^*rezerv/i

(tr)

1.

Apartigi kaj konservi por iu aparta destino: ĉiu homo prezentas unue la bonan vinon, […] sed vi rezervis la bonan vinon ĝis nun [1]; en ĉia okazo restas ankoraŭ 200 dolaroj jare, [el kiuj ni] rezervis kapitaleton en la ŝpara banko [2]; ŝi ne divenis tion, kion al ŝi rezervas la estonteco [3]; al Dio servu, diablon rezervu ^PrV . deponi¹, destini, gardi^1.b, reteni¹, ŝpari¹

2.

Apartigi kaj escepti por posta pridiskuto: jes! ŝi respondis, […] sed mi rezervas al mi, ke la edziĝo okazos ne pli frue, ol post unu jaro, ĉar ŝi esperis, ke dum tiu tempo ŝi aŭdos ion pri sia amata ĉasisto [4]; la homaranoj rezervas al si la rajton per komuna reciproka interkonsento ŝanĝi kaj perfektigi siajn dogmojn [5]; ĉion tion mi rezervas por interparolo kun vi, kiam en unua libera momento mi alvenos Romon [6]. bloki², prokrasti

3.

Apartigi por ekskluzive disponigi al iu: [li] ne rezervis por mi eĉ ian rajton de aŭtoreco [7]; en la kajuto estis lokoj por kvar kaj ĉiuj portis la nomojn de tiuj, kiuj rezervis ilin [8]; [li] telefonis por rezervi apartan tablon por ili [9]; li tamen rezervis al la registara interkonsento povon enkonduki en tiun lingvon ĉiujn necesajn reformojn kaj ŝanĝojn [10]; ĉiuj rajtoj estas rezervitaj. akiri, mendi, okupi

Konservata por posta uzo, diskuto, dispono: ili preparu rezervajn regimentojn [11]; jen komenciĝas ŝtonaj konstruaĵoj, rezervaj relvojoj, fabriktuboj ^Metrop ; dank’ al Dio mi ŝparis rezervan groŝon por pluvaj tagoj [12]; tiu rezerva kapitalo […] daŭre kreskis [13]; rezervaj maŝinpartoj [14].

1.

Ago rezervi: vendo per memvola aŭkcio […] kun rezervo de antaŭa privata konsentiĝo ^BdV ; la aŭtoro tuj protektas sin per rezervo, ke la enmeto de Esperanto „devas ne esti interpretita kiel signifanta pledon aŭ aprobon fare de la aŭtoro de ĝiaj principoj aŭ de ĝia konstrumetodo“ [15]; prenante en konsideron la suprajn rezervojn pri la precizeco de la vortoj, oni povas senerare aserti, ke la lingvo, tia kia ĝi estas, ebligas la pensadon [16]; la vero, eĉ kun tiu rezervo de relativeco, ĉiam estas sintezo de du inter si kontraŭaj flankoj: de la tezo kaj de la antitezo [17].

2.

Io rezervata; io uzebla kiam ĉefa provizo elĉerpiĝis: rezervo plifortigis la centran kolonon, kiun minacis la plej forta atako [18]; la dekstra mano estas en la „unua linio“ de la oratora lukto, dum la maldekstra formas la „rezervon“ [19]; kvankam mia vojaĝo laŭkalkule ne bezonis pli da tempo ol du semajnoj, tamen […] zorgu ankaŭ pri rezervo [20]; la trovo rezultigis la malkovron de gravaj rezervoj de nafto [21]. stoko

Militdeva civitano, kiu en la koncerna tempo ne militservas, sed povas esti vokita en okazo de bezono kiel ano de la rezervarmeo: hodiaŭ nur unu vagonaro forveturos kunpostsenditaj rezervanoj [22].

Rezervano: la italaj taĉmentoj suferis pro hontiga malvenko de kelkoble malpli fortaj francaj rezervistoj [23].

Ujo en kiu oni rezervas ion: elektra pumpilo […] tiris akvon el puto al rezervujo lokita supre ^ChV ; Stefano plenigis la benzinan rezervujon ^ChB ; cisterno: rezervujo por akvo aŭ oleo ^MortulŜip ; plasta rezervujo de trinkakvo staris antaŭ la monumento [24]; la plej signifoplena rezervujo de gripaj virusoj estas birdoj, precipe sovaĝaj anasoj [25]; (figure) la memoro, krome, prezentas por la oratoro grandan rezervujon de plej diversaj faktoj kaj scioj, kiujn havigis al li lia klereco ^Ret . konservujo, kolektujo

1.

En teamaj sportoludoj, registrita, sed komence ne ludanta teamano, kiu laŭbezone povas anstataŭi iun jam ludantan teamanon: la membronombro de la teamoj estas 3 konkursantoj plus unu rezervulo [26]; estas Morhaŭso, unua rezervulo, sed lin oni trejnis kiel halfon, kaj li ĉiam movetiĝis rekte en la luderon anstataŭ resti en la tuŝlinio [27].

2.

rezervisto

Plena, sen ia rezervo: senrezerva aprobo [28]; liaj amikoj alte taksis lian senrezervan donemon [29]; ili energie postulos tujan, senrezervan retiron de tia malindega aludo [30]. senkondiĉa, senskrupula, sindonema

Teritorio por konservo de naturaj medioj, kie leĝo modere aŭ tute ne permesas kultivadon, industrion, homan agadon: ĉio kuŝas je mallonga distanco for […] de naturrezervejo kaj rifuĝejo por multaj animalaj specioj [31]; la superaj instancoj montris nenian intereson por naturrezervejoj [32]. naturparko, parko²