^*kern/o ^PV

1.

(komune) La malmola interna parto de ekstere mola frukto aŭ la mola parto de ekstere malmola frukto aŭ fruktoparto: li devas manĝi nenion, kio estas farita el vinberoj, de la kernoj ĝis la ŝelo [1]; la graso de la kernoj de tritiko [2]; la nukso krakis kaj rompiĝis, sed en ĝi ne troviĝis plena kerno [3]; ambaŭ ludis per pomo, ili ĝin skuis kaj aŭskultis, kiel interne bruis la kernoj [4]; kernoj de daktiloj [5]; malgranda kerno, ĵetita en la teron, naskas la palmon [6]; (figure) li rigardis la ŝelon kaj ne la kernon, kaj tio estas malfeliĉo, granda malfeliĉo en la edzeco [7]. nukso, grajno¹

2.

La malmola interna parto de la perikarpo de drupo enhavanta la semgrajnon, ekz. kerno de pruno; juglando, migdalo: malsanulejen ŝi iris, manĝinte plurajn kernojn de abrikoto kaj persiko, aŭ pli precize ilian enan molan parton, same toksan por homo [8]; oni donis al ĝi persikon, kaj la kerno tiom dolorigis ĝian postaĵon, ke la simio nun kalibras ĉiun kernon [9].

3.

(figure) Centra, esenca parto de io: ĉi tio estas la kerno de nia disputo konkludis Przyjemski kaj etendis al la maljunulo sian blankan, longan manon [10]; mi trovos la kernon de la vero [11]; estis viglo kaj kerno en ĉiuj ŝiaj vortoj, kaj vole nevole ili aŭskultis [12]; [tiu] paroksismo de frenezo […] plenigas per stranga kerno de volupta maltrankvilo ^FdO ; li penis trovi la vojon penetrantan ĝis la mistera kerno de ĉiuj aferoj [13]; vi, kamaradoj, konas la cirkonstancojn, […] manko de laborista kerno, malnovaj specialistoj kaj tiel plu ^Metrop ; tio, fakte, estas la kerno de iliaj tiurilataj klopodoj [14]; tiu malmulto eldirita estu tial suko kaj kerno de ĉio planita kaj de ĉio trastudita [15]; el tiu kerno internacia la ideoj disvastiĝos [16]; la hind-eŭropa kerno de la lingvo oseta senteblas eĉ por nelingvistoj [17]; la historia kerno de Prago [18]; la arkitektura kerno de la urbo estas raraĵo el la 19a jarcento [19]; post kelkaj sekundoj sekvis kroma eksplodo, kiu elĵetis fragmentojn de brulaĵo el la kerno de la reaktoro [20]; la profunde bluaj okuloj […] povus bori vin ĝis la kerno de la koro [21]. bazo, esenco, fundo, fundamento, kvintesenco

4.

La parto de procesoro, kiu plenumas la kalkulojn: la kerno de la procesoro estas simpligita, konsekvence, ĝi uzas malpli da transistoroj kaj malpli da energio [22].

5.

La protonoj kaj neŭtronoj konsistigantaj la centron de atomo: atomo de oksigeno havas 8 protonojn en sia kerno, alinome nukleo [23].

6.

a)

[24] (de homomorfio `f`) Inversa bildo de la neŭtra elemento de la celo-aro; simb. `"kern" f`: la kerno de homomorfio `f` inter ringoj aŭ moduloj estas la aro de ĉiuj elementoj, kies bildo per `f` egalas al la nulo.

b)

^MatVort integrala ekvacio

(figure)

Esenca, fundamenta: tia kerna diro [25]! kerna komuna enhavo de la vorto suno [26]; jen unu el la kernaj demandoj [27]; dum kalkulado li deprenis ĝenajn frakciojn, kaj poste aldonis iom kompense, kaj tiel […] tenis sin al la ĉefa kerna sumo [28]; verkisto, kiu vere influos la evoluon de la lingvo en la direkto de ĝia plejboneco, de ĝia kerna esenco, ankoraŭ ne vere montriĝis [29]; kerna propraĵo de ĉiuj frazeologismoj estas ilia fiksformuleco [30]; demokratio sur la ŝtata nivelo estas de kerna graveco [31]; la scienco pri planlingvoj iĝas la kerna kampo de interlingvistiko [32]; tiel pli bone eblas koncentriĝi pri la kerna mesaĝo de la kristana kredo: krucumo kaj resurekto de Jesuo [33]; ŝparkasoj nuntempe trairas kernan reorganizadon [34].

Suka, drasta, frapa: via stilo donas sufiĉe fortan pruvon de tiu talento, ĝi estas kerneca, vigla, en multaj lokoj plena de vervo kaj de fajro ^Marta ; levilkartoj estas belaspektaj kartoj, kiuj surhavas kernecan sloganon [35].

Kerno de la atomo, konsistanta el unu aŭ protonoj kaj eble neŭtronoj: alfa-radiado konsistas el rapidflugaj atomkernoj de heliumo [36]; atomkerna energio [37]. nukleo²

Centra parto de la tero, el nikelo kaj fero, probable parte likva kaj parte solida: la interna terkerno kun diametro de 2600 kilometroj estas proksimume 6.700 °C varmega [38]

drupo