tradukoj: be br cs de en es fr hu nl pl pt ru

^*paŝ/i [1]

^*paŝi

Meti la piedojn alterne unu antaŭ alia por sin transloki: rapide, sencele, takte paŝi; (figure) ili paŝas en la vivon kun la memfido de l' juneco; (figure) kiu levis la piedon, devas ekpaŝi [2]. marŝi, piediri

paŝo

1.

Ago paŝi: de ĉiu paŝo li ŝanceliĝis; fari falsan paŝon^Z (duonfali); kalkulante siajn paŝojn (zorge kaj malrapide); (figure) ekpaŝi la unuan paŝon (iniciati); (figure) ni paŝo post paŝo (iompostiom) atingos la celon ^Z.

2.

Spaco trapasita per unu paŝo: la ĉambro estis 5 paŝojn longa^B; inter ni kaj la morto estis nur unu paŝo^Z; de majesta ĝis ridinda estas nur unu paŝo [3]; inter voli kaj fari estas grandega paŝo^Z; sur ĉiu paŝo ni renkontas malhelpaĵojn.

3.

(figure) Alcela klopodo aŭ agado: ni faros la necesajn paŝojn; ni penos retenadi la Ligon de ĉiu facilanima paŝo^Z; fari falsan (maltrafan) paŝon^Z.

4.

[4] (de cirkla helico) Distanco inter du sinsekvaj punktoj de la helico, situantaj sur la sama naskanto de la koncerna cilindro.

paŝado

Irmaniero.

alpaŝi

1.

Paŝe proksimiĝi al iu aŭ io.

2.

(figure) Ekfari, ekprovi, komenci trakti: nun ni devas alpaŝi al alia demando, al la elekto^Z, al la realigado de la projekto^Z; mi vole nevole devis cedi kaj alpaŝi kun propono de radikalaj reformoj^Z rekte, korno.

elpaŝi

1.

Eliri el la vico, antaŭeniri: kvar soldatoj elpaŝis.

2.

Iniciati iun interrompantan diron aŭ faron: kiam la avino rakontis historion, li ĉiam elpaŝadis kun ia „sed“^Z; li sciigis min, ke, se mi ne elpaŝos kun radikalaj reformoj, li ĉesos eldonadi la gazeton^Z.

3.

Publike iniciati aŭ deklari: malkuraĝe elpaŝi^Z; Z devis promesi al sia patro, ke li almenaŭ ne elpaŝos publike kun sia laboro, antaŭ ol li finos la studadon en la universitato; la deputito elpaŝis kontraŭ militismo; la pastroj elpaŝis kontraŭ la dancoj; la ŝtato elpaŝas en la ekposedo de l' produktrimedoj; tiu panegiro ne estas deklamado nek polemika ekpaŝo; ĉu efektive ekzistis homoj, kiuj elpaŝadis kontraŭ la pioniroj de tiu ideo kun tiaj sensencaj kontraŭparoloj?^Z

mispaŝo

1.

Mallerta paŝo, stumblo: dum montgrimpado Li Zhixin ofte estis trafita de ventego, lavango, falado pro mispaŝo [5].

2.

(figure) Maltakta, malĝusta, mallerta ago: ĉiuj eraras kaj foje stulte agas. La ĉefa afero estas konscii pri tio kaj korekti la mispaŝojn [6].

superpaŝi, transpaŝi

Iri trans, pli malproksime ol: superpaŝi limon, la moderecon; tiuj provoj ankoraŭ ne transpaŝis la komencan stadion; netranspaŝebla baro; li donis sian leĝon al la maro, por ke la akvoj ne transpaŝu siajn bordojn^Z; Survoje ili transpaŝis falintajn arbojn; Bagaĝojn ŝi rapide superpaŝis ĝis la elira aŭtobusa pordo.

ŝtelpaŝa

Senbrue paŝanta, moviĝanta, aganta: neniam aŭdiĝis eĉ unu sola lamento de ĉi virino ŝtel-paŝa kaj nepenetrebla [7]; ŝtelpaŝa valeto kondukis min de tie, en silento, tra multaj malhelaj kaj kompleksaj koridoroj [8].

paŝstango

irilo

Kontroli trd de/en/ru. [MB]