tradukoj: de en fr hu nl pt ru

¹fraz/o

frazo

1.

Kunaĵo da vortoj prezentanta kompletan sencon: simpla frazo (konsistanta el ununura propozicio); kompleksa frazo (plurpropozicia); la lasta frazo de alineo; tiu frazo estas tro longa kaj ne klara; tiu vorto estas subjekto de la frazo; indikativa, ordona, nega frazo.

2.

(figure) Afektaj, belsonaj, senkernaj, malmultsignifaj paroloj: grandaj frazoj, malgrandaj agoj. afekto, bombasto, emfazo, patoso

3.

Nelonga kaj pli-malpli kompleta parto de muzika temo, melodio.

4.

En programlingvo, meznivela unuo de programteksto, prezentanta relative aŭtonoman kaj kompletan informon: deklaron de programa objekto, ordonon aŭ komandon, esprimon: deklara, plenumebla, ordona, valorhava frazo.

frazaro

1.

Kunaĵo da frazoj.

2.

Kolekto da modelaj antaŭpretaj frazoj.

frazi

Paroli per afektaj, malmultsignifaj frazoj.

frazisto

Tiu, kiu kutimas frazi: frazista sensencaĵo^Z.

ĉirkaŭfrazo

Stilfiguro, tropo indikanta ideon, personon aŭ objekton ne rekte per la propra vorto, sed per priskribo aŭ karakteriza detalo, ekzemple „la reĝo de Olimpo“ anstataŭ „Zeŭso“; „la Eterna Urbo“ anstataŭ „Romo“, „la aŭtoro de ĉi tiuj linioj“ (anstataŭ „mi“ en aŭtora teksto): sufiĉe da ĉirkaŭfrazoj! [1]; la superstiĉa Anfisa sen ĉirkaŭfrazo deklaris al sia ĉagrenita mastrino, ke tio estas sorĉo [2].

frapfrazo

Facile memorebla frazo reklamanta principon, politikan celon, institucion, vendaĵon: ni starigas konkurson por trovi trafan frapfrazon de TEJO [3]. moto

frazparto [4]

Vorto aŭ grupo da vortoj, rolantaj kiel unuo en frazo.

frazrolo [5]

Funkcio de frazparto en la tuta frazo.