^*gast/o ^PV

1.

Vizitanto, amike kaj senpage akceptata de dommastro ĉe la hejmo aŭ ĉe la tablo: miaj fratoj havis hodiaŭ gastojn [1]; la edziĝa festo pleniĝis de gastoj [2]; en la kastelo estis granda societo, tie troviĝis multe da gastoj el la ĉirkaŭaĵo ^Fab3 ; en la nomo de la […] kongreso mi salutas la landon germanan, kies gastoj ni ĉiuj estas [3]; plurfoje ŝi estis atentata gasto ĉe Universalaj Kongresoj [4]; [li] malfermis la Ekspozicion la 17-an de novembro en la ĉeesto de pli ol 200 invititaj gastoj [5]; muŝoj sidis amase [sur] la pano, – kiu invitis vin? demandis la tajloreto kaj forpelis la trudemajn gastojn [6]; gast' en tempo malĝusta estas ŝtono sur brusto ^PrV ; se oni amas la gaston, oni zorgas la paston ^PrV ; gasto kiel fiŝo baldaŭ fariĝas malfreŝa ^PrV ; por gasto ne petita mankas kulero ^PrV ; (figure) lignaj vilaĝoj, kie la fajro estas ofte terura gasto; en la venonta tago estis venonta en la mondon mistera gasto: nova jaro ^Marta .

2.

Vizitanto kontraŭ pago akceptata en hotelo aŭ restoracio: la mastro de la gastejo […], iradis inter la gastoj, por vidi, ĉu ĉiu havas, kion li bezonas [7]; la gasto pagis sian kalkulon kaj kuŝiĝis [8]; en la vasta, drinkodora manĝejo la gastoj jam kolektiĝis [9]; la kelneroj kaj gastoj rigardas la sinjoron kun malaproba mieno [10]; la geedzoj ne forkuris kiel la aliaj hotelgastoj [11].

(ntr)

1.

Esti gasto: li gastas ĉe […] tanisto, kies domo estas apud la marbordo [12]; la sinjoro gastis du tagojn en la feliĉa lando, kie la ĝojo ŝajnis flori [13]; (figure) ĉu la artrito ne gastis en ĉiuj viaj membroj?; [14] li gastis (kiel gasto partoprenis) dum la unua konferenco de ĉiuj germanaj ambasadoroj [15]; venis preskaŭ 80 000 turistoj, kiuj gastis ĉe la 57 hoteloj [16].

2.

(pri evento) Okazi en iu loko laŭ tiea invito: la Zagreba Pupteatro gastis en majo 1970 en Danlando [17]; unuafoje en 1953 la postmilita UK gastis en neokcidenta lando [18]; ni nepre vizitis la prezentojn de la cirkoj, kiuj gastis en nia urbo [19]. turnei

Loko, ke oni akceptas gastojn² por manĝado, festado, tranoktado: [ili] haltis ĉe la gastejo Kimham, apud Bet-Leĥem [20]; ne estis loko por ili en la gastejo [21]; unu el la tiuepokaj gastejoj, speco de bierejo [22]; en la granda drinkĉambro de la gastejo estis tre multe da homoj [23]; la kelestro devis porti la vinon ĝis la pordo de la gastejo [24]; ne havis la gastejo ĝuste bonan reputacion ^RabistFab ; en tiu kvartalo troviĝis ankaŭ seso da gastejoj, grandaj kaj malgrandaj [25]; tiuj seminarioj kutime okazas en junularaj gastejoj [26]; mi loĝas en maristaj hejmoj kaj gastejoj [27]; la homoj kunvenis en kampara gastejo en plena naturo [28]; la elektitaj gastoj balkone de montgastejoj elradias kontentegon [29]; albergo, bierejo, ĉardo, drinkejo, knajpo, restoracio, taverno, hotelo, pensiono¹

1.

Akcepti kiel gaston: mi estis fremda, kaj vi gastigis min [30]; via patro gastigis min dum plena monato [31]; (figure) via koro estas nobla, […] kiajn ambiciojn vi en ĝi gastigas [32]; ni iru al mia nutristino kaj petu ŝian gastigon [33]. inviti, regali

2.

(pri evento) Inviti kaj okazigi en sia loko: Belgio gastigis tri Universalajn Kongresojn [34]; intertempe Antverpeno jam gastigis ok tiuspecajn festojn [35]; en la lando, kiu gastigis la olimpiajn ludojn, mi sentis min iom ekskludata de la entuziasmo [36].

1.

Tiu, kiu akceptas hejmen gaston: [li] invitas ilin sidiĝi ĉe la tablo de la gastiganto [37]; Kandid rakontis parton el siaj aventuroj al la gastigantino [38]; niaj gegastigantoj prefere restis hejme, ŝi por formeti la manĝilaron kaj li por legi siajn gazetojn [39]; ĉiuj ĝemeloj, kiuj festis sian naskiĝtagon, ricevis donacon de la gastigantoj de la festo [40]; Pasporta Servo nombras 1161 gastigantojn en 80 landoj [41]; krom la grekoj seniluziigis ankaŭ la teamoj de la gastigantoj Aŭstrio kaj Svislando, kiuj ne sukcesis transpasi la grupan fazon [42].

2.

Parazitato: same kiel por la bovaĵa kaj porkaĵa tenioj tiel ankaŭ por la sĥistosomoj la homo estas la ununura fina gastiganto [43].

Ŝatanta akcepti gastojn kaj afable trakti ilin: estu gastamaj unu al alia sen murmurado [44]; ni estas bonkoraj kaj gastamaj [45]; kun gastema malavareco estis riĉe zorgita pri ĉiu societa bezono [46]; gastigema urbo [47].

Volonta, plezura akceptado de gastoj: ne forgesu gastamon al nekonatoj [48]; bela urbo Bulonjo-sur-Maro […] bonvole oferis gastamon al nia kongreso [49]; niaj britaj samideanoj kun la plej granda laboremeco kaj gastameco preparis por ni belegan feston [50].

(ntr)

Provizore ekloĝi ĉe iu aŭ en io, iĝi ties gasto aŭ gastigata kliento: li engastiĝis en la plej bela hotelo [51]. En Lisbono mi engastiĝis ĉe miaj gepatroj [52].

Kiu ne volonte gastigas, ne akceptemas, estas malkomforta, malagrabla: (figure) negastama kaj dezerta lando ^Ifigenio ; mi ŝteliris en ĉi tiun negastaman intermonton [53]; [tiu] fakte kondamnas malgastemon kaj akaparemon [54]; tiuj regionoj estas malgastamaj al vivantaj estaĵoj [55].

Gastejo destinita al junuloj, favorpreza, simpla, plurlitĉambra: la lasta, 16-a seminario okazis […] 1973 en junular-gastejo de Darmstadt [56]; somerumado ĉe la kroata marbordo en junulargastejoj [57]; vespermanĝanta en aŭstra skiterena junulargastejo, kie loĝis 100 skiadlernemuloj [58].