^*ĉerp/i ^PV

(tr)

1.

Preni fluaĵon el iu loko aŭ ujo: ŝi tuj lavis sian kruĉon kaj ĉerpis akvon en la plej pura loko de la fonto [1]; ŝi malsupreniris al la fonto kaj ĉerpis [2]; ŝi elverŝis el sia kruĉo en la trinkujon, kaj kuris denove al la puto, por ĉerpi por ĉiuj liaj kameloj [3]; iu venis al la vinpremejo, por ĉerpi kvindek mezurojn [4]; la filino […] staris ĉe la puto kaj suprenĉerpis akvon [5]; [ili] per la manoj ĉerpis [la] malbonodoran akvon [6]; siteloj ĉerpis la akvon el la lageto kaj verŝis ĝin en trogon [7]; Mefres prenis en la manon grandan kuleron kaj ĉerpinte el la kaldrono bolantan peĉon, diris per laŭta voĉo […] [8]; longe ĉerpas la kruĉo, ĝis ĝi fine rompiĝas^PrV ; ĉerpi akvon per kribrilo (vane klopodi, kp Sizifo) ^PrV .

2.

(figure) Elpreni, eltiri: [ili] kantis preĝojn, el kiuj ili ĉerpis konsolon kaj kuraĝon [9]; el kiu fonto vi ĉerpis la sciigojn [10]? ŝi ĉerpis sian kuraĝon el la patrina amo ^Marta ; ĉerpi el komuna fonto de eŭropaj lingvoj ^VivZam ; ĉiuj dezirantoj povu ĉerpi kulturon kaj eduki siajn infanojn en senŝovinisma spirito [11]; el la tempo pasinta ni ĉerpu instruon por la tempo venonta [12].

Kvanto de malgranda ĉerpo, kulerpleno: mi volus vin peti alporti al mi ĉerpeton da akvo [13]. manpleno, plenbuŝo

Ujo kun tenilo, per kiu oni ĉerpas: trulo — ĉerpilo kaj albatilo por masonpasto [14]; vi nenian ĉerpilon havas, kaj la puto estas profunda, de kie do vi havas tiun […] akvon [15]? li […] ĉerpis plenan tason da vino per kupra ĉerpilo [16].

(tr)

Preni ĉerpante: li etendis sian voston, kiel faras la musoj en la laktejo, kiam ili deĉerpas la kremon de plado kaj poste lekas sian voston [17].

(tr)

Ĝisfine ĉerpi, tute preni, plenkonsumi: la pano elĉerpiĝis en nia sako [18]; [la] rivero elĉerpiĝas kaj elsekiĝas [19]; gardu vin kontraŭ la ekstremo, elĉerpu simplajn, honestajn rimedojn ^QuV ; li jam elĉerpis mian paciencon [20]; liaj fortoj, kiel li sentis, elĉerpiĝadis, ĝis la tero estis ankoraŭ distanco de kelkaj kabloj, sed venis helpo, alproksimiĝis boato [21]. sekigielsuĉi, eltrinki, foruzi, konsumi, mueli²

1.

Senigita tute je provizo: la akvo en la putoj, rapide elfositaj, jam estis elĉerpita [22]; ĉar miaj provizoj estas elĉerpitaj, mi devas prunti [23].

2.

(figure) Senigita je sia tuta forto: mi estis elĉerpita, morale kaj fizike, pli kaj pli nebulis en mia kapo, mi paŝis aŭtomate [24]. astenia, lacega