^*fak/o ^UV

1.

Aparta dividaĵo de meblo, kesto aŭ objekto, destinita por enteni aĵojn aŭ ulojn, apartigante ilin: li havas plenan ŝrankon da arĝentaĵoj, ne kalkulante la enhavon de la sekretaj fakoj [1]; [pro] teruro […] ili ensaltis en la fakon de la subfenestra benko [2]; tablo kun multaj fakoj super la skriba plataĵo ^FK ; la mastro iris al la skribotablo, malfermis unu fakon kaj elprenis monon ^FK ; el la oleotechium, t.e. la lasta banfako, li eliradis ankoraŭ kvazaŭ revivigita ^QuV ; la homoj komencis forlasi la fakojn, en kiuj ili ariĝis, por rektigi la piedojn kaj babili ^QuV ; grandliteraj surskriboj [indikis] la opajn fakojn: Etiletero, Celulozo, Albumino […] ^VaK ; ni trovis en la kelfako responda al lia apartamento, dokumentojn ^ChR ; li ĉiam bezonis havi antaŭ si konkrete la nigroblankan kvadraton kun sesdekkvar fakoj (prefere kampo^2.a, ĉelo²) kaj tridekdu figuroj [3]. ujoĉelo, kesto, kamero, kupeo

2.

(figure) Sekcio kun aparta respondeco: demandu en la fako por perditaj objektoj [4]; Klozelo […] havis multe da kamaradoj en ĉiuj fakoj de la magistrataro ^ChL ; la ĉambron okupas agitfako ^Metrop ; inverse al la familia idilio de l’ ĝenerala kancelario, [la] planfako brilis per eksterordinara senordeco ^Metrop ; dum la pasintaj jaroj mirinde multe estis farita en fako de l’ kulturo ^Metrop ; la propaganda fako de la bazo invitis la indiĝenajn gastojn al nia klubejo ^Ĉukĉoj .

3.

(figure) Aparta branĉo de scienco, arto, industrio, komerco, kc: en unu el la lernofakoj ŝi ne povis partopreni, en la lecionoj de religio [5]; virino devas en ia fako de laboro esti perfekta, per tiu perfekteco ellabori al si nomon ^Marta ; ju pli la diversaj fakoj specialiĝas, ju pli la unuopulo dediĉas sian fizikan kaj spiritan aktivecon al sia fako, des pli specialiĝas ankaŭ la koncernaj fakaj lingvoj ^Ret ; [iuj] vortoj estas konataj nur en certaj fakoj, en certaj branĉoj, en difinitaj medioj ^Ret ; oratoro devas ĝis la plej alta grado koni sian propran fakon ^Ret ; mia speciala fako estas la dentkuracado ^VaK ; ekzistas plurlingvaj terminaroj sistemaj, t.e. ordigitaj laŭ fakoj kaj subfakoj ^EeP ; la tuta materialo estis dividita en 8 fakoj: perado de korespondaĵoj, serĉado de personoj, sendado de objektoj, civiluloj en koncentrejoj, rehejmigo de junuloj kaj infanoj, militkaptitoj kaj rilatoj kun la koncernaj armeaj estraroj, rilatoj kun la Ruĝa Kruco, diversaĵoj [6]. kategorio, profesio

Rilata al fako³; scienca, sciencaplika: infanfakaj flegistinoj [7]; prelegoj […] faritaj de profesia aŭ amatora fakulo, antaŭ nefaka kaj faka publiko [8]; fakaj terminoj [9]; centmiloj da vortoj, kvankam ili aperas listigitaj en la grandaj vortaroj, apartenas al specialaj sciencaj, profesiaj aŭ fakaj parolmanieroj […] ne rekonataj, de la meza parolanto [10].

1.

^VdE Kesto aŭ skatolo kun fakoj: granda fakaro, kies fakoj estas provizitaj per dikaj preniloj [11]. bretaro, rako

2.

Aro de sciencaj fakoj, ekzemple tiujn, kiujn oni elektis studi: Lineo […] studis ĉefe la grekan, hebrean, teologion kaj matematikon, fakaro planita por knaboj prepariĝintaj por pastreco [12].

Tiu, kiu sin okupas pri aparta fako scienca, teĥnika aŭ arta: artikoloj […] el la plumo de elstaraj fakuloj [13]; tiun aferon devus pridiskuti en zorge organizitaj konferencoj saĝaj fakuloj [14]; fakisto pri socialaj problemoj [15]; sociologoj, psikologoj kaj aliaj fakuloj opinias, ke pli bone estus dialogi kun la kontraŭuloj de la kunsido ol batali kontraŭ ili [16]; la ekzistanta manĉura estas rigardata de la fakuloj kiel rara primara materialo por esploro [17]; fakuloj zorgas pri la ĉevaloj el tiu raso [18]; se iu okaze alvokita fakulo fine sukcesos instali ĉiujn satelitricevajn necesaĵojn, […] vi ĝuos postfare perfektan ricevadon [19]; specialisto, ekspertokompetentulo, sciencisto, spertulo, ekspertizisto

Paradizludo: moviĝi per saltoj, tenante la piedojn kune, kiel […] infanoj dum faksalta ludo [20].

Konstruita el plekto de traboj, kun plenigaĵo en la interlasitaj fakoj: ĉe la angulo de trabfaka domo el 16a jarcento oni vidas skulptaĵon [21]; la du subaj etaĝoj el nestukita sabloŝtono estas dividitaj nur per etaĝaj kornicoj, la tria etaĝo estas trabfaka surkonstruaĵo [22].