tradukoj: be cs de en es fr hu nl pt ru sk sv

*kre/i

*kreiTEZ

(tr)
Estigi, fari ion novan: vortoj kunmetitaj estas kreataj per simpla kunligado de vortoj [1]; okazo kreas ŝteliston PrV; la sportaj konkursoj kreas ĵaluzon kaj malamon.
a)
Verki, ellabori ion, kio antaŭe ne ekzistis aŭ kio estas tute novspeca; fondi: krei establejon, financan asocion, akademion, ŝiparon, impostojn, oficon, rolon (ĝin ludi la unua), modon; Ajskilo kreis la tragedion; krei novan stilon, teknikon. VD:aranĝi, establi, instali, organizi, starigi
b)
REL(pri Dio) Fari ion el nenio: en la komenco Dio kreis la ĉielon kaj la teron [2]; riĉulo kaj malriĉulo, ilin ambaŭ kreis DioZ; la kreo de la teroZ; ofendi sian kreintonZ; Dio prizorgas ĉiujn siajn kreitojn.
VD:naski, veki

kreo Vikipedio

Estigo, elfarado: venki ĉiujn barojn por la kreo kaj enkonduko en uzadon de racia lingvo internacia [3]; tiam sonis ĉiuj valsoj, polkoj kaj mazurkoj, kiujn oni iam konis depost la kreo de la mondo [4].

kreaĵoTEZ

Io, kion iu kreis: la kreaĵo de Zamenhof estas nun mirinda lingvo [5]; la dioj ne rigardas tian kreaĵon, kiu havas manojn nur por la laboro, buŝon nur por la ploro, kaj dorson por la bastonoj [6]. neniu kreaĵo estas por mi tiel abomena, kiel araneoZ.

kreiĝi

(ntr)
Estiĝi, komenciĝi, aperi: brilantaj perspektivoj kreiĝis antaŭ ŝiaj okuloj Marta; tiam kreiĝis kondiĉoj por plilarĝiĝo de la homaj grupiĝoj.

kreismo Vikipedio

REL Laŭvorta kompreno de la religiaj, precipe bibliaj rakontoj pri komenciĝo de la mondo: mi aŭdis ke en Usono en multaj lernejoj oni instruas kreismon [7].

kreitoTEZ

Kreita vivulo.

kreitaĵoTEZ

=kreaĵo homo, la reĝo de la kreitaĵaro; la konstruo de tiuj ĉi bestoj kaj maraj kreskaĵoj estas konformigita al la grandega pezo de la akvo, kiun tiuj ĉi kreitaĵoj devas porti sur si [8].

tradukoj

anglaj

~i: create; ~o: creation; ~aĵo: creation, creature; ~iĝi: be created, come into being; ~ismo: creationism; ~ito: creature; ~itaĵo: creation, creature.

belorusaj

~i: ствараць, тварыць; ~aĵo: стварэньне (нешта), твор; ~ito: стварэньне (жывое).

ĉeĥaj

~i: kreovat, tvořit, tvořit, vytvořit; ~o: tvorba, tvoření; ~ito: tvor.

francaj

~i: créer; ~o: création (acte); ~aĵo: création (chose créée), créature; ~iĝi: apparaitre, apparaître, se créer, se former; ~ismo: créationnisme; ~ito: créature. okazo ~as ŝteliston: l'occasion fait le larron.

germanaj

~i a: schaffen, kreieren, gründen; ~i b: erschaffen; ~i: bilden.

hispanaj

~i: crear.

hungaraj

~i a: teremt, megteremt, létrehoz; ~i b: teremt; ~i: alkot, szül; ~aĵo: alkotás, teremtés; ~ito: teremtmény. okazo ~as ŝteliston: alkalom szüli a tolvajt.

nederlandaj

~i a: oprichten; ~i b: scheppen; ~i: scheppen; ~o: schepping, creatie; ~aĵo: schepping; ~iĝi: ontstaan; ~ismo: creationisme; ~ito: schepsel; ~itaĵo: schepsel, creatuur.

portugalaj

~i: criar.

rusaj

~i: создать, создавать, творить; ~o: создание, творение (действие); ~aĵo: создание, творение (нечто); ~iĝi: создаться, создаваться, появиться, появляться, возникнуть, возникать; ~ismo: креационизм; ~ito: существо, создание, творение (живое), тварь; ~itaĵo: создание, творение (нечто), тварь.

slovakaj

~i: stvoriť, tvoriť, utvoriť, vytvoriť; ~o: tvorba, tvorenie; ~ito: tvor.

svedaj

~i: skapa.

fontoj

1. L. L. Zamenhof: Fundamento de Esperanto, Ekzercaro, § 27
2. trad. L. L. Zamenhof: La Malnova Testamento, Genezo 1:1
3. Ludoviko Lazaro Zamenhof: Fundamenta Krestomatio de la lingvo Esperanto, 6, artikoloj pri esperanto, el la unua libro de la lingvo esperanto
4. H. C. Andersen, trad. L. L. Zamenhof: Fabeloj, vol. 2, paŝtisto de porkoj
5. E. Lanti: Vortoj de k-do Lanti, nia pozicio
6. B. Prus, trad. Kazimierz Bein: La Faraono, vol. 1, ĉapitro 2a
7. G. Castelli: Katolikismo..., soc.culture.esperanto, 1999-09-23
8. Ludoviko Lazaro Zamenhof: Fundamenta Krestomatio de la lingvo Esperanto, 5, el la vivo kaj sciencoj, bagateloj

~i: Mankas verkindiko en fonto.
~aĵo: Mankas verkindiko en fonto.
~iĝi: Mankas dua fontindiko.
~ismo: Mankas dua fontindiko.
~ito: Mankas fontindiko.
~ito: Mankas fonto, kiu estas nek vortaro nek terminaro.
~itaĵo: Mankas dua fontindiko.


[^Revo] [kre.xml] [redakti...] [traduki...] [artikolversio: 1.20 2015/10/01 07:10:15 ]