^*vizit/i ^UV

(tr)

1.

Iri por vidi iun hejme kaj pasigi tie kelkan tempon: antaŭ tri tagoj mi vizitis vian kuzon [1]; mia najbaro ordinare vizitas min ĉiutage [2]; la murmurema kancelariano […] venis vizite kaj sidis sur la sofo [3]; Ŝimŝon vizitis sian edzinon, alportante kapridon, […] sed ŝia patro ne permesis al li eniri [4]; mi malsanis, kaj vi vizitis min [5]; mi esperas vin viziti travojaĝante [6]; ĉiun matenon la kuracisto vizitas siajn klientojn; li rondevizitis la vilaĝojn, instruante [7]; (figure) lin ne vizitas beno de l' prospero [8]; ho Eternulo, Dio Cebaot, Dio de Izrael, vekiĝu, por punviziti ĉiujn popolojn [9].

2.

Iri por vidi ion: teatramanto ofte vizitas la teatron [10]; viziti urbon, muzeon; viziti butikan kvartalon [11]; somere mia fratino kaj mi ofte estis ekzilitaj kamparen al la geavoj, dum la gepatroj vizitis Kongreson [12]; la konferenco estis bone vizitita; iri viziti tiun foran insulon kun la celo vidi propraokule tiujn imponajn bestojn [13].

3.

Vizitadi, frekventi: viziti lernejojn^VdE ; unu lernoservas ĉe lignaĵisto, kaj la dua vizitas lernejon ^Marta ; la universitaton vizitis ankaŭ generalo Grandt ^FK .

4.

Perrete uzi retejon, t.e. legi retpaĝojn ktp: se vi vizitas ties retpaĝojn, vi legos ĉion, kion seborganoj anoncas al la mondo pri sia „lando“ [14].

Por viziti: ŝi venis vizite por unu tago [15]; kiam ni tiel sidos kune, venos vizite la doma spirito, li kantos al vi ĉiujn kantojn de la paŝtistinoj [16]; ŝi estis vizite en unu altklasa domo en la urbo ^Fab3 .

Ago viziti: mia vizito faris al li grandan plezuron [17]; (figure) (frazaĵo) mizero faras viziton, ne atendante inviton ^PrV ; longa, mallonga vizito; kondolenca vizito; la svedoj jam multfoje kaj multnombre faris vizitojn en Polujon [18]; mi kun plezuro rememoras mian nelongan laboran viziton en tiun landon en majo de la 1997a jaro [19]; polica vizito al sindikato fariĝas „rutina“ en demokratia ŝtato [20]; venis la tempo de punvizito, venis la tagoj de repago [21]; rapida vizito al la angla Vikipedio instruis al mi […], ke por anglo „pudding“ estas sinonimo de „dessert“. [22].

(tr)

1.

Ofte aŭ regule viziti¹: mi vizitadis lin almenaŭ unu fojon ĉiujare [25]; ili vizitadis ŝin ĉiun nokton [26]; ĉiutage, vizitadante unuanime la templon, kaj dispecigante panon dome, ili prenis sian nutraĵon kun ĝojo kaj unueco de koro [27].

2.

Iradi regule ien, por tie lerni: ŝi devis vizitadi la lernejon kaj lerni kudri [28]; „la moroj de la mondo postulas“, ŝi diras, „ke infanoj nuntempe vizitadu gimnazion“ [29].

frekventi

Vojaĝeto por komerco, plezuro, aŭ edukado kiu havas serion de haltoj kaj ofte revenas al la komenco de la vojaĝo. Kutime ankaŭ ĝi estas gvidita per aŭ ĉiĉerono aŭ alia gvidilo. vizitado kun E-ĉiĉerono de mondfamaj vidindaĵoj de antikva Samarkando ktp. [30]; post la vizitado de Bydgoszcz kun E-ĉiĉerono, la kongreso estis inaŭgurita en la Vojevodia Kulturcentro. [31]; Krome, tiu informo taŭgos dum vizitado de bazilikoj en monaĥejoj, pri la plej famaj el kiuj temas en aparta ĉapitro. [32];

Iu, kiu vizitas: se iu vizitanto predikas alian Kriston, kiun ni ne predikis […], facilanime vi lin toleras [33]; Wygrycz leviĝis kaj, etendante al la vizitanto sian longan, ostan manon ^IK ; oni simple tiranis lin, kaj liaj ekzekutistoj estis vizitantoj de ĉiuj specoj kaj rangoj [34]; latunaj butonoj […] frotpurigitaj por la honoro de la vizitanto [35].

Tre vidinda, kurioza, impresa aŭ interesa: vizitindaj napolaj ĉirkaŭaĵoj: Pompejo kaj Herkulano, Vezuvio, kelkaj konataj insuloj kaj urboj [36]; Svislando estas lando bela, kiu estas vizitinda [37] vizitindas deko da cisterciaj kaj benediktaj abatejoj, kiujn la historio postlasis [38].

Viziti kiel fantomo; hanti: neniu volas ĝin loĝi, ĉar […] ĝi estas fantomvizitata [39]; ĉu vi eble havas kontakton kun la Ministerio de Fantomvizitaj Aferoj [40]?

Viziti sin reciproke: la du familioj […] sin intervizitis [41]; [oni] aranĝos intervizitojn de dividitaj familianoj [42].

Viziti por kontroli: ĉu estas rekomendinde, ke oni havu […] sian fid-kardiologon? kaj kiom ofte oni devus fiksi fakan kontrol-viziton [43]? inspekti, revizii¹, rundi

Vizito kadre de sia laboro: la ĝenerala direktoro de UEA, Osmo Buller, faris laborviziton al la Pariza sidejo de Unesko [44]; Zagreba vicurbestro Mladen Vilfan akceptis Konstantan Kongresan Sekretarion Nikola Raŝiĉ okaze de ties laborvizito al Zagrebo [45].

Multnombre viziti: urbo multevizitata [46]; la litovoj amasvizitas siajn preĝejojn nur dum la tago de la mortintoj, Kristnasko kaj Pasko [47]; [la placo] ornamita de multaj florbedoj, altaj arboj kaj dudeko da benkoj por la promenantoj, estas ĉiam multvizitata, precipe de infanvartistoj kun infanoj [48]. frekventi, vizitadi

Viziti por peti: ĝena aro da […] klientoj aŭ petvizitantoj [49]. almozi, kvesti

Viziti por puni: jen Mi punvizitos ilin, la junuloj mortos de glavo, iliaj filoj kaj filinoj mortos de malsato [50]. hanti

Virtuale viziti tra Interreto: kroma programo konsistis el sportaj kaj kvizaj konkuroj, retvizitoj al kvazaŭlernejo „Tibor Sekelj“ [51]; la moderna „Stratvido“ de Guglo enretigas la rezulton de sia fotado, ebligante tridimensian ret-viziton al multaj anguloj de la mondo [52]. navigi², retumi

Viziti plurajn lokojn sinsekve: li rondevizitis la vilaĝojn, instruante [53]. cirkuli^1.c, turneirondvojaĝi

Oficiala vizito de reprezentantoj de unu ŝtato al alia: ŝtat-vizito de la usona prezidanto George Bush al Britio [54].