^*signif/i

(tr)

1.

(io) Havi difinitan sencon, valoron aŭ konsekvencon: „meti ion ien“ signifas: fari, ke io ie estu ^DL ; kion signifas la atestoj kaj leĝoj kaj reguloj, kiujn […] nia Dio ordonis al vi [1]? kion signifas ĉi tiu tumulta kriado [2]? [li] movetis iom strange la kapon, tio povis tiel same bone signifi jes, kiel ne [3]; li respondadis nenion krom P!, kaj P! ja nenion signifas [4]; mi ne havis botojn, vestojn, la tutan homan eksteraĵon, kiu donas al la homo lian signifon [5]; kion povas signifi tiu homamasiĝo tie [6]; kion signifas la doloro de miaj fingroj en komparo kun la turmento, kiun suferas mia koro! [7]; nun mi scias, kion tio signifas, ricevi viziton de siaj malnovaj pensoj kaj de ĉio, kion ili povas veki en la animo [8]; esti deŝirita signifis ja perdi la vivon [9].

2.

Egalvalori: libere spiri ne signifas vivi ^Ifigenio ; nobeleco signifas noblecon, ĝi estas la ora monero ^Fab3 ; komenci nun klarigojn, […] signifus […] perdi senutile […] tempon ^Hamlet ; komenci nun klarigojn, […] kial tago estas tago, kial la nokto estas nokto, tempo – tempo: signifus […] perdi senutile la tagon kaj la nokton kaj la tempon ^Hamlet ; esti honesta en tiu ĉi mondo signifas esti elektita inter dekmil ^Hamlet .

Rim.: La esprimo tio signifas estas ofte uzata adverbe kaj samsignife kiel tio estas.

3.

Simboli: la leonoj signifas forton kaj la koroj mildecon kaj amon [10]; i estu j […], sama litero signifu du diversajn sonojn [11].

1.

Esenca kaj kerna ideo montrita de io: „da“ post ia vorto montras, ke tiu ĉi vorto havas signifon de mezuro [12]; la sufikso „um“ ne havas difinitan signifon [13]; severe precizigi la signifon de tiu ĉi sufikso en la senco aŭ nur aktiva aŭ nur pasiva estus nekonsilinde [14]; ili ne povis tralegi la surskribon, nek klarigi […] ĝian signifon [15]; ambaŭ sonĝis sonĝon […] en la sama nokto, ĉiu kun aparta signifo [16]; jen estas ĝia signifoklarigo: la tri branĉoj estas tri tagoj [17]; la ruĝa ŝtupetaro sur la blua fundmuro estas signifoplena blazona signo, […] ĉar en ĝi la vojo ĉiam kondukas sur flamanta ŝtupetaro supren, al la ĉielo [18]; ĉiu opinias, ke la signifo, kiun li atribuas al tiu esprimo, estas la sole ĝusta [19]; dusignifa rideto ^Marta . senco¹

2.

(figure) Graveco, valoro, konsekvenco: nia kongreso havos apartan signifon kaj estos epokfaranta [20]; estas senfrukta kaj danĝera […] la sekvado de teoriaj principoj, se ni ne demandas nin, kian praktikan signifon ili havas [21]; grandegan signifon lingvo internacia havus por la scienco, komerco ^FK ; kian signifon havas la morto? la korpo dissolviĝas […] [22]. senco²

1.

Havanta kompreneblan signifon, senca: vantaj aŭtomobilistoj povis elekti licenc-platojn kun siaj personaj bonŝanco-ciferoj aŭ kun signifa literkombino [23]. komprenebla

2.

(figure) Havanta signifon, estanta grava aŭ valora en la koncerna situacio, rigardebla kiel grava: signife [li] levis la fingron supren [24]. ŝparo el kostoj estas pli ol signifa por la utiliganto de transporto, se ĝi estas komparata kun ... [25]; la riveroj malpuriĝis je signifa kvanto da kupro [26]. grava

1.

Ne havanta kompreneblan signifon, sensenca, absurda: la kantoj de la amkantistoj ‐ [nun por li] nenio krom sensignifaj sonoj [27]! la vortoj estas sensignifaj [28]; la poema karaktero de la sensignifa frazo iĝas pli evidenta [29]. nekomprenebla

2.

(figure) Ne havanta signifon, gravon aŭ valoron en la koncerna situacio, rigardebla kiel malgrava: estas tiom da specoj de voĉoj en la mondo, kaj nenia estas sensignifa [30]; sur la planko sidis […] la sensignifa „mi“ de la persono, admirante sian propran grandecon [31]; titolo sen mono ‐ sensignifa sono ^PrV ; gajaj sensignifuloj ^Marta ; mi notis la faktojn ŝajne plej sensignifajn, ŝiajn plej malgrandajn gestojn, ŝiajn plej senvalorajn parolojn [32]. malgrava