^*ĉel/o ^UV

1.

Ĉambreto por unu persono, malgranda ejo ĉiuflanke fermita: ĉelo de monaĥo; en sia ĉelo li pasigis longajn horojn preĝante, lasis razi sian kapon, surmetis pastrajn vestojn kaj kvar fojojn ĉiutage partoprenis en la ĥoro de la malsuperaj pastroj [1]; (frazaĵo) li havas nek ĉelon, nek kelon ^PrV . kamero¹

2.

Malgranda kavo aŭ truo, precipe tia kiu estas unu el multaj similaj kaj regule aranĝitaj: oni aŭdas de matematikistoj ke abeloj praktike solvis profundan problemon, kaj faris siajn ĉelojn ĝustaformaj por enteni la plej grandan kvanton de mielo kiu eblas, per la malpleja uzo de altvalora vakso en ilia konstruo kiu eblas [2]; la memorĉelo h estas okupata nur por la daŭro de tiu bloko [3]. alveolo, fako¹, niĉo¹

3.

Elementa viva sistemo, kapabla je memstara aŭ aŭtonoma ekzistado, reproduktado kaj evoluo; la baza ero de la strukturo de la vegetaĵoj kaj bestoj: la ĉelojn kiuj ekzistas kiel apartaj organismoj oni nomas unuĉeluloj; la ĉeloj de plurĉeluloj formas histojn; tipa ĉelo konsistas el membrano kaj protoplasmo (kun nukleo¹).

4.

La unuaŝtupa, plej malgranda organizaĵo en iuj politikaj partioj: malgraŭ la kolosala oficistkvanto partiĉelo en Mosĥozupr ne estis granda ^Metrop ; desupreniris […] sekretario de l’ ĉelo, administrantaro kaj la teknika personaro ^Metrop .

1.

Io, kio konsistas el pluraj ĉeloj: la pinton de la bastono [li] trempis ĝin en la mielĉelaro, kaj almetis sian manon al la buŝo [4]; Xin rajtos uzi unu ĉambron en kvarĉambra ĉelaro, kaj la kuirejeton kaj la banĉambron [5].

2.

histo

Iu el la nervoĉeloj, kiuj ŝirmas kaj nutras la neŭronojn, kaj kiuj konsistigas la glion: la nerva histo konsistas el du ĉelspecoj de sama deveno: la nervoĉeloj kun pli-malpli longaj fibroj, elirantaj el ili, kaj la glioĉeloj ankaŭ kun fibroj [6]; la gliaj ĉeloj estis malkovritaj en 1891 [7].

Iu el la ĉeloj de la imunsistemo: blanka sangoĉelo, makrofago kaj aliaj: se infektantoj superas la naturajn barierojn de la korpo kiaj estas haŭto kaj mukozo, imunĉeloj zorgas […] malhelpi ilian pluan kreskadon [8].

Eta blanka sangoĉelo kun granda kerno kaj laŭspece diversaj imunigaj funkcioj: 2 jarojn post la terapio la elcento de B-limfoĉeloj estas normala por 3 kuracitoj [9].

Ĉelo de vertebruloj (inkluzive homon), kiu sintezas melaninon: oni observas ĉe efelidoj superŝarĝon da melanina pigmento en la melanoĉeloj de la baza tavolo de epidermo [10].

Ĉelo funkcianta en la nervosistemo: „La aktiveco de nervoĉeloj“ [11].

Matura, fekundigebla inseksa ĉelo³; ovulo; ovolo.

a)

Ina ĉelo de besto: la fekundigita ovoĉelo evoluas ĝenerale al kronlarvo […] kaj poste al vellarvo [12]; ovujo: organo de la ino, entenanta la ovoĉelojn ^PV .

b)

Ina ĉelo de vegetaĵo, troviĝanta en la ovario kaj kiu ĉe formiĝo de frukto fariĝos semgrajno.

spermatozoo

Speco de blanka sangoĉelo, kiu kreas antikorpojn: la establiĝo de cisticerkoj en diversaj histoj kaŭzas alergian inflamreagon, kiu montriĝas […] per amasiĝo de ĉel-infiltraĵoj, kiuj konsistas el ... limfocitoj, plasmoĉeloj kaj ankaŭ gigantĉeloj [13]

Organismo vegetaĵa aŭ besta, kiu konsistas el pluraj ĉeloj, formantaj diversafunkciajn histojn: biologoj plibonigis tiun sistemon, en kiu malsupre troviĝas unuĉeluloj kaj supre troviĝas kompleksaj plurĉeluloj [14].

Ne jam specialiĝinta ĉelo de vivaĵo, kapabla regeneriĝi kaj specialiĝi al iu el pluraj ĉeltipoj: esploroj pri embriaj praĉeloj ^MD08 ; estis konstruita la unua miniatura homa cerbo, danke al la uzo de praĉeloj [15]; oni stimulas la naturan formadon de la dentino, kiu riparas damaĝojn per la mobilizado de praĉeloj kuŝantaj en la dentopulpo [16].

Elektronika ĉelo, kiu pro ricevo de lumo produktas energion: sunĉelo el silicio [17]; la alt-efikaj sunĉeloj sur la tegmento kolektas energion sufiĉan por veturi averaĝe 15 - 25 km tage je urba rapideco [18].

Ĉelo³ ajnspeca normale trovebla en la sango: oni uzas ĝin (...) por kompreni la genojn kiuj partoprenas en la formiĝo de la koro, de la sangoĉeloj, de la muskoloj, de la renoj (...) [19].

Simpla organismo, kiu tuta konsistas el unu sola ĉelo: al la protistoj apartenas algoj, mukfungoj kaj unuĉelulaj protozooj [20].

Limfo- aŭ sangoĉelo aganta kontraŭ infektoj; leŭkocito: mjelo dum la tuta nia vivo produktas ruĝajn, kaj blankajn sangoĉelojn [21].

Sangoĉelo kiu al korpaj histoj portas oksigenon, kaj de ili deprenas karbondioksidon; eritrocito: dum kosmovojaĝo kosmonaŭtoj perdos ostokalcion kaj suferos de muskola atrofio kaj reduktiĝo de ruĝaj sangoĉeloj [22]