^*drink/i ^UV

(tr)

Trinki ebriigaĵon por plezuro aŭ memforgeso aŭ ceremonie ktp: ĉesu, Doĉjo, drinki la malbenitan vinon, ĝi ja pereigis vin [1]! [li] drinkis ĝis ebrieco [2]; la festenestro alvokis la fianĉon kaj diris al li: ĉiu homo prezentas unue la bonan vinon kaj kiam oni jam drinkis tiam la malpli bonan [3]; ŝi drinkis iom super la soifo [4]; (figure) sangon vi drinkas kiel akvon, homaj vivoj ne havas sur via mortigista ponardo eĉ la pezon de aera veziko [5]; [jen] stertoris Steĉjo sentante sin riĉigata je nova postdrinka simptomo: al li ŝajnis, ke la planko apud la lito ien foriĝis [6]; drinki kiel funelo ^PV ; kia ofero, devi drinki bieron por la sano [7]!!! en tiuj pasintaj multaj jaroj ni aŭdis pri neniu kriŝnano, kiu uzas aŭ vendas drogojn, fumas, drinkas alkoholon [8]; mi iras al taverno kaj drinkas tekilon, aŭ ĝinon sen toniko [9]; drinku tutajn tagojn, sed kontrolu viajn agojn ^PrV . diboĉi, fumi

Rim. 1: Do, se gasto diris „mi trinkas nur akvon“, tio normale implicas ke li ne trinkas alkoholon, teon, kafon ktp, sed se li diris „mi drinkas nur vinon“ oni ja povas krome proponi al li teon aŭ kafon – sed ne brandon aŭ bieron.

Rim. 2: PIV2 precizigas, ke drinki estas „trinki alkoholaĵon en nemodera kvanto“. Tio ŝajnas troa: supozeble ĉe la edziĝfesto en la Kana Galilea ne temis pri maldecaĵoj, kaj la vorto „drinkejo“ ne neprigas tion. [Sergio Pokrovskij]

Ebriiga, alkoholenhava trinkaĵo: pastro kaj profeto ŝanceliĝas de drinkaĵo, senkonsciiĝas de vino [10]; festenoj okazis, kaj tiam oni ŝparis nek manĝon nek drinkaĵon [11]; la delikata bonodoro de la floroj ebriigis ŝin kvazaŭ drinkaĵo ^Marta .

Trinkejo de alkoholaĵoj: la metiistoj en la drinkejoj kaj stratoj insultis la pastrojn [12]; i ennestiĝas en kafejoj, bordeloj, drinkejoj, vi spionas, sondas, kiu plej multe krias pri la malkara tempo [13]; vi volas forlasi min, por foriri en la drinkejon [14]; de frua mateno ĝis malfrua nokto li pasigadis la tempon en la drinkejo, kaj ĉion, kio enfalis en liajn manojn, li forportadis al la drinkejmastro [15]; kamparano volonte ŝtelus de si mem, por sin veneni en la drinkejo [16]. bierejo, knajpo, taverno, vinejo

Iu, kiu preparas kaj prezentas drinkaĵojn en drinkejo: mi ne havas fratojn inter drinkejistoj [17]! Antaŭ ĉiu jam ŝaŭmis kaliko griz-branda, ⫽ Drinkejistin’ kuradis kun botelo granda [18]; la drinkejistoj rifuzas ilin servi [19].

Homo, kiu volonte drinkas: drinkemulo kaj manĝegemulo malriĉiĝas [20]; vi konsideras min kiel ordinaran drinkulon, sed vi eraras [21]; Nur maljuna drinkulo, kiu brogis tute ⫽ Intestojn, por drinkaĵo sentas abomenon [22]; kantado de drinkuloj, insultado, ridego kaj fajfetanta harmoniko ^Metrop ; homo saĝa estas aŭ drinkemulo, aŭ li faras tiajn fizionomiojn, ke oni devas elporti la sanktulojn el la domo [23]; suferoplenan vivon kun brutala, nekorektebla drinkemulo [24]; ne pekas drinkulo, pekas ebriulo ^PrV .

(tr)

Perdi, forigi per drinkado: en tiu ĉi jaro li jam havis tempon fordrinki sian tutan havon kaj la havon de sia edzino [25]. mil diabloj! kie estas la kafo, Pippip? ĉu vi jam denove ĉion fordrinkis [26]? fordrinki sian ĉagrenon.