tradukoj: be bg cs de en es fr hu nl pl ru sv

^*tranĉ/i

^*tranĉi

1.

Dividi solidaĵon per akra ilo: tranĉanta kiel razilo; tranĉi drapon; (figure) tranĉi rekte en la karnon (uzi efikan, sed malmildan rimedon) [1]; ambaŭtranĉa glavo^Z; ĉiu tajloro havas sian tranĉmanieron [2]. falĉi, haki, rompi, sekci, tondi

2.

(figure) Traiĝi: krioj tranĉis aeron, la noktan silenton; la popolo, kies landon tratranĉas riveroj^Z; la herbejon distranĉis rivereto^B.

3.

(figure) Akre kaj dolore frapi la sentumojn: tia muziko tranĉas la orelon^Z; la lumo tranĉis al ni la okulojn^Z; vi distranĉas mian koron^Z; tranĉa malvarmo^Z, fajfo; ni sentis la akran tranĉadon de l' frosto; tranĉanta koloro^B.

tranĉo

1.

Ago tranĉi; rezulto de tiu ago: la ĥirurgiistoj faris tranĉojn en la karno por trovi la plumbon^B.

2.

dedekinda tranĉo.

^*tranĉilo

Diversforma ilo por tranĉi: la tranĉilo tranĉas bone, ĉar ĝi estas akra [3].

^*altranĉi

Doni ĝustan formon per tranĉado: altranĉi drapon por vesto; vestojn, supervestojn kaj eĉ iom pli elegantan tolaĵon mi altranĉi ne povus [4].

ĉirkaŭtranĉi

Tranĉi ĉe la ĉirkaŭo, por doni ĝustan formon: la salika branĉo tie ekstere fariĝis belega arbo, libera kaj ne ĉirkaŭtranĉita ĝi tie staris [5].

detranĉi, fortranĉi

1.

Apartigi, forigi tranĉante: dek fojojn mezuru, unu fojon detranĉu [6]; en formo de detranĉita (senpinta) piramido^B.

2.

(figure) Apartigi, forigi: la armeo estas fortranĉita de la ĉefurbo^B; pro manko de komunikiloj tiu vasta regiono estas fortranĉita for de la mondvivo.

3.

(fakula ĵargono) (p.p. angulo rilate al kurbo aŭ surfaco) Diri, ke ebena angulo detranĉas arkon sur cirklo, signifas, ke la randoj de tiu arko estas intersekcopunktoj de la cirklo kun la lateroj de la angulo; diri, ke solida angulo detranĉas surfacon sur sfero, signifas, ke tiu surfaco estas intersekco de la sfero kun la solida angulo: centra angulo estas duoblo de cirkonferenca angulo, kiu detranĉas la saman arkon.

eltranĉi

Doni formon al io, fortranĉante de ĝi pecetojn: en la balkono estis eltranĉita karikatura vizaĝo [7]. tajli

poŝtranĉilo

Malgranda tranĉilo kun faldebla klingo.

dedekinda tranĉo

(en la aro de racionaloj) Tia duopo (A,B) el subaroj de la aro de racionaloj, ke: (1) ĉiu elemento de A estas strikte malpli granda ol ajna elemento de B; (2) por ĉiu pozitiva racionalo ε ekzistas tiaj x∈A kaj y∈B, ke 0 < y-x < ε: neracionalo estas difinebla per (dedekinda) tranĉo farata en racionaloj [8]. Dedekindo.

      Ĉi tiu termino logike devenas de "découper" kaj
      "вырезать", sed mi ne certas, ĉu
      ĝi estas tradicia en E. [MB]