^*util/a

Profite uzebla; produktanta efektive bonan rezultaton: utila instrumento, libro, institucio, leĝo; utila al iu, por iu aŭ io; per kio mi povas esti al vi utila? kiel granda estas la utileco de internacia lingvo! ĉion por ornamo, nenion por utileco. oportuna, taŭga.

1.

Io utila: tiu kondiĉo donas utilon al la ludonanto.

2.

Profito, avantaĝo: mi faras tion por via utilo; li ŝatas la belon kaj malŝatas la utilon; ni devas nin demandi, kian utilon la ŝanĝo alportus al la lingvo mem, kaj ĉu la utilo de la ŝanĝo kovrus la malutilon ^LR .

(ntr)

Esti utila; liveri utilon: ĉu tio utilus por vi, al vi? senĉesaj admonoj tute ne utilas^B ; ne ĉio utilas, kio brilas (frukto) ^PrV .

Eco de io aŭ iu utila: mi do estas plene konvinkita pri la utileco de via Asocio ^Paroloj ; tio estas malgranda plendeto kompare al la ĝenerala bona kvalito kaj utileco de la vortaro [1].

1.  ↝

Fari utila aŭ uzebla (ion senutilan aŭ ne destinitan por la koncerna uzo): ili konstruis fabrikon por utiligi la rubaĵojn; se la urbo havus plurajn lumbrikbredejojn, ĝi povus utiligi ĉirkaŭ trionon de sia rubaĵo kaj ricevi bonan sterkon [2]. recikligi

2.

Uzi, apliki, ekspluati ion, profiti el io por sia utilo (precipe se temas pri io ne speciale destinita por la koncerna uzo): li sciis utiligi eĉ la malvirtojn de siaj kolegoj [3]; ventmuelejo, ventmuelilo: Konstruaĵo, kie oni utiligas ventan energion ^HejmVort ; la esperantistoj apenaŭ utiligis por siaj celoj la Eŭropan Jaron de la Lingvoj [4].

Rim.: En la literaturo troveblas multe da okazoj, kie la vorto utiligi aperas anstataŭ la pli konvena kaj simpla „uzi“, ekz-e: oni ofte povas utiligi la riĉan vortfaran sistemon de Esperanto por mem krei taŭgajn vortojn [5] ‐ ĉi tio ŝajnas implici, ke per si mem la vortofara sistemo de Esperanto ne estas utila por la indikita celo (kion la aŭtoroj probable ne celis). [Sergio Pokrovskij]

Doktrino, kiu rigardas la utilon kaj profiton kiel nuran principon de konduto.

Malprofite uzebla; produktanta domaĝon aŭ difekton: malutila birdo, vermo, konsilo.

Io malutila: li fariĝas tiel potenca nur por nia malutilo; riĉeco konservata nur por la malutilo de ĝia propra mastro^Z malprofito, difekto, averio, vundo.

(ntr)

Esti malutila: kiu malŝatas bonan konsilon, malutilas al si mem^Z ; ĝi neniom malutilas.

Produktanta nenian utilon: senutila zorgo senfrukta, vana, superflua, balasto. draŝi, melki, kribrilo, tordi.