³aplik/i

(tr)

1.

Uzi por praktiko teoriajn sciojn, leĝon, regulon: apliki metodon; neniaj eĉ plej bonaj teoriaj principoj havas ian forton, se ili ne estas konstante aplikataj praktike [1]; li mem lavas sin, mem sin vestas, kaj lia frizisto tutajn tagojn kaptas per laĉoj birdojn kaj ne aplikas sian talenton ^Far1 ; ĉu la vortoj de Ramzes povas esti aplikitaj al la filino de mizera terluanto [2]? la plej alta tarifo estas 18 %, por kelkaj nutraĵoj oni aplikas nur 6 % [3]; enmigrontoj renkontas oficistojn kiuj senhezite aplikas stultajn enmigrado-leĝojn [4]; jen modelo, kiun oni aplikis [5]; apliki la ses jenajn principojn […] [6]; problemo de homaj rajtoj fontas el ties limigita aplikeblo [7]. dediĉi¹, destini

2.

Uzi por speciala celo, en speciala okazo: apliki severajn rimedojn; vi trovis la malsanon, vi serĉos sanigilon kaj aplikos ĝin [8]; aplikante ĉian diligentecon [9]; apliki glavon […] por haki karnon [10]; apliki al iu la faman ekkrion de la poeto ^Marta ; aplikado de diversaj mezuriloj [egalas al] hipokriteco [11]; ni nun aplikas plej novan teknikon por enpaĝigi kaj prespretigi la revuon [12]. praktiki, utiligi.

Uzo por difinita celo, al certa kampo: apliko de libere akceptitaj reguloj [13]; la tuta lino, ĉiu aparta trunketo, trovis sian aplikon en tiu unu peco [da tolo] [14]; apliko de la zamenhofa fundamento [15]; aplikoj de Esperanto en scienco kaj tekniko [16]; por natursciencaj aplikoj oni bezonas pli ekzaktan difinon de la sekundo [17].

Programo^1.c dediĉita al difinita funkcio, kun speciala utilo; apo: la restanta ĉefmemoro ne sufiĉas por la aplikaĵoj kiujn mi bezonas [18]; senpage babili kun sia fratino kaj esti informita en reala tempo pere de aplikaĵoj [19]; iu kombinis informon pri luotaj hejmoj per unu aplikaĵo kun mapoj el aplikaĵo de Google por montri sur la mapo la situon de ĉiu luota hejmo [20].

Tia, ke oni ĝin povas apliki en konkreta situacio: tiu leĝo […] montriĝis poste neaplikebla en pluraj kazoj [21]; la principo estas konsekvence aplikebla [22]; kio estas aplikebla en Sovetio, estas tute malaplikebla ĉe ni ^Metrop ; Esperanto […] estas facile lernebla kaj multmaniere aplikebla [23]. ĝusta², konvena^1.a, praktika¹, taŭga, trafa, valida

(ntr)

Uziĝi, funkcii en iu situacio: mia larĝa koncepto aplikiĝas en la germana scienca Societo pri Interlingvistiko [24]; eĉ se la leĝo iam estos aprobita, ĝi certe dum longa tempo ne aplikiĝos [25]; [en] la yana-lingvo en norda Kalifornio, la vira formo estas uzata sole inter viroj, dum la virina aplikiĝas ne nur en la konversacio inter virinoj, sed ankaŭ inter virinoj kaj viroj [26].

Apliki malĝuste, per malĝusta metodo, en malĝustaj cirkonstancoj ktp: re-intertrakti iujn maljustajn aŭ misaplikatajn interkonsentojn ^MD08 ; oni foje misaplikas ĉi tiun terminon [27].