⁸surfac/o ^PV

1.

La ekstera parto de objekto: matena malseko pendis […] super la spegule trankvila surfaco de la rivero [1]; la surfaco de la neĝo krustiĝis pro la nokta frosto [2]; la muroj havis glatan surfacon kun palflava naturkoloro [3]; ili kovris siajn nudajn piedojn per sablo, poste ili premis kaj glatigis la surfacon de la amasetoj [4]; ĉe ‚ĉ‘ kaj ‚ĝ‘ […] la surfaco de la lango […] tuŝas la dentokarnon [5]; en grandaj kunvenoj, precipe sur malfermitaj surfacoj, oni ĉiam uzas laŭtigilojn [6]; ili metis la glacion […] sur la tutan surfacon de la haŭto [7]; gladilo glatigis surfacon de la ĉemizaj butontruoj [8]. ebeno, ebenaĵo, flanko², ŝelo, supraĵo

2.

(figure) La videbla, facile rimarkebla aspekto de afero (kontraste al la pli kaŝita, nur divenebla, sentebla, analizebla): la pentrado […] figuras ne nur la surfacon, sed ankaŭ la enhavon kaj esencon de la aferoj [9]; li estis verisma verkisto, kun humuro kaj, sub tre trankvila surfaco, kun bolanta sensemo, [10]; en Japanio, kun ĝia almenaŭ surface pli stabila sistemo enlanda, regis pli favoraj antaŭkondiĉoj por disvolviĝo de la Movado [11]; ne malofte vortoj en iu latinida lingvo sub la surfaco montras nenion alian ol kunfandiĝon de elementoj, kiuj estas pli klare analizeblaj en la ĝermanaj kaj slavaj lingvoj [12].

3.

[13] Dudimensia geometria figuro: ebena surfaco (inkluzivata de ebeno); neebena surfaco; kalkulo de la surfaco (areo^3.a) de la triangulo [14]. Malnovaj ekvivalentoj: areaĵo, supraĵo Specifaj ebenaj surfacoj: angulo, cirklo, ebeno, plurlatero; specifaj neebenaj surfacoj: cilindro, elipsoido, konoido, konuso, kvadriko, sfero, hiperboloido, paraboloido, rando de pluredro, toro; Rimarkindaj ecoj de surfaco: barita, nebarita, konveksa, konkava, rektara, rivolua; atributoj de iuj surfacoj: areo, cirkonferenco, periferio, perimetro, rando

1.

Je la surfaco: la ĉifonoj estu nur supra kaj surfaca kamuflo [15]; la kosmoŝipo kunportos unuhoman motorĉareton, kiu ebligos surfacan esploradon [16]. ekstera

2.

(figure) Facile rimarkebla, supraĵa, malprofunda: via opinio pri la okazaĵoj ŝajnas malkompetenta kaj surfaca [17]; harmonio inter kristana kredo kaj okcidenta civilizo estas nur surfaca [18]; figuro montranta per krampoj la surfacan strukturon de la ĉi-antaŭa frazo [19].