Havanta neniun valoron, sensignifa²: ĉion senvaloran kaj neakceptindan ili ekstermis [64]; literature senvaloraj romanoj [65]; ne al ĉiu senvalorulo oni ja povas doni sian protektadon [66]; kun kia humila timo [li] etendadas al mi nun sian senvaloran brokantaĵon [67]; do la arto ŝajnas al vi tute senvalora [68]? [tia] decido restu praktike absolute senvalora [69].

Afero sen valoro, sen graveco, bagatelo, sensignifaĵo: el senvaloraĵo vi eltiros la valoraĵon [70]; ĉiuj nacioj […] estas rigardataj de Li kiel nulo kaj senvaloraĵo [71]; mia persono estas senvaloraĵo, en kiu mia individueco ne havas motivon por esti [72]; tio estis efektiva senvaloraĵo, precipe la du malnovaj portretoj ^Fab3 ; lasu tiujn senvaloraĵojn, kaj venu helpi min [73]. elĵetaĵo, feĉo, forbalaaĵo, ventumaĵo

(tr)

Senigi je valoro, vanigi: ĉu vi volas senvalorigi Mian verdikton [74]; tiuj ŝanĝoj […] senvalorigos tion, kion ni ĝis nun faris [75]; neniu devas iam havi la rajton senvalorigi ion, kio troviĝas en la Fundamento [76]; nova eldono senvalorigis la malnovan [77]; li faras tri bazajn metodologiajn erarojn, kiuj iom senvalorigas la tuton [78]; senvalorigi argumenton per lerta kritiko. elimini², estingi, forigi, likvidi, malfortigi, malvalidigi, nuligi

1.

Diferenco inter la fakta vendvaloro kaj la valoro rezultanta el la fiksado sur merkato.

2.

Atingita prezdiferenco en vendado inter reala valoro kaj vendoprezo.

1.

Aldona valoro: ĉu tio ekscese ekspluatas aŭtoro-rajtojn? la posteuloj neniel alportas krean plusvaloron al la artprodukto [79]; ne venis multaj klientoj, kiuj pretus pagi la „artan plusvaloron” aldone al la materiala [80].

2.

(en Marksismo) Laboro, kiun kapitalistoj alproprigas al si senpage, egala al la diferenco inter la sumigita laboro de produktantaj salajruloj kaj la salajro prezentanta nur la kostojn de reprodukto de la varo „laborforto“: kapitalo estas valoro, donanta plusvaloron [81]; klasika teorio diras, ke mono estas „realigita plusvaloro”, pli simple dirante, oni devas produkti varon kaj vendi ĝin [82].

Pligrandigi valoron: agrablaj paroloj plivalorigas la instruon [83]; respektante la fundamentajn celojn de francaj regionaj naturparkoj, la briera parko celas protekti kaj plivalorigi sian naturan kaj kulturan heredaĵojn [84].

Utilo de iu objekto: posedanto de mono devas trovi en merkato tian varon, kies uzvaloro mem havus originalan econ esti fonto de valoro [85].

(de propozicio) La valoro „vera“ aŭ „falsa“, al ĝi asociita: la vervaloro de propozicio oni ofte signas per simbolo `V` aŭ `F` (alternative: 1 aŭ 0).

[86]

(de reelo `x`) La pli granda el la nombroj `x` kaj `-x`: la absoluta valoro de -5 estas 5; la absoluta valoro de reela nombro estas ĝia numera valoro senkonsidere de ĝia signumo [87]; la absolutan valoron de `x` oni signas per `|x|` (legu: ikso absoluta). modulo de komplekso.