tradukoj: be bg cs de en es fr hu id nl pl pt ru sk

*radi/o

*radio  

1.  
Rektlinia mallarĝa lumstrio: hela radio de la suno [1]; la unua radio de la suno [2]; sur la herbo malantaŭ la dikaj trunkoj brilis la oraj strioj de la sunaj radioj IK ; [la] tonoj melankolie kunfandiĝadis kun la lunaj radioj, penetrantaj tra la fenestro Marta ; li eksentis subite kvazaŭ radion de fulmo [3]; veni sub la radiojn de la lampo [4]; (figure) popoloj iros al via lumo, kaj reĝoj al la brilo de viaj radioj [5]; (figure) leviĝos suno de justeco, kaj sanigo estos en ĝiaj radioj [6]. VD:kisi.
2.
Ĉiu aparta elsendaĵo el energifonto: radio de varmo, ultraviola lumo; la rapideco de la radio de lumo [7]; rentgen-, alfa-, beta- kaj gama-~oj; en fiziko, rentgeno (simbolo R) estas mezurunuo por joniga radiado (kiel ikso-radioj kaj gamaj radioj) [8]; RAD radio-aparato [9]; radioamatoro [10]; mi eĉ ne kuraĝis ŝalti la radioricevilon [11]; poŝtelefonoj […] estas malsanigaj pro la radioj uzataj por tiu ĉi moderna kaj populara komunikilo [12].
3.
Radiofonio: helpokrio (per radio) [13]; radiostacio; varsovia solenaĵo, kiun oni povis spekti en la televido kaj aŭskulti en la radio [14]; Pola Radio persatelite elsendas esperantlingvajn programojn [15]; radioprogramoj [16].
4.  
(figure) Io, kio iras de iu centra punkto, discelante kiel branĉoj de ventumilo: aksoj kaj aksingoj kaj radradioj kaj radrondoj [17]; en la mezo de la granda salono batis alta fontano, ĝiaj radioj sin levadis ĝis la vitra kupolo de la plafono [18]; el la deklivo fluetis fontoj en formo de dikaj radioj de akvo [19]; ŝtofo kun radioj, blankaj kaj rozokoloraj Marta ; [lekanto] kun siaj brilante blankaj folietoj, sidantaj kiel radioj ĉirkaŭ la interna flava suno [20]; la harpunon oni enpuŝis al la rosmaro en la bruston tiel, ke radio da varma sango elŝprucis trans la glacion kiel fontano [21].
5.
(figure) Ĝojbrila aspekto: super la vizaĝo de la patrino kuris radio da feliĉo FK ; nenia radio de amo, boneco, malsevereco BdV ; radio da espero; radiluma estonto.
6.  
MAT(arkaismo) [22] Radiuso: armeo estas nenie en almenaŭ trimejla radio (en cirklo kun trimejla radio) [23]; la rigardo ĉirkaŭprenis en kelkmejla radio preskaŭ la tutan provincon [24]; sur la sfero ĉiela havanta I kiel centron, C sek D kiel radion, ni konsideru […] FK .
7.  
MATMatVort=duonrekto.

radii  

1.
(x)
Eligi kaj dissendi radiojn de lumo aŭ varmo: la suno radiis oblikve; en la varmaj landoj la suno radias (radie dissendas) alian varmegon ol ĉe ni [25]; milionoj da steloj eklumis, milionoj da diamantaj lampoj radiis [26]; radianta blua stelo [27]; (figure) lernejo estas fajrejo disradianta la spiritan vivon; lumo, kiu povus priradii la problemon [28]; kvin pladoj preparitaj el fungoj havantaj 600 Bq da cezio-137 radias sur homa korpo preskaŭ samforte kiel unu aviadilflugo tra Atlantiko [29]; tiaj ĉi skaniloj retroradias fotonojn [30].
2.
(ntr)
Disiri de iu punkto discelante kvazaŭ radioj de rado: pavoj kun etenditaj radiantaj vostoj [31]; el tiuj ŝtonaj muroj disradias tutmondaj konfliktoj [32]; preskaŭ ĉiuj fervojaj kaj ŝoseaj komunikiloj elradias el Dublino [33]; (figure) ĉio liapluma elradias simpation [34]; ili elradias originalecon, modestan noblecon, daŭremon, estetikan kaj materian valoron, foje eĉ humuron [35].
3.
(figure) Ĝoje aŭ pompe brili: ŝiaj okuloj radiis [36]; radianta rideto BdV ; radianta de feliĉo [37]; lia vizaĝo radiis pro ĝojo; el lia persono radias majesteco; kolorriĉa, radianta altaro [38]; okuloj, radiantaj per la lasta brilo de la vivo Marta ; la milkolora beleco de la floroj radias en la ĝardenoj; li lumradiis de ĝojo [39].

radiado

Elsendado de lumo, de energio: elmetita al intensa suna radiado [40]; ultraviola radiado [41]; elektromagneta radiado, do jen survojas fotonoj [42]; denaskaj genetikaj difektoj, rezulte de radiado [43]; altenergiaj kosmaj radioj kaj alia joniganta radiado [44]; de radioaktiveco estas tri ĉefaj specoj: alfa-radiado, beta-radiado kaj gama-radiado [45]; beta-radiado konsistas el rapidflugaj elektronoj [46]; alfa-radiado konsistas el rapidflugaj atomkernoj de heliumo [47]; tutkorpaj skaniloj, funkciantaj per rentgena radiado [48].

tradukoj

anglaj

~o: ray.

belorusaj

~o 1.: прамень; ~o 3.: радыё; ~o 4.: прамень, радыюс, сьпіца; ~o 5.: прамень; ~o 6.: радыюс; ~o 7.: прамень; ~i 1.: выпраменьваць, прамяніцца, зьзяць; ~i 2.: выходзіць (як прамень); ~i 3.: зьзяць, прамянець.

bulgaraj

~o 1.: лъч; ~o 3.: радио; ~o 4.: лъч; ~o 5.: лъч; ~o 6.: радиус; ~o 7.: лъч; ~i: излъчвам.

ĉeĥaj

~o: dosah, okruh, paprsek, polopřímka, rádius; ~i: rozzářit, vysílat rozhlasem.

francaj

~o 1.: rayon; ~o 3.: radio; ~o 5.: rayon; ~i 1.: rayonner; ~i 2.: rayonner; ~i 3.: rayonner; ~i: émettre. ~luma: radieux.

germanaj

~o 1.: Strahl; ~o 3.: Radio, Radioapparat, Radiogerät, Rundfunkgerät, Rundfunkempfänger; ~o 4.: Strahl; ~o 5.: Strahlen; ~o 6.: Radius; ~o 7.: Halbgerade; ~i 1.: strahlen; ~i 2.: ausstrahlen; ~i 3.: strahlen; ~ado : Strahlung.

hispanaj

~o 1.: rayo; ~o 3.: radio; ~o 4.: rayo; ~o 6.: radio; ~o 7.: semirrecta; ~i 1.: irradiar. ~luma: radiante.

hungaraj

~o 1.: sugár; ~o 3.: rádió, rádiózás; ~o 4.: sugár; ~o 5.: sugár ; ~o 6.: sugár ; ~o 7.: félegyenes; ~i 3.: sugároz, kisugároz. ~o da espero: reménysugár; ~luma: ragyogó.

indoneziaj

~o 1.: radiasi; ~o 3.: radio; ~o 4.: jari-jari, radius.

nederlandaj

~o 1.: straal; ~o 3.: radio; ~o 4.: spaak; ~o 5.: straal; ~o 6.: radius; ~o 7.: halfrechte; ~i 1.: uitstralen; ~i 3.: stralen.

polaj

~o 1.: promień; ~o 3.: radio; ~o 5.: blask; ~o 6.: promień; ~o 7.: półprosta; ~i 1.: promieniować; ~i 2.: rozchodzić się (promieniście); ~i 3.: błyszczeć, brylować.

portugalaj

~o 1.: raio.

rusaj

~o 1.: луч; ~o 3.: радио; ~o 4.: луч, радиус, спица (в колесе); ~o 5.: луч; ~o 6.: радиус; ~o 7.: луч; ~i 1.: излучать, сиять; ~i 2.: исходить; ~i 3.: сиять, лучиться.

slovakaj

~o: dosah, lúč, okruh, rádius; ~i: sálať, vyžarovať, žiariť.

fontoj

1. H. C. Andersen, trad. L. L. Zamenhof: Fabeloj, vol. 1, Elinjo-fingreto
2. H. C. Andersen, trad. L. L. Zamenhof: Fabeloj, vol. 1, La virineto de maro
3. H. C. Andersen, trad. L. L. Zamenhof: Fabeloj, vol. 1, Persista stana soldato
4. H. C. Andersen, trad. L. L. Zamenhof: Fabeloj, vol. 1, Kupra porko
5. trad. L. L. Zamenhof: La Malnova Testamento, Jesaja 60:3
6. trad. L. L. Zamenhof: La Malnova Testamento, Malaĥi 4:2
7. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
8. Vikipedio, Rentgeno
9. Raymond Schwartz: La Stranga Butiko
10. Monato, Bosnio
11. Monato, de Julian Modest
12. MonatoS. Maul
13. Raymond Schwartz: La Stranga Butiko
14. Monato, Ĉu reiri al naciaj radikoj?
15. Monato, Radio
16. Monato, Radio
17. trad. L. L. Zamenhof: La Malnova Testamento, I. Reĝoj 7:33
18. H. C. Andersen, trad. L. L. Zamenhof: Fabeloj, vol. 1, La virineto de maro
19. H. C. Andersen, trad. L. L. Zamenhof: Fabeloj, vol. 2, Malgranda Tuk
20. H. C. Andersen, trad. L. L. Zamenhof: Fabeloj, vol. 1, Lekanto
21. H. C. Andersen, trad. L. L. Zamenhof: Fabeloj, vol. 1, Ĝardeno de la paradizo
22. Raoul Bricard: Matematika Terminaro kaj Krestomatio, p. 28
23. B. Prus, trad. Kazimierz Bein: La Faraono, vol. 2, Ĉapitro XX
24. B. Prus, trad. Kazimierz Bein: La Faraono, vol. 1, Ĉapitro XXI
25. H. C. Andersen, trad. L. L. Zamenhof: Fabeloj, vol. 2, La ombro
26. H. C. Andersen, trad. L. L. Zamenhof: Fabeloj, vol. 2, Sonorilo
27. H. C. Andersen, trad. L. L. Zamenhof: Fabeloj, vol. 2, Dio de dormo
28. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
29. Monato, Last: Fungoj litova eksportvaro
30. Monato, Evgeni Georgiev: Skanado ĝena kaj kancerogena
31. H. C. Andersen, trad. L. L. Zamenhof: Fabeloj, vol. 1, Ĝardeno de la paradizo
32. Monato, Gilbert Ledon: Muroj dumiljara solidas
33. Monato, Garvan Makaj: De kelta tigro al orienta tigro
34. Monato, Antonio Valén: Klero kaj klaro delektos la leganton
35. Monato, Rita Rössler-Buckel: Metio kaj formo tradicio kaj progreso
36. H. C. Andersen, trad. L. L. Zamenhof: Fabeloj, vol. 4, Neĝulo
37. B. Prus, trad. Kazimierz Bein: La Faraono, vol. 2, Ĉapitro IX
38. H. C. Andersen, trad. L. L. Zamenhof: Fabeloj, vol. 1, Kupra porko
39. H. C. Andersen, trad. L. L. Zamenhof: Fabeloj, vol. 1, Vojkamarado
40. Monato, Garvan Makaj: Vojaĝo unudirekta
41. Monato, Vladimir Lemelev: Nova etapo en biologio kaj medicino
42. Monato, Pejno Simono: Moderna minaco: radioaktiveco
43. Monato, Vladimir Lemelev: La ĉefaj murdistoj de HIV-infektitoj
44. Monato, Garvan Makaj: Vojaĝo unudirekta
45. Monato, Pejno Simono: Moderna minaco: radioaktiveco
46. Monato, Pejno Simono: Moderna minaco: radioaktiveco
47. Monato, Pejno Simono: Moderna minaco: radioaktiveco
48. Monato, Evgeni Georgiev: Skanado ĝena kaj kancerogena


ℛevo | datumprotekto | radi.xml | redakti... | traduki... | artikolversio: 1.33 2018/03/25 00:10:32