¹kvalit/o ^JED

1.

Ĉiu el la diferencaj manieroj, kiel objekto impresas niajn sentumojn kaj kiuj konsistigas ĝian ecaron, staton, eksteron, karakteron kc: odoro kaj koloro estas kvalitoj de la korpoj; la vortoj „tia, kia“ ĉiam montras la kvaliton; nomi tute hazarde kaj arbitre la diversajn objektojn, ideojn, kvalitojn [1]. ecoatributo¹

2.

Grado de boneco, perfekteco, delikateco de io: unuaranga kvalito [2]; li havu ĉion de la plej bona kvalito [3]; mi ne havas mezurilon por via beleco, nek vortojn por viaj kvalitoj [4]; vi havos la okazon konvinkiĝi pri la alta kvalito de freŝaj varoj [5]; brava junulo, via frato, eble iom maltimema: sed en la armeo tio estas kvalito [6]; kvalito bona ne bezonas admonon ^PrV ; ne kvanto sed kvalito decidas pri merito ^PrV . valoro¹, virto

3.

Speciala povo; propra efiko de io: la kvalito de magneto estas, ke ĝi altiras la feron; [la] spegulo […] havis la kvaliton, ke ĉion bonan kaj belan, kiu en ĝi speguliĝis, ĝi etigis preskaŭ ĝis plena nenieco [7]; [li] prenis el tirkesto belegan brandujon, kiu ŝajnis posedi la netakseblan kvaliton repleniĝi laŭ trinkado [8]. propreco, kapablo

4.

Ĉiu el la moralaj aŭ intelektaj inklinoj, kiuj konsistigas la staton de ies animo: la mensogemo, la malkuraĝo, la perfidemo, jen estas liaj ĉefaj kvalitoj; la malhumilo instigas nin malestimi la bonajn kvalitojn kiuj mankas al ni; por fariĝi oratoro fakte ne estas postulataj apartaj fizikaj kvalitoj [9]; la intelektajn kaj moralajn kvalitojn oni ne povas mezuri per ciferoj [10]; ili dividas la homojn laŭ iliaj kvalitoj en tri klasojn [11]. karaktero, personeco

1.

Rilata al kvalito: kvalita adjektivo (kontraste al personaj, posesivaj, montraj, nombraj kaj nedifinaj); [ĉu] oni povus trovi ian matematikan mezon, kiu iamaniere respegulus la kvalitan tutecon de la publiko [12]; atingi kvalitan elstarecon [13]; abrupta malaltiĝo de la kvalita nivelo de la verkoj [14]; restas oftaj kvalitaj problemoj, ĉar la produktantoj plejparte estas kamparanaj familioj [15].

2.

Altkvalita: per pli ampleksa kaj kvalita agado formiĝos […] prestiĝa premgrupo [16]; [li] portis iom tro kvalitajn vestaĵojn [17]; la posedantoj de kinoretoj ne taksis la filmon sufiĉe kvalita [18].

kvalifiki

De kvalita kvalito: altkvalita servistaro […] paradis en silkaj ŝtrumpoj ^Fab3 ; li havas en Kopenhago tre gravan kaj altkvalitan oficon, komizecon en kontoro [19]; li surhavis bonkvalitan kremkoloran kompleton [20]; homoj […] altkvalitaj per nobeleco de la spirito [21]; cellorna pafilo, altkvalita, kies numero estis ĉizile batita ĝis nelegeblo [22]; serio de kulture kaj literature altkvalitaj revuoj [23]; pli vaste servi al bonkvalita informado en Esperantujo [24]; ili ne ricevos la plej altkvalitan edukon, nek honoron [25]. distinga², fajna, kara³, nobla, rafinita, sublima, valora²

De meza kvalito: mezkvalita brando [26]; apud la bonegaj KDoj (el ĉiuj vidpunktoj) de Kajto, Persone, Jacques Yvart, troviĝas bedaŭrinde perfekte mezkvalita albumo [27]; la muziko estas vere mezkvalita kaj averaĝa [28]. averaĝa, meza

Homo kiu ne elstaras en iu kapablo, mediokrulo: ĉie ajn regas mezkvalituloj sen entuziasmigaj ideoj [29].