tradukoj: be br cs de en es fr he hu ku nl pt ru sv

*marŝ/i

*marŝi  

(ntr)
1.
Iri orde, alcele, iom rapide, ofte vice en grupo: ili ne ekmarŝis ĝis la tago de ĝia leviĝo [1]; Abner kaj liaj viroj marŝis sur la ebenaĵo tiun tutan nokton kaj transiris Jordanon [2]; antaŭe marŝis tuta taĉmento da tamburistoj [3]; tra la stratoj marŝas infanoj en procesio kun kandeloj kaj flirtantaj standardoj [4]; ili tramarŝis pecon de la vojo, subite bovino komencis bleki [5].
2.  
Paŝi: Dio la Eternulo […] marŝis en la ĝardeno dum la malvarmeto de la tago [6]; blinduloj vidas, lamuloj marŝas, lepruloj estas purigitaj, kaj surduloj aŭdas, mortintoj leviĝas, al malriĉuloj evangelio estas predikata [7]; sur la granda vojo marŝis soldato: unu, du! unu, du! [8]; li povis nek marŝi, nek spiri facile [9]; ĉu iu povas marŝi sur ardantaj karboj, ne bruligante siajn piedojn [10]?

marŝ'!

Militista komando: ekmarŝu, ek: scioj estis instruataj al li sub la konstantaj komandoj: Marŝ'! Halt'! Front'! [11]; Marto, marŝ'! ekkriis la kvara kaj donis puŝon al sia antaŭirinto [12].

marŝo

1.
Ago marŝi: militista, procesia, peniga marŝo; solena […] marŝo Ifigenio ; la reĝo iris en parada marŝo sub la belega baldakeno [13]; ili devis […] konstrui alte vojojn por la militistaroj, kiuj devis fari siajn marŝojn en ĉiuj sezonoj [14]; post du aŭ maksimume tri tagmarŝoj oni povus atingi ĝin [15]; ili sukcese plenumos la marŝekzerciĝojn [16]!
2.  
MUZ Muzikaĵo akompananta kaj reguliganta la paŝadon: funebra marŝo; Radecki-Marŝo[n], verko 228, […] ludas ĉiujare la Viena Filharmonia Orkestro kiel lastan muzikpecon en la Viena Novjara Koncerto [17]; la naciaj himnoj estas komponitaj en la stilo marŝa aŭ himna [18].

bastonmarŝado  

SPO Sporta aŭ hobia aktiveco en kiu individue aŭ grupe oni piediras helpe de du specialaj bastonoj: lernu uzi la bastonojn ankaŭ por gimnastiko post bastonmarŝo [19]; Nordia bastonmarŝado, internacie konata sub la anglalingva nomo Nordic Walking, tre populariĝis dum la lastaj 4-5 jaroj en la tuta mondo [20].

tradukoj

anglaj

~i 1.: march; ~i 2.: walk; baston~ado: Nordic Walking.

belorusaj

~i 1.: маршаваць; ~i 2.: крочыць, ступаць, хадзіць; ~o: марш.

bretonaj

~i: bale; ~o 1.: bale; ~o 2.: ton-bale.

ĉeĥaj

~i: pochodovat.

francaj

~i: marcher; ~o 1.: marche (déplacement); ~o 2.: marche (musicale); baston~ado: marche nordique.

germanaj

~i: marschieren, laufen, wandern; ~'! : Marsch!; ~o: Marsch; baston~ado: Nordic Walking.

hebreaj

~i: ללכת \הולך\.

hispanaj

~i 1.: marchar; ~i 2.: caminar; ~o: marcha.

hungaraj

~i 1.: menetel, masíroz; ~i 2.: gyalogol, megy; ~o 1.: menet(elés), masírozás; ~o 2.: induló, mars. funebra ~o: gyászmenet.

kurdaj

~i 2.: rê ve çûn, meşîn.

nederlandaj

~i 1.: marcheren; ~i 2.: stappen, lopen; ~o: mars.

portugalaj

~i 1.: marchar (mil.); ~i 2.: caminhar, marchar; ~o 1.: marcha (mil.); ~o 2.: marcha (mús.).

rusaj

~i 1.: маршировать; ~i 2.: ходить, шагать; ~o: марш.

svedaj

~i 1.: marschera, tåga; ~i 2.: stega; ~o: marsch.

fontoj

1. trad. L. L. Zamenhof: La Malnova Testamento, Eliro 40:37
2. trad. L. L. Zamenhof: La Malnova Testamento, II. Samuel 2:29
3. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
4. H. C. Andersen, trad. L. L. Zamenhof: Fabeloj, vol. 4, Historio el la dunoj
5. H. C. Andersen, trad. L. L. Zamenhof: Fabeloj, vol. 2, La najtingalo
6. trad. L. L. Zamenhof: La Malnova Testamento, Genezo 3:8
7. La Nova Testamento, Luko 7:22
8. H. C. Andersen, trad. L. L. Zamenhof: Fabeloj, vol. 1, Fajrilo
9. Edmond Privat: Vivo de Zamenhof, ĉapitro 12a, p. 120a
10. trad. L. L. Zamenhof: La Malnova Testamento, Sentencoj 6:28
11. H. C. Andersen, trad. L. L. Zamenhof: Fabeloj, vol. 4, Malnova preĝeja sonorilo
12. H. C. Andersen, trad. L. L. Zamenhof: Fabeloj, vol. 4, Dekdu per la poŝto
13. H. C. Andersen, trad. L. L. Zamenhof: Fabeloj, vol. 1, La novaj vestoj de la reĝo
14. B. Prus, trad. Kazimierz Bein: La Faraono, vol. 1, Antaŭparolo
15. Michael Ende, trad. Wolfram Diestel: La Senĉesa Rakonto, La Batalo je la Ebura Turo
16. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
17. Vikipedio, Johann Strauß (patro)
18. Vikipedio, Nacia himno
19. Monato, , Saliko: Praktiki bastonmarŝadon, 2005
20. Praktiki bastonmarŝadon. Artikolo de Saliko el Monato


ℛevo | datumprotekto | marsx.xml | redakti... | traduki... | artikolversio: 1.24 2019/12/10 09:10:18