tradukoj: be cs de en es fr hu it pl pt ru sv

^*esprim/i [1]

^*esprimi

Montri sian penson aŭ senton per paroloj, gestoj aŭ aliaj aŭdeblaj aŭ videblaj signoj: se mi volas esprimi direkton, mi uzas akuzativon^Z; liaj rigardoj esprimis teruron; esprimi koran dankon^Z, sian favoron^Z, opinion, deziron, ĝojon, kontentecon, doloron. eldiri.

esprimo

1.

Montro de penso aŭ sento per paroloj aŭ gestoj: malĝoja esprimo kuŝis sur ŝia frunto.

2.

Dirmaniero: tiu esprimo estas malklara, internacie nekomprenebla.

3.

[2] Sinsekvo da simboloj, indikanta matematikan aŭ programan objekton: la esprimo a^x-2 konsistas el kvar simboloj kaj prezentas rezulton de du sinsekvaj operacioj; kalkulu la esprimon a²+5a-2, kiam a = 2; egalaĵo konsistas el du esprimoj kunigitaj per egalsigno. Komparu kun: formulo.

esprimaĵo

esprimo.

esprimilo

Lingva rimedo por esprimi iun sencon aŭ nuancon: la penso starigas inter ideoj certan nombron da rilatoj, por kiuj la naciaj lingvoj ne ĉiam disponas esprimilojn [4]; rekursiaj funkcioj estas eleganta esprimilo por prezenti multajn klasikajn algoritmojn.

esprimisma

Konforma al la stilo de esprimismo, el la esprimismo: „La krio“ estas unu el la plej reprezentaj artaĵoj de la esprimisma movado [5].

esprimismo

Arta stilo, kiu forte prezentas sentojn kaj emociojn, eĉ per troigo aŭ karikaturo, historie precipe germandevena movado el la unua duono de la 20a jarcento: esprimismo velkos kun naŭzo / post laŭto ekestos kontemplo [6]; Miklós Radnóti ... debutis kiel avantgarda poeto, liaj fruaj poemoj montras la influojn de esprimismo kaj superrealismo [7].

subesprimo

Esprimo rigardata kiel parto de alia esprimo: ŝpari komunajn subesprimojn en programo; redukti egalajn subesprimojn en algebra frakcio.