^*glut/i ^PV

(tr)

1.

Malsuprenigi ion tra la gorĝo en la ezofagon kaj stomakon: gluti la varmegan kafon [1]; ŝi komencis avide gluti kaviaron [2]; gluti kuracilon kun sia manĝo [3]; Anjo glutis aeron kaj ridetis [4]; ĉu vi vidas la kropkolombon […] kiel ĝi glutas pizojn [5]? azenoj staras sur montetoj, glutas aeron kiel ŝakaloj [6]; iom malsperte […] la neapudmara homo provas gluti ostron [7]; ili volupteme glutis la cigaredan fumon ^Metrop ; li ripete glutis sian salivon [8]; restis nenio absolute, nek por mordi, nek por gluti ^PrV .

2.

(figure) Malaperigi profunde en si: la maro glutis lin [9]; [tuj] ŝin glutos la profundo por ĉiam [10]; veturi tiun keston [ŝipaĉon], tio estas hontindaĵo, pro kiu mi longe devos barakti, antaŭ ol mi glutos (akceptos, toleros) kaj digestos tion [11]; [ŝi] preskaŭ glutis (avide rigardis) lin per la okuloj [12]; La ocean’, el bordo elirinte, ⫽ Ne pli sovaĝe glutas l’ ebenaĵon, [13]; la vagonaro glutas (trakuras) la kilometrojn [14]; la naŭ fajroj […] glutis pli ol mil kvarcent kvindek pezajn ŝovelplenojn da karboj [15]; momenton poste ŝajnis, kvazaŭ la flamoj glutus ĝin [16]; por gluti sian emfazon, li aldonis: – mizerulo, fripono [17]!

(sonimito)

Sono de glutado: li trinkadis labore, glut...glut...glut... ĉu li eltenos [18]? hiks'! glut' [19]!

1.

Ago gluti: [li] faris malbonan gluton kaj estis atakita de konvulsia tusado [20]; post ĉiu gluto grincadi siajn dentojn [21].

2.

Kvanto de tio, kion oni glutas per unu fojo; glutkvanto: la knabo eltiris la botelon, […] almetis ĝin al la buŝo kaj trinkis unu gluton [22]; Paŭlo per malgrandaj glutoj trinkis de la varmega kafo [23]. ĉerpeto, plenbuŝo

Avide manĝanta, manĝegema.

1.

Gorĝo.

2.

(vulgare) Manĝejo: kial stari ĉi tie en la strato? ni iru al glutejo kaj festu la renkonton per ŝaŭmaĵo [24]!

3.

(figure) Abismo. faŭko

1.

Tute enigi en sin: la juna virino englutis la enhavon de l’ glaso per unu trinko [25]; la grandaj buldogoj […] aspektis kvazaŭ ĉiu el ili povus engluti homon [26]; (figure) la tero […] englutos ilin, kaj ĉion, kio apartenas al ili [27]; (figure) multaj en mia aĝo […] englutis la tutan saĝecon de la mondo [28]; per sola trarigardo ŝi englutis la tutan artikolon [29]; ĉi tiu bildo englutis (ekposedis, fascinis, okupis³) ŝiajn pensojn, tamen videble ŝin ne teruris ^Marta ; granda fiŝo englutis la hoketon, kaj la malforta kreaĵo ne havis sufiĉe de fortoj por eltiri ĝin [30]; (figure) ia unu popolo dispremos kaj englutos ĉiujn aliajn popolojn [per] grandega superforto [31]; fiŝo pli granda malgrandan englutas ^PrV ; (figure) se vi krudulon salutos, li vin tutan englutos (ekposedos) ^PrV . forgluti, vori

2.

Forkonsumi, foruzi: tio ĉi englutas ja neproduktive grandegan multon da laboroj kaj mono [32]; ĉi tiuj virinoj […] englutas la riĉaĵojn […] miajn [33];

Malaperigi glutante: leono blekeganta ĉirkaŭiras, serĉante, kiun li povos forgluti [34]; (figure) tiun trezoron forglutis la kameno ^Marta ; (figure) forgluti (malklare, duone elparoli) la vortojn ^PV ; li silentis, forglutante siajn timojn ^PV ; (figure) la fortoj de la tutmondiĝo iam forglutas ĉiujn diferencojn [35]; nigraj truoj kapablas ne nur forgluti, entiri internen, la ĉirkaŭan materion, sed male ĝin eĉ elradii [36].