^*ret/o ^PV

1.

Plektaĵo kun grandaj interspacoj inter la fadenoj aŭ ŝnuroj: faru […] kradon en formo de kupra reto [1]; nova aparato, kiu […] konsistas el reto, plektita el facila sed fortika materialo [2]; el lino ŝi trikis reton kaj sur ĝi fiksis 1022 argilajn folietojn [3].

a)

Uzata kiel kaptilo, ekzemple de sovaĝaj bestoj: li trafis per siaj piedoj en reton [4]; virina rideto pli kaptas ol reto ^PrV ; oni ŝirmas sin [kontraŭ kuloj] per enfenestraj retoj [5]; leĝoj similas al araneaj retoj, en kiuj kaptiĝas nur insektetoj [6]; (figure) instruo de saĝulo estas fonto de vivo, por evitigi la retojn de la morto [7].

b)

Fiŝreto: Petro iris sur la ŝipon, kaj tiris la reton al la tero, plenan de grandaj fiŝoj [8]; la sankta-paŭlaj fiŝoj el galilea maro la retojn de l' fiŝkaptistoj plenigas [9].

araneaĵo, filigrano, maŝaro, teksaĵo¹

2.

(figure) Io similanta tian plektaĵon: la reto de la vejnoj; naciaj fervojretoj [10]; reto de markitaj […] montbiciklaj vojoj [11]; vasta reto de filioj [12]; la gastiga reto „Pasporta Servo“ [13]; la poŝtelefona reto [14]; la paketradia reto [15].

3.

(figure) Malsimpla aranĝo de interligoj, konfuza implikaĵo: vi estas nesperta, ĉirkaŭita per reto de intrigoj [16]; dum 16 jaroj [la] kanceliero […] povis senprobleme plekti sian ampleksan reton de potenco tra la tuta federacia respubliko [17]. teksaĵo²

4.

Interreto: mi povis elŝuti unikodajn tiparojn kaj unikodan terminalimitilon el la reto [18]; komence de la jaro 2000 en la reto nur 20 % de la paĝoj estas neanglaj, kvankam 40 % de la uzantoj loĝas ne en Usono [19].

Sud-hemisfera stelfiguro (Reticulum): NGC 1313 estas galaksio en konstelacio Reteto [21].

Uzanto de la Interreto: grava lingvo estas tiu, en kiu retanoj trovas informojn, ne al kiu oni aplaŭdas en Bruselo [22]; PGP donas al ĉiu retano ĉifron kies fortikeco timigas la usonan registaron, kiu volas spioni transliman komunikadon [23].

Parto de TTT, retnodo disponiganta rete atingeblajn hipertekstojn: retejo […] kun informo pri internaciaj vojaĝoj [24]; BBC en sia retejo antaŭ nelonge informis jene pri Litovio: „ĝi estas malgranda lando ĉe la nord-okcidenta limo de Rusio […]“ [25]; per interretaj serĉiloj kiel Google oni trovas multajn retejojn kun bildoj [26].

Persono, kiu responsas pri la prizorgado de retejo: jam forigita de la retejestro [27]; retejestro de la Esperanto-Ligo Berlin [28]; kiel ĉefa retejestro en la firmao Google, li desegnas emblemojn kiujn la serĉilo montras ĉe specialaj okazoj [29].

(ntr)

Iel ajn pasigi tempon en la Interreto: por laboro aŭ plezuro; retpoŝte, navigante en TTT ktp.: retkafejo aŭ retumejo estas ejo kie oni kontraŭ pago povas retumi sur komputilo [30]; la aparateto ebligas retumi kiam ajn kaj kie ajn per la makintoŝa krozilo [31]; nunaj procesoroj jam pli ol sufiĉas por la tradiciaj aplikoj de komputiloj, kiel tekstoprilaborado, datenbankoj, aŭ retumado [32].

Persono, kiu retumas: en la ĉi-foja enketado, 40 % de la retumantoj opinias, ke mankas al sole vivantaj maljunuloj socia asekuro [33]; en oktobro la retumanto venis antaŭ la tribunalon [34]; opiniis iu retumanto: „[…] la teknologio por falsi atestilojn estas pli matura ol tiu por presi fervoj-biletojn“ [35].

Programa rimedo por retumi; TTT-legilo, poŝtilo ktp.: la retumilo Fajrovulpo [36]; apleto, eta programo skribita en Javo kiu ruliĝas en la retumilo kaj montriĝas en la retpaĝo mem [37]; „poŝlegilo kun multaj aliaj ebloj“, ĉar ĝi servas ankaŭ kiel retumilo, organizilo, kalendaro, ludilo [38].

Enmeti en atingeblan lokon de komputila reto, alŝuti: mi registras la muzikaĵon komputere kaj poste enretigas ĝin [39]; [li] promesas senpage kaj poreterne enretigi artajn kreaĵojn [40].

Reto uzata por kapti fiŝojn: ili tiras per fiŝhoko, kaptas per sia reto, amasigas per sia fiŝreto [41]; tiuj rubaĵoj inkluzivas ŝipojn, fiŝretojn, disrompitaĵojn de fabrikoj [42]; la ludantoj kaptas kaj ĵetas la pilkon per ilo simila al fiŝreto sur fork[…]ita stango [43].

Aro da interkonektitaj komputilaj retoj: ofte oni parolas pri malloka reto kiam du [...] lokaj retoj estas ligitaj [...] pere de interreto [44].

(komune) Esperantigita nomo de „Internet“, la plej granda el la mallokaj retoj: de komputiloj kaj komputilaj retoj (inkluzive de Interreto) dependas ŝtataj kaj administraciaj instancoj, polico, armeo, bankoj, publikaj servoj [...] [45]; nun tamen Tuvalo verŝajne iĝos ege populara [...] precipe pro ĝia nacia simbolo en Interreto, mallongigo „tv“ [46]; la mapservoj de Interreto indikas la princlandon kiel trianguleton [47]; origine Interreto estis precipe usona afero kaj, tute logike, ĝi estis anglalingva [48].

Rim.: Por la fakuloj „la Interreto“ estas unu speciala el multaj interretoj, tial oni uzas la artikolon (same kiel, cetere, en la angla). Tamen la publiko plej ofte tion ne konscias kaj uzas la vorton senartikole.

Rim.: Oni ofte mallongigas tiun nomon ĝis „la Reto“ (kaj en tiu formo la artikolo ne estas forigata).

Latkrado: klematidoj […] supreniras grimpante laŭlonge de la latreto de lia fenestro [49].

Vojaro: longdistancaj biciklaj vojretoj [50].

Aranĝo de la komunika kaj komuta aparataro, protokoloj kaj programaro, kiuj arigas plurajn (aŭ eĉ multajn) komputilojn en tutecan komputan sistemon: poste tiu privata kompanio estis vendita al Novell, specialisto pri programoj por komputilaj retoj [51]; koncentrilo ĝenerale estas centra nodo de iu komputila reto [52]. loka reto, malloka reto, transita reto

Komputila reto tute situanta en unu ĉambro aŭ en unu konstruaĵo: fajroŝirmilo, aŭ konektfiltrilo estas programaro aŭ aparataro, kiu ofte troviĝas inter la Interreto kaj loka reto [53]; eterreto estas kadro-bazita komputila ret-teknologio por lokaj retoj [54].

Komputila reto konektanta komputilojn geografie malproksimajn: ofte oni parolas pri malloka reto kiam du [...] lokaj retoj estas ligitaj, tian ligon teknike fakuloj kreas pere de interreto, VPN-konekto aŭ luitaj dediĉitaj datumlinioj [55].

Maniero labori kun esence retaj dokumentoj senkonekte (foliumi³ lokan kopion de TTT-paĝaro, prepari retpoŝtajn mesaĝojn sendotajn ĉe onta retkonekto ktp): eldono de DVD kun eksterreta versio de la tuta Vikipedio en Esperanto [56]; la mapo ŝarĝos eksterrete kaj facile troviĝas via loko [57]; la 28 000 studentoj kaj 5 500 dungitoj de la Justus Liebig-Universitato estis eksterrete dum pli ol unu semajno [58].

Komputila reto alkonektebla de aparatoj per ondoj, sen dratoj: junaj, modaj urbanoj ... kuŝas sur la herbejo surfante per la sendrata reto [59].

Retejo en kiu oni povas diversmaniere interrilati kun aliaj uzantoj: la retejo plej uzata por krei tiun propran komunumon […], estas Ipernity, kiu teĥnike ne estas socia retejo, sed kiu prenis tiun rolon por multaj esperantistoj [60].

Kamerao konektita al Interreto: retkamerao rekte ekde la Baziliko kaj Placo de Sankta Petro de Vatikano en la oficiala retejo de la Ŝtato Vatikano [61]; en la 1990-aj jaroj aperis la unuaj retkameraoj, oni povas instali ilin en la fokuso de teleskopo, post esti foriginta la lenson [62].

(komune) Komercado per la Interreto: Investantoj iĝas pli kaj pli skeptikaj pri la kapablo de retservoj gajni monon per reklamado kaj retkomerco [63].

Servo ebliganta al la rajtigitaj uzantoj interŝanĝi mesaĝojn per komputila reto: nuntempe por retpoŝto ne bezonatas poŝtmarkoj [64]; heliko estas ankaŭ nomo de la signo @ por „ĉe“, uzata en retpoŝto [65].