^*trakt/i

(tr)

1.

Diskuti pri la kondiĉoj de iu afero por finveni al interkonsento; pritrakti, intertrakti: oni ne traktas kun ŝtelistoj [1]; mi atendis, ĝis kvietiĝis la patra doloro, mi iom manĝis kaj trinkis kaj ni komencis trakti la aferon [2]; la ministro de lia sankteco havas la rajton trakti kun la najbaraj monarĥoj [3]; li konsentis trakti kun mi la aferon [4]; trakti la negocojn de miaj mendantoj kun la tuta kompetento dezirinda kaj per tia maniero, ke ili estu plene kontentaj [5]; mi volas paroli pri temo, kiun mi ne estus kuraĝinta trakti en ŝia ĉeesto [6]. negoci, marĉandi, kontrakti

2.

Agi, konduti iamaniere kontraŭ iu aŭ io: trakti afable la gaston; trakti iun severe, nedece, laŭmerite, perfide, kiel krimulon; oni ne povis trakti la garantiulinon kiel militkaptitinon [7]; la komitato traktos (plenumos kaj konsideros) sian taskon serioze [8]; tiuj esperantistoj, kiuj traktas (konsideras) la esperantismon kiel ideon, predikas reciprokan justecon kaj fratecon inter la popoloj [9]; petu la gepatrojn, ke ili traktu tiun ĉi aferon kiel sekreton [10]; li tute nove traktis la pianon [11]; en Konstanco, ĉe la koncilio, neniu efektive lin protektis, male oni traktis lin […] kvazaŭ li estus pleja krimulo [12]; Jakobo vidis la kruelan kaj malnoblegan manieron laŭ kiu oni traktis unu el siaj fratoj [13]; la potenculoj traktas ilin kiel gregojn [14]. akcepti², konsideri³, preni⁵

3.

Metode esplori, klarigi, disvolvi kaj pridiskuti iun temon: pri l' unua fako, la lingva, li detale traktis en la raporto [15]; verko, kiu traktas pri unu el la aktualaj sociaj demandoj ^Marta ; la teatraĵo traktis pri du geamantoj, al kiuj la sorto ne permesis ricevi sin reciproke [16]; la psikologio traktas la lingvon precipe el la vidpunkto de la mensaj operacioj koncernantaj la rilaton inter vorto kaj ideo [17]; fakajn problemojn traktas regula Cirkulero al la membroj [18]; instruisto pri evangelia religio, traktis en iu naŭa klaso mian artikolon dum du horoj [19]; ni klasifiku ilin laŭ kvin niveloj, kiujn ni traktu en la inversa ordo [20]; li traktis plurajn tiutempe novajn temojn: feminismon […] kaj la movadon por universala paco [21]. prilumi, temi, traktato²

4.

Prilabori, submeti al efiko de rimedo aŭ procezo: trakti malsanulon per antibiotiko^PIV ; nur 100-jare vivanta homo ne traktu aĵon, kiu kelkmiljare radioaktivas [22]; kuracista institucio havanta avangardan teknologion por trakti la Ebolo-pacientojn [23]; psikiatro, kiu traktas siajn pacientojn kuŝante [24]; kemiaĵoj, necesaj por elminadi kaj trakti rarajn metalojn, fluas al riveroj [25]. apliki, kuraci

Ago trakti:

1.

nur la morto de la tirano liberigis lin de liaj malbonaj traktoj [26]; Gestapo nomis Esperanton „sekreta lingvo de komunistoj“, tiel ke ili ofte ricevis pli severan trakton ol iliaj neesperantistaj kamaradoj [27]; sufiĉe libera trakto de tonaloj [28]; manifestiĝas neegalrajta trakto de la lingvoj [29].

2.

se objekto ne estas tre malgranda (kio bezonus trakton pere de kvantumfiziko), ne estas tre granda (kio bezonus trakton pere de ĝenerala relativeco) kaj ne moviĝas kun rapido komparebla kun la rapido de la lumo (kio bezonus trakton pere de speciala relativeco), la teorio de Newton funkcias tute bone [30].

3.

[pro malpermeso] de ketamino, pro kio bestkuracistoj devis rifuzi kirurgiajn traktojn aŭ fari tion sen anestezio (anestezo) [31].

1.

datumtraktilo

2.

Parto de programo plenumanta ian specialan prilaboron, precipe de esceptaj situacioj aŭ eksteraj interrompoj: desegnita por trakti sonon tute ciferece, tiel preterpasante analogan traktilon kaj konservante la klarecon [32]; plenumstako estas stako en kiu dum rulado de komputila programo estas registrataj la datumoj pri la subprogramoj kaj diversaj traktiloj aktivaj je koncerna tempopunkto [33].

1.

Traktado, kiu okazas prepare al la ĉefa intertraktado: kun Kosovo la antaŭtraktadoj ankoraŭ stagnas, ĉar […] la Sankta Seĝo preferas ne riski perturbi la nunan trankvilecon inter la balkanaj ŝtatoj [34].

2.

Datumtraktado plenumata super donaĵoj por pretigi ilin al ĉefa komputado (akordigi interfacojn, kontroli la validon, forigi redundaĵojn ktp). posttraktado

Programo por antaŭtraktado: la antaŭtraktilo CPP estas ĝenerale aparta programo, kio permesas, ke dosieroj antaŭtraktiĝu, sen tio ke ili estu plene tradukitaj [35]. datumtraktiloposttraktilo

(x)

Plurpartie trakti, interparoli por trovi akordon: nun ni reciproke intertraktu […] nun ni povas nin reciproke kompreni [36]; nia tasko tute ne estas, starigi nin kiel […] juĝistojn inter du nacioj intertraktantaj [37]. debati, diskuti

(tr)

Senzorge, mallerte, difekte trakti: ŝia pseŭdopatro fimistraktis ŝin [38]; se oni neglektas aŭ iel mistraktas ĝin, ĝi malsaniĝas [39]; Francesco […] en la dramo malagnoskas siajn infanojn, torturas, sklavigas, kaj mistraktas ilin [40]; raportoj pri mistrakto de eksterlandanoj [41]; mistrakto de homaj rajtoj kaj religia libereco [42].

(tr)

Trakti pri: ĉi tie ne estas la ĝusta loko por pritraktado de sciencaj demandoj [43]; britaj doganistoj komencis suspekte pritrakti ĉiun ŝarĝaŭton el Litovio [44]; mi ĉesigas mian pritraktadon por respondi al demando [45]; en sciencaj pritraktoj oni zorge distenu koron kaj cerbon [46]; tio por li estas nepritraktinda normalaĵo [47].

1.

Traktado, kiu okazas post la ĉefa traktado, ekz-e por finklarigi detalojn aŭ por alĝustigi ne tute kontentigan rezulton: parte dependas de la posttraktado de la administrantoj, parte dependas de la uzantoj ke ili kontrolu kaj korektu siajn datumojn [48].

2.

Datumtraktado plenumata super la rezultoj de ĉefa datumprilaboro (por plibonigi ilian formon, akordigi interfacojn ktp). antaŭtraktado

Programo por posttraktado: la ĉi-foruma posttraktilo unue vokos literumilon […] kaj poste aŭtomate iksigos la tekston [49]. datumtraktiloantaŭtraktilo

Ĉiuj operacioj ebligantaj enkomputiligi, kontroli, aranĝi, konservi, transformi, vidigi kaj ekstrakti informojn el datumoj: li diplomiĝis en datumtraktado, sisteminĝenierado kaj programado [50].

Programo prilaboranta datumojn de iu speciala tipo (ekz-e lingvotraktiloj: tradukilo, interpretilo, makrootraktilo ktp). datumtraktado