tradukoj: be cs de en es fa fr hu nl pl pt ru sk

*progres/i

*progresi  

(ntr)
Antaŭeniri al supera grado de disvolviĝo, perfektiĝi: tie li povis pli bone esti instruata kaj pli bone progresi; progresi en la studado, en la civilizo; la afero rapide progresas; la preparoj por la ekspozicio kontentige progresas; la scienco, moralo ĉiutage progresas; malgraŭ progresinta leĝaro la indianoj vivas mizere; mi plimulte progresis en Judismo, ol multaj miaj samaĝuloj en mia nacio [1]; via saniĝo rapide progresos [2]; la dekdujara Jadvinjo jam multe lernis kaj jam multe progresis en la lernado Marta ; vivu, progresu, sed lerni ne ĉesu PrV ; li ne progresas (adaptiĝas) kun la tempo [3]; lingvo internacia devas vivi, kreski kaj progresi laŭ la samaj leĝoj, laŭ kiaj estis ellaborataj ĉiuj vivaj lingvoj VivZam ; nuntempe muzika kulturo de Esperantujo iom malpli progresas kompare al poezi-kulturo [4]; ŝajnas, ke la plej populara libreto pri gramatiko por progresantoj, plene en Esperanto antaŭe estis „La tuta esperanto“ de Henrik Seppik [5]. ANT:stagni

progreso  

Iompostioma disvolviĝo al pli alta grado: la progreso de la scienco, malsano; estu diligenta pri tiuj aferoj, dediĉu vin al ili, por ke via progreso evidentiĝu al ĉiuj [6]; oni devas kolekti siajn pensojn kaj mediti pri sia propra interna esenco […] rekoni sin mem estas la vera progreso [7]; mi tutkore esperas, ke U.E.A. faros ĉiam pli gravajn progresojn kaj per sia rapida plifortikiĝo nin ŝovos antaŭen [8]; ŝia penegado sin mem konsumadis […] per sia propra tro forta streĉiĝo nepovebligis ĉiun progreson Marta . VD:paŝo

*progresadi

Daŭre progresi: por ke lingvo internacia povu bone kaj regule progresadi kaj por ke ĝi havu plenan certecon, […] [9]. progresadi en ĉio brava [10]; kun la kudrado de gantoj la afero iris malbone, en sia metio li progresadis nur malrapide [11]; sub la premo de tre grandaj malhelpoj eksteraj, ni progresadis tre malrapide kaj malfacile [12]; ŝi progresadis malrapide, tre malrapide, la morgaŭa tago ofte ruinigadis kaj ĵetadis en abismon de forgeso tion, kion ŝi kun granda malfacileco sukcesis atingi hieraŭ Marta .

*progresado

Iom-postioma disvolviĝado al pli alta grado: severa netuŝebleco de nia fundamento estas la plej grava kaŭzo de nia ĝisnuna progresado kaj la plej grava kondiĉo por nia regula kaj paca progresado estonta [13]; laŭ la mezuro de la progresado kaj riĉiĝado de l' lingvo oni devas eldonadi pli plenajn vortarojn DL ; mi volas certigi vin, ke miaj aferoj plie efektiviĝis por la progresado de la evangelio [14]; la progresado de aidoso [15].

progresema  

Inklina, favora al progreso; ne konservativa: progresema ministro; li estis progresema homo, kiu esploris kaj faris mapojn de la regiono, projektis fervojojn kaj certigis la sekurecon [16]; progresema medicina scienco kaj genetikon [17]; forĵeti siajn malnovajn sentojn pri identeco por brakumi pli progresemajn ideojn [18].

progresigi  

(tr)
Puŝi ion antaŭen al pli alta grado, disvolvi: multaj min demandas, […] kiel oni povas la plej certe progresigi la aferon DL ; la fondaĵo celas progresigi la terŝipoprincipojn (domoj pasive hejtitaj) [19]; Heisenberg asertas, ke li progresigis la esploron por kontraŭi la alianculajn fizikistojn [20]; progresigi la turistan disvolviĝon de la iama juda kvartalo en la urbo [21]; ministra aranĝo por progresigi puran energion [22]. VD:antaŭenpuŝi, akceli, plibonigi, perfektigi

progresinto

PED Lernanto, kiu jam progresis, havas sciojn en la koncerna temo: legolibreto por komencantoj kaj progresintoj [23]; Ŝarado por progresintoj [24]; la libro celas minimume progresintojn, fakte spertajn uzantojn de Esperanto [25]; perfektiga kurso por progresintoj [26].

progresismo  

POL Idearo, sinteno de tiu, kiu kredas, ke novaĵoj plibonigos la staton de aferoj, kiu volas ŝanĝojn: Esperanto estis parto de progresismo kiu povas impresi iom naiva hodiaŭ [27]; la Martinika Progresisma Partio […] origine estis difinita kiel kontraŭkoloniisma, demokratia kaj naciisma partio, inspirita de la socialisma ideologio [28]. ANT:konservativismo, reakciismo

malprogresi  

(ntr)
Perdi atingitan nivelon de disvolviĝo, kadukiĝi, degeneri, malkreski: en Bervala ŝpinejo la produktado malprogresas [29]; mi supre konstatis, ke Esperanto ne estas progresinta, kaj eble eĉ malprogresinta, en la hinda kontinento [30]; la urbeto malprogresis ĝis 1980, kiam oni starigis favorajn impostleĝojn por la regiono kaj evoluigis turismon [31].

malprogreso  

Perdo de atingita nivelo de disvolviĝo, kadukiĝo, degenero, malkresko, dekadenco: nun en la simfonia ĝenro ni observas gravan malprogreson nur iomete diluitan per eksperimentoj de I. Stravinskij kaj S. Prokofjev [32]; laŭleĝa ekpermeso seksumi kun pli junaj ne-plenaĝuloj, eĉ proksimaj al infaneco […] estas grava malprogreso pri la respektado kaj protektado [33].

tradukoj

anglaj

~i: progress; ~o: progress; ~adi: keep progressing; ~ado: progression; ~ema: progressist; ~igi: promote, make someone progress; ~into: advanced learner; ~ismo: progressism; mal~i: to regress; mal~o: regression.

belorusaj

~i: прагрэсаваць, разьвівацца; ~o: прагрэс; ~ema: прагрэсіўны; ~igi: разьвіваць, судзейнічаць, спрыяць; mal~i: рэгрэсаваць, дэградаваць; mal~o: рэгрэс, дэградацыя.

ĉeĥaj

~i: dělat pokroky, dělat pokroky, jít kupředu, pokročit, postoupit, postupovat, rozvinout se, vyvíjet se; ~o: pokrok, postup, vzestup, vývoj; ~ema: pokrokový, progresivní; ~igi: uspíšit pokrok, zvelebit; ~into: pokročilý čl.; mal~i: chátrat, neprospívat; mal~o: návrat symptomů, regrese, ústup.

francaj

~i: progresser; ~o: progrès; ~adi: progresser durablement; ~ado: progression; ~ema: progressiste; ~igi: promouvoir; ~into: élève avancé; ~ismo: progressisme; mal~i: régresser; mal~o: régression.

germanaj

~i: Fortschritte machen, voranschreiten, sich weiterentwickeln; ~o: Fortschritt, Weiterentwicklung; ~ema: fortschrittlich; ~igi: voranbringen; ~into : Fortgeschrittener; mal~i : degenerieren, sich verschlechtern; mal~o : Rückschritt.

hispanaj

~i: progresar; ~o: progreso; ~ema: progresista; ~igi: hacer progresar; ~ismo: progresismo.

hungaraj

~i: halad, előremegy, fejlődik; ~o: haladás, fejlődés, előremenetel; ~ema: haladó szellemű, progresszív; ~igi: előrevisz, fejleszt.

nederlandaj

~i: vooruitgaan, vorderingen maken, vorderen; ~o: vooruitgang; ~ema: progressief, vooruitstrevend; ~igi: bevorderen; mal~i: achteruitgaan; mal~o: achteruitgang.

persaj

~i: پیشرفت کردن، ترقی کردن; ~o: پیشرفت، ترقی; ~ema: پیشرو، مترقی، ترقی‌خواه; ~igi: پیشبردن; mal~i: پس‌رفتن; mal~o: پسرفت.

polaj

~i: robić postępy, postępować, iść naprzód; ~o: postęp; ~ema: postępowy; mal~i: cofać się, ulegać regresji; mal~o: regres.

portugalaj

~i: progredir.

rusaj

~i: прогрессировать, развиваться; ~o: прогресс; ~ema: прогрессивный, передовой; ~igi: развивать, способствовать; mal~i: регрессировать, отступать; mal~o: регресс.

slovakaj

~i: postupovať, rozvíjať sa; ~o: pokrok, postup, progres; ~ema: pokrokový; ~igi: povzniesť, zvelebiť, zveľadiť; ~into: pokročilý človek; mal~i: upadať, zaostávať; mal~o: postup späť, regresia.

fontoj

1. La Nova Testamento, Galatoj 1:14
2. trad. L. L. Zamenhof: La Malnova Testamento, Jesaja 58:8
3. H. C. Andersen, trad. L. L. Zamenhof: Fabeloj, vol. 2, Monteto de elfoj
4. J. Zajdman, P. Moĵajev: Ege riĉaj harmonieMonato
5. C. Keysers: Gramatiko facile asimileblaMonato
6. La Nova Testamento, I. Timoteo 4:15
7. H. C. Andersen, trad. L. L. Zamenhof: Fabeloj, vol. 3, Lino
8. L. L. Zamenhof: Paroloj, Parolado antaŭ la malferma kunveno de UEA ĉe la Kvina Kongreso Esperantista en Barcelona en la 7a de septembro 1909
9. L. L. Zamenhof: Fundamento de Esperanto, Antaŭparolo, 1a frazo
10. H. C. Andersen, trad. L. L. Zamenhof: Fabeloj, vol. 3, Ĉio sur sian ĝustan lokon!
11. H. C. Andersen, trad. L. L. Zamenhof: Fabeloj, vol. 1, Kupra porko
12. L. L. Zamenhof: Paroloj, Parolado antaŭ la Kvara Kongreso Esperantista en Dresden en la 17a de aŭgusto 1908
13. L. L. Zamenhof: Fundamento de Esperanto, Antaŭparolo
14. La Nova Testamento, Filipianoj 1:12
15. Monato, Vladimir Lemelev: Danĝera malamiko revenas
16. Monato, Marta Solís: La fino de l' mondo
17. Monato, William Simcock: Britio: Jarmila kupolo en Londono
18. Monato, Kep Enderby: Bezonata: nova mondordo
19. Monato, Ivo Durwael: La rikolto de la nova tempo
20. Monato, Yamasaki Seikô: Atoma bombo ne estas malproksime
21. Monato, Franz-Georg Rössler: Nova sinagogo inaŭgurita en Speyer
22. Monato, Evgeni Georgiev: Daŭripovaj energioj por universala evoluo
23. Mozaiko, 1935
24. Raymond Schwartz: La Stranga Butiko
25. Monato, Antonio Valén: Klero kaj klaro delektos la leganton
26. Monato, Pejno Simono: Malgaje pri patrino
27. J. S. Larsen: Amikejo: la Esperantolando kiu preskaŭ ekzistis, 2011-10-24
28. Vikipedio, Martinika Progresisma Partio
29. L. Beaucaire, Kruko kaj Baniko el Bervalo, 1974
30. V. Sadler: Azia Strategio, Esperanto, 1963-01 (6)
31. Monato, Marta Solís: La fino de l' mondo
32. J. Muraŝkovskij, I. Muraŝkovska: Kien fluas roj’ Castalie?, 1984-1987
33. Monato, Francisko Simonnet: Ĉu bona seksa konduto?


ℛevo | datumprotekto | progre.xml | redakti... | traduki... | artikolversio: 1.31 2018/06/17 16:10:19