^*lini/o ^UV

1.

[1] Unudimensia geometria figuro: rekta, kurba, rompita linio; rektaj paralelaj linioj [2]; ŝi deflankiĝis de la rekta linio, laŭ kiu ŝi kuris ĝis nun ^Marta ; linio estas la bildaro de kontinua bildigo de la aro de reeloj al la koncerna spaco, kiun bildigon oni nomas parametra prezento de la linio. kurbo

2.

Kontinua streko videbla sur surfaco: linioj de desegno, de la vizaĝo, de la mano; konduki, streki, desegni, tiri linion; li ĵetis sur la paperon tiun faskon da linioj ^Marta ; la belforma kaj delikata linio de tiu buŝo ^Marta ; falstelo kiel brilanta linio traflugis la ĉielon [3]. konturo

3.

Difinita serio de vojoj kiun transportiloj regule trairas: marvetura, trafika linio; organizi, aranĝi liniojn de busoj, de avioj. kurso¹, raŭto

4.

Strio, vico de sinsekvaj aĵoj.

a)

Vico da objektoj aŭ personoj ordigitaj laŭ difinita direkto: duobla linio da arboj; li organizis du avangardajn liniojn, el kiuj la pli malproksima devis observi la malamikojn [4]; la kvin fratinoj ĉirkaŭprenadis unu la alian per la manoj kaj suprennaĝadis en unu linio super la akvon [5].

b)

Vico da skribosignoj metitaj laŭ la ordinara legodirekto: signetoj superliniaj kaj subliniaj [6]; linio (horizontalo²) de tabelo; iom pensinte, ŝi skribis la sekvantajn liniojn [7]... tiuj, kiuj scias legi inter la linioj, povis kompreni, ke […] [8]; la lasta linio de la vespera kanto Dormu [9]. kolumno¹

c)

Sinsekvo de idoj ekde unu praulo: li estis ŝia malproksima parenco en la patrina linio [10].

1.

Rilata al linio: linia aranĝo, desegno; linia reto […] reprezentis […] la vojon de loko al loko [11]; la tiparo de Moon […] estas varianto de relief-linia tiparo, uzanta simpligitajn literkonturojn [12]; por tiu romano Puŝkin kreis novan formon, la 14-linian strofon [13].

2.

(arkaismo) ^PIV1 Lineara: linia ekvacio.

Rim.: Kvankam arĥaikiĝinta, tiu senco restas logika, radikŝpara, internacia kaj promociinda. Riskoj de ambigueco apenaŭ ekzistas.

En linia ordo.

(tr)

Fari liniojn, marki liniojn sur io: liniita papero; (figure) frunto liniita de multaj sulketoj [14].

Ilo por streki liniojn: kion tiuj homoj farus […] se ne plu estus krajonoj? Sed tiukaze certe estus liniilo aŭ inksorbilo [15]. rektilo

En muzika skribo aro da horizontalaj linioj, sur kiuj estas lokitaj la diversaj notoj: muzika […] notacia liniaro konsistas el nur kvin linioj, kio necesigas aldonon de pluaj linietoj supre kaj sube [16].

(tr)

Aranĝi laŭ linio: laŭliniigi monerojn sur la tablo; (figure) mi mem estis tentita […] igi mian priskribon, […] pli laŭliniigita kun niaj malbrilaj atendoj pri tio, kio la mondo kaj la vivo povas esti [17]. vicigi

Linio³ laŭ kiu veturas busoj: la bela historia urbeto situas 16 km nordokcidente de la urbo Bjalistoko kaj atingeblas per buslinioj urbaj 3 kaj 16 [18]; longdistancaj aŭtobuslinioj [19].

Linio³ laŭ kiu veturas trajnoj: oni traveturis preskaŭ tutan etŝpuran reton de la Tatra Fervojo, uzis dentradan fervojon, kiu kunligas Tatrojn kun la ĉefa fervojlinio [20]; de Hanovro ĉ. ĉiujn 30 minutojn trajno de la urba trajnlinio S5 veturas al Hameleno [21].

1.

Linio² antaŭdesegnita por gvidi dum posta skribado, inkado, kolorigo...: János, sen helpo de krajono aŭ gvidlinioj, tute nature kreas laŭ bildo en sia kapo [22]. ŝablono

2.

(figure) Ĝenerala instrukcio entenanta ĉefajn, ne detalajn kaj ne tute devigajn regulojn: politikaj gvidlinioj de la eŭropa federacio de verdaj partioj [23]; validas plu la gvidlinioj kaj maksimoj de objektiva ĵurnalismo: skeptiko kaj distanco pri kaj al ĉio kaj ĉiu (kp profesia moralo) [24]; gvidlinioj pri starigo de stando en foiroj [25]; la materialoj […] formos […] manlibron enhavantan gvidliniojn por aktivuloj kun trejnmaterialoj [26]; la gvidlinion de Lenin, ke la rusa ŝovinismo plej multe minacas la venkon de komunismo, Stalin renversis [27]. direktivo

Linio³ laŭ kiu veturas tramoj: en la 1960aj jaroj en multaj urboj estis anstataŭigitaj tramlinioj per buslinioj [28].

Videbla linio markanta la limon de surfaco: (figure) en ĝi kuŝas la limlinio de la prudento, kaj tiun limlinion oni ne devas transpaŝi [29]; la kvar limlinioj nomiĝas „la unua linio“ […] la dua linio, la tria linio ktp [30]. konturo

1.

Interrompita linio el streketoj: la vortojn oni povas legi laŭ rompita linio horizontale [31].

2.

^MatVort Linio, konsistanta el kontinua sinsekvo de strekoj: la rando de plurlatero estas fermita rompita linio.

Linio³ laŭ kiu veturas subtrajnoj: fine de aprilo ektrafikis en Ĉangŝa la unua subtrajna linio (N 2) 22 km-ojn longa [32]; alia projekto estas specialaj unurelaj metrolinioj, kiujn ekspluatos kompanio Jakarta Monorail [33].