tradukoj: be cs de en es fr pt ru

^*etend/i

^*etendi

1.

Malvolvi laŭ la longo, longigante en unu direkto: etendi la brakojn al la ĉielo^Z; etendi la manon al iu^Z; etendi rubandon, ferfadenon; etendi la membrojn; etendi la kapon tra la fenestro, super la ŝultron de iu^Z; etendi sian rigardon malproksimen. streĉi.

2.

Doni, prezenti ion etendante la brakon: etendi ringon al iu [1].

3.

Malvolvi ĉiudirekten, kovrante pli ampleksan spacon: etendi tolaĵon sur ŝnuro por ĝin sekigi; etendi la flugilojn [2]; etendi flagojn, tendon, kurtenon, mantelon; etendi fumnubon antaŭ la fronto; etendi tapiŝon sur tablo(n), tapeton sur muro(n); etendi reton, velon^B; li etendis siajn batalionojn sur la kampo; etendi pajlon sur la tero. sterni.

4.

Plilongigi aŭ pliampleksigi metalon, malplidikigante ĝin: etendi oron per martelado, per fadenigilo; batetendi foliojn da oro [3].

5.

(figure) Disvastigi ĉiudirekten: la maro kuŝis etendita antaŭ la knabino [4]; la vento disetendas la bonodoron de floroj^B; oni devas etendi la regulon al ĉiuj similaj okazoj; etendi sian programon.

sin etendi

1.

Etendi siajn membrojn.

2.

Etendiĝi.

etendiĝi

1.

Malvolviĝi laŭ la longo: sur ambaŭ bordoj etendiĝis seninterrompa vico da dometoj [5]. sterniĝi, kuŝi.

2.

Malvolviĝi ĉiudirekten: la branĉoj etendiĝis ĉirkaŭ la tuta frontono [6]; longa ombro etendiĝis sur la plafonon [7]; nebulo etendiĝis super la valo; dolĉa parfumo etendiĝis tra la aero; bonodoro disetendiĝis^Z. disvastiĝi.

3.

Okupi vastan spacon aŭ tempon: la grenkampoj etendiĝas ĝis la horizonto; la nemezurebla maro etendiĝis antaŭ li [8]; la Pireneoj etendiĝas inter Francujo kaj Hispanujo; tiu periodo etendiĝas de 1884 ĝis 1900.

4.

(figure) Disvastiĝi ĉiudirekten: la sciiĝo etendiĝis rapide; la interesoj, la konkurenco nun etendiĝas al la tuta mondo.

etendaĵo

Io etendiĝanta iom vaste laŭ ĉiu direkto: granda etendaĵo da akvo.

etendebla

Povanta esti etendata: kupro estas etendebla metalo.