^*lign/o

1.

Malmola substanco, el kiu konsistas radikoj, trunko kaj branĉoj de arboj, uzata diverscele kiel materialo: la lignisto vendas lignon, kaj la lignaĵisto faras tablojn, seĝojn kaj aliajn lignajn objektojn [1]; ligno estas bona brula materialo [2]; ni iros en la arbaron haki lignon [3]; ili faru keston el akacia ligno [4]; faru al vi arkeon el ligno gofera [5]; parfuma ligno [6]; li portis bastonegon el mahagona ligno [7]; la tuta koridoro estis prilumita per putra ligno [8]; [li] montris seĝojn, tablojn […] ornamitajn per riĉaj desegnaĵoj, inkrustitajn per diverskolora ligno [9]; li estas flamiĝema kiel rezina ligno ^PrV ; fendita ligno facile ekbrulas ^PrV ; ne el ĉiu ligno oni faras violonon ^PrV ; ĉarpenti, haki¹, raboti, segi, lignokarbo, lignito

2.

Peco da tia materialo: de la ŝipo ne restis eĉ unu ligneto [10]; ŝi prenis ankoraŭ el malantaŭ la forno faskon da lignetoj kaj ekbruligis sur la kameno gajan fajron ^Marta ; Iftah kun torĉo brulanta aliras / Kaj fajron al lignoj aldonas, / La lignoj ne volas kaj kontraŭ sin metas, / Sed Iftah obstinas kaj pajlon enĵetas ^FK ; la popolo ŝin kondamnis al forbruligo sur lignaro [11]; en la mezo de la halo videblis granda hejtilo, eble antaŭ nelonge plenigita per lignoj, bruligitaj, kaj nun la hejtilo bruegis kiel vaporlokomotivo [12]; li kuntiriĝis, ĉar la plankolignoj knaris [13]. ŝindo, ŝtipo¹, tabulo, trabo

El ligno: ĉiun lignan vazon oni lavu per akvo [14]; faru al vi lignan keston [15]; vidu, mi loĝas en domo cedroligna [16]; la skribisto Ezra staris sur ligna ambono [17]; la ligna altaro havis la alton de tri ulnoj [18]; li pritranĉis grandan lignan krucon, por meti ĝin sur la tombon de sia patro [19]; ŝi metis sur siajn piedojn lignajn pantoflojn [20]; ĉarmaj lignaj pupoj kun vitraj okuloj [21].

Objekto, konstruaĵo, framo el ligno: lin oni mortigis, pendigante lin sur lignaĵo [22]; la meblaj kovriloj estis el blua atlaso, kaj la lignaĵo de la seĝoj estis origita ^FK ; [la] artistoj […] ekspoziciis interalie ceramikaĵojn kaj lignaĵojn [23]; la ŝoforo asertas, ke li transportis lignaĵon kaj ke pri kaŝitaj cigaredoj li nenion sciis [24].

Malgranda aŭ ne tro granda peco de ligno: lasu min eltiri la lignereton el via okulo [25]; kiel fajro, kiu bruligas lignerojn, kiel akvo, kiu bolas de fajro [26]; sur la litbenkoj troviĝis ligneroj, bonegaj por kuŝi sur ili ^VRA ; la junaj knabinoj gaje ĵetas pezajn lignerojn dum volontula komsomola ripoztaglaboro ^Metrop ; hakado de ligno donas lignerojn ^PrV ; en fremda okulo ni vidas ligneron, en nia ni trabon ne vidas ^PrV ; keno, rabotaĵo, splito, tigo

Metiisto, kiu prilaboras lignajn objektojn: restis ĉe la patrino du miaj pli junaj fratoj, el kiuj unu lernoservas ĉe lignaĵisto, kaj la dua vizitas lernejon ^Marta ; en la sekvinta tago la lignaĵisto pagis por la nokto, nenion rimarkinte prenis la tablon kaj foriris [27]; mi petas fajron, tornilon kaj lignaĵistan stablon kun tranĉilo [28]; post ili venis la granda korporacio de lignaĵistoj, kiu montris seĝojn, tablojn, kanapojn, portilojn kaj veturilojn [29]. barelisto, ĉarpentisto, meblisto

Ligno taŭga aŭ uzata por brulo, produktanta varmon: Vojski […] sur brullignon verŝigas fanditan buteron ^SrT ; ŝi […] havis sur sia dorso faskon da bruloligno, kiun ŝi estis kolektinta en la arbaro [30].

Ligno taŭga aŭ uzata por konstruo: alta lerteco estas tamen postulita de ili ĉe la konstruado de temploj kaj palacoj, por kiuj valoraj konstrulignoj kiel cipresoj de ĉiu specio, cedroj, bukso kaj aliaj estas importitaj, antaŭ ĉio el Sirio [31].