^*nepr/a ^PV

Tute certa², absolute necesa, tute neevitebla, tute deviga: nepra ordono, regulo, volo, devo, bezono; la aferoj de la granda diino postulas nepran sekretecon [1]; post prepozicio oni uzu la akuzativon nur en okazoj de nepra bezono [2]; konsideri la nepran bankroton [3]; certa krudeco kaj severa plenumado de la postuloj oficaj devis esti liaj nepraj ecoj por sukcesi en lia ŝtata kariero [4]; la unua ekzerco, nepra etapo, tra kiu pasas en sia evoluo ĉiu arta sistemo, estas dinamikiĝo [5]; scioj estas nepra, vive necesa elemento por kompreni ajnan artan sistemon [6]; por ke la mondo estu pli bona, estas nepra amo kaj toleremo al ĉiu homo sendepende de raso, religio kaj nacieco [7]. absoluta, nemalhavebla, senkondiĉa

Necese, laŭdeve, senmanke: vi nepre devas trinki [8]; vi nepre mortos [9]; nepre observu Miajn sabatojn [10]; nepre ne (en neniu kazo, neniam) [11]! li nepre volis, ke tio estu vera [12]; pli da loko, ol estis nepre necesa por ili [13]; prenu ĝin, vi devas nepre ĝin preni [14]! la maljuna virino malsaniĝis [tiel, ke] flegado kaj vartado estis nepre necesa [15]. certe, sendube

Esti necesa, devi: nepras, ke granda parto de tiuj pristudaj klopodoj direktiĝu al la objektoj, pere de kiuj oni laboras: ŝtono, koloro, sono, vorto ^Ret ; leĝoj […] nepras kaj ili taŭgas por ĉiu rango de artaj sistemoj [16]; nepras, ke ni unue solvu la problemon de la ekzisto [17]; subskriboj [de kuracistoj] nepras por kompletigi morto-atestilon [18]. -u

La fakto, ke io estas nepra: kiam do la nepreco kaj la simpla prudento subtenis la kaŝitan tenton, ŝi ĉesis heziti [19]; realan fakton mi bezonas, nepron, pruvatestan, palpeblan fakton! [20]; Renato Corsetti, ankaŭ italo, substrekas la kulturan kaj lingvan neprecon ke eŭropaj lingvoj restu oficialaj [21]. neceseco, neevitebleco

Io, kion oni ne povas eviti aŭ kion oni ne povas malhavi: se la morto venus al vi subite, […] mi akceptus ĝin kiel nepraĵon [22]; daŭre mankas al ili soldataj nepraĵoj, kiujn ili estas devigataj pruntepreni [23]; mankas eĉ bazaj nepraĵoj, kiel pano [24]; akumulatoro estas nepraĵo por la koncepto „tabula komputilo“ [25]. necesaĵo

Absolute necesigi: tion diktas […] la lingvouzantoj, kies pensokapacito neprigas la kreon de adekvata esprimo [26]; [plia] kunlaboranto nun neprigas, kompreneble, la luadon de oficejo [27]; [la] rivera sistemo el navigeblaj vojoj […], por akcepti 1350-tunajn ŝipojn, neprigis la konstruadon de kabla ŝiplifto [28]. kondamni, senrevene, trudi

Ne necesa, kiu povas malesti, kiun oni povas neglekti: kvietas la maten' malnepra, / En kiu ne perdiĝis steloj [29]; la bildoj estas tute malnepraj en ttt-ejo, se la teksto estas sufiĉa [30]. fakultativa, forlasebla, malhavebla, nedeviga, rezignebla