tradukoj: be bg ca cs de en es fr hu ia la nl pl pt ro ru sk tr

*forges/i PV

*forgesiTEZ

(x)
1.TEZ
Ne plu memori pri; ne plu konservi memoron pri, malmemori: forgesi la pasintan malfeliĉon, instruon, ies nomon, rendevuon; forgesu mian konsilon, averton; ne forgesu min; mi ĉiam forgesas, kiel estas via nomo kaj patronomo [1]; baldaŭ forgesi pri mi [2]; forgesi maljustaĵojn, faritajn al li mem [3]; se li povus forgesi la kriojn de l' homo, kiun oni surverŝis per bolanta peĉo [4]! VD:viŝi, forflugi.
2.TEZ
Ne atenti pri, ne zorgi pri, preterlasi: forgesi nomon en la listo; forgesi siajn promesojn, siajn devojn; oni facile forgesas la ricevitajn bonfarojn; Ramzes estis tiel ekscitita, ke li jam forgesis pri sia rango kaj pri siaj devoj [5]; [ĉu] la popolaĉo [...] havas la rajton forgesi siajn devojn al ni [6]? VD:entombigi, enterigi. VD:arkivo, kalendo.
3.
Lasi, restigi objekton pro malatento: mi forgesis hejme la monujon; forgesi sakon en vagonaro; ŝi volis nur vidi, ĉu oni ne forgesis ian figon aŭ pomon [inter la branĉoj] [7].

forgeso Vikipedio

1.
PSI Malmemoro: formeti la aferon en la keston de forgeso PrV; la morgaŭa tago ofte ruinigadis kaj ĵetadis en abismon de forgeso tion, kion ŝi kun granda malfacileco sukcesis atingi hieraŭ Marta ; (poezie) nebulo de forgeso Marta .
2.
Nezorgo, preterlaso, neglekto: plej facile promeso rimiĝas kun forgeso Prv ; kelktempa ĉeso ne estas forgeso Prv .

forgesema

Kiu facile forgesas, ne bone memoras: la virinoj estas forgesemaj [8]; Epafo trovis teruran morton: Hera ne estis forgesema [pardonema] diino, kaj la fama vivo de Epafo kolerigis ŝin [9].

memforgeso, sinforgeso

1.
Abnegacio, malegoismo: en tiu okazo li montris plenan sinforgeson.
2.
PSI Malatento al si kaj al la situacio pro absorbiĝo, revado, malklara konscio...: ili batalis kun [...] furioza kolero kaj memforgeso [10]; ŝi ... eliris, malrapide transirante de vitrino al vitrino kaj pririgardante kun grandega plezuro montratajn tie aĵojn, en kion ŝi sinforgese absorbiĝis [11].

neforgesebla

Inda je memoro: neforgesebla amiko, okazo; ni aliĝos al la Eternulo per interligo eterna, neforgesebla [12]; kiel forte ni ĉiuj estis entuziasmigitaj en Bulonjo ĉe l' Maro [...] ĉiuj ĝin nomas la „neforgesebla kongreso“ [13]; nia neforgesebla amiko Javal plu ne ekzistas [14]; dank' al la neforgesebla granda merito de la pastro Johann Martin Schleyer, nia ideo ricevis sian unuan disvolviĝon [15].

neforgesumino Vikipedio

BOT Florherbo kun radiformaj, plej ofte bluaj floroj; genro Mysotis: Laŭ la papiliaj moroj, Lia flirt' sen elimin' Karesadis ĉiujn florojn ― Krom la neforgesumin'. [16] SIN:miozoto

senforgeseTEZ

Agante sen forgeso, neglekto aŭ preteratento; senmanke, nepre: Diego promesis pendigi [la informilon] ĉiufoje kaj senforgese en la indikita loko [17].

tradukoj

anglaj

~i: forget; ne~ebla: unforgettable; ne~umino: forget-me-not.

belorusaj

~i: забываць, забыць; mem~o, 1.: самазабыццё; ne~ebla: незабыўны.

bulgaraj

~i: забравям; ne~ebla: незабравим.

ĉeĥaj

~i: zapomenout, zapomínat; ~o: zapomenutí, zapomnění; ~ema: zapomětlivý; ne~ebla: nezapomenutelný; ne~umino: nezabudka, poměnka.

francaj

~i: oublier; ~o: oubli; ~ema: étourdi, oublieux; mem~o, 1.: renoncement, sacrifice; mem~o, 2.: distraction; ne~ebla: inoubliable; ne~umino: myosotis; sen~e: sans oubli.

germanaj

~i: vergessen; mem~o, 1.: Selbstlosigkeit, Selbstvergessenheit; ne~ebla: unvergesslich; ne~umino: Vergissmeinnicht.

hispanaj

~i: olvidar; ne~ebla: inolvidable.

hungaraj

~i 3.: ottfelejt, otthagy; ~i: felejt, elfelejt; mem~o, 1.: önzetlenség, önfeláldozás; ne~ebla: felejthetetlen.

interlingvaaj

~i: oblidar; ne~ebla: inoblidable.

katalunaj

~i: oblidar, oblidar-se; mem~o, 1.: abnegació; ne~ebla: inoblidable.

latina/sciencaj

ne~umino : Mysotis.

nederlandaj

~i: vergeten; ne~ebla: onvergetelijk.

polaj

~i: zapomnieć; mem~o, 1.: poświęcenie, oddanie, abnegacja; ne~ebla: niezapomniany.

portugalaj

~i 1.: esquecer, olvidar; ~i 2.: esquecer, omitir.

rumanaj

~i: a uita; ne~ebla: de neuitat.

rusaj

~i: забыть; ~o: забвение; mem~o, 1.: самозабвение; ne~ebla: незабываемый, незабвенный; ne~umino: незабудка.

slovakaj

~i: zabudnúť; ~o: zabudnutie; ~ema: zábudlivý; ne~ebla: nezabudnuteľný; ne~umino: nezábudka.

turkaj

ne~umino: unutma beni.

fontoj

1. N. V. Gogol, trad. L. L. Zamenhof: La Revizoro, Akto kvara
2. B. Prus, trad. Kazimierz Bein: La Faraono, vol. 3, Ĉapitro X
3. B. Prus, trad. Kazimierz Bein: La Faraono, vol. 2, Ĉapitro XX
4. B. Prus, trad. Kazimierz Bein: La Faraono, vol. 2, Ĉapitro II
5. B. Prus, trad. Kazimierz Bein: La Faraono, vol. 2, Ĉapitro IX
6. B. Prus, trad. Kazimierz Bein: La Faraono, vol. 3, Ĉapitro XIII
7. H. C. Andersen, trad. L. L. Zamenhof: Fabeloj, vol. 2, Abio
8. Ba Jin, trad. Li Shijun: Aŭtuno en la Printempo, 1980
9. Vikipedio, Epafo
10. B. Prus, trad. Kazimierz Bein: La Faraono, vol. 2, Ĉapitro XVIII
11. A. Grin, trad. J. Finkel: La mondo brilanta, 2010
12. trad. L. L. Zamenhof: La Malnova Testamento, Jeremia 50:5
13. L. L. Zamenhof: Paroloj, Parolado antaŭ la Dua Kongreso Esperantista en Genève en la 28a de aŭgusto 1906
14. L. L. Zamenhof: Paroloj, Parolado antaŭ la Tria Kongreso Esperantista en Cambridge en la 12a de aŭgusto 1907
15. L. L. Zamenhof: Paroloj, Parolado antaŭ la Kvara Kongreso Esperantista en Dresden en la 17a de aŭgusto 1908
16. Boufflers: Bagatelaĵoj, La Nica Literatura Revuo, 1956-11 ĝis 12 (2:2), p. 80a
17. G. C. Fighiera: Resumo decidoj, Klaĉoj, 2011-09-06


[^Revo] [forges.xml] [redakti...] [traduki...] [artikolversio: 1.30 2017/06/04 09:10:13 ]