^*etern/a

1.

Havanta nek komenciĝon nek finiĝon: la eterna Dio [1]; Epikuro supozis eternajn atomojn; eterna eterneco [2]; validas la eterna regulo: se fermiĝas vojo, alia malfermiĝas [3]. konstanta¹, senŝanĝa

2.

Havanta neniun finon: inter ili komenciĝis eterna milito [4]; la eterna dormo (morto); Mi donos ĉi tiun landon al via idaro post vi kiel eternan posedaĵon [5]; tio estas la signo de la interligo, kiun Mi metas inter Mi kaj inter vi […] por eternaj generacioj [6]; punitaj per blindeco eterna [7]; eterna feliĉo [8]; vi produktis en viaj retortoj la eliksiron de la eterna juneco [9]; ŝi eble kun granda ĝuo fermus la okulojn por eterna dormo, en kiu la kredo promesis al ŝi kuniĝon kun tiuj, pri kiuj sopiris ŝia vundita koro ^Marta ; eternigi diskutadon, ies nomon, ies virtojn; pentraĵoj, fotoj aŭ skulptaĵoj estas la eblaj rimedoj por eternigi la momentojn, kiuj devas esti konstante memorigataj [10]. ĉiama, senĉesa, senfina

3.

Tia, ke ĝian finon oni ne antaŭvidas: la tuta eterna problemo estos tuj plene solvita [11]; homo de eterna gajeco, de eterna ridado ^Marta ; mi estis preta iĝi nura […] probable eterna komencanto [12]; la eterna Urbo (Romo); alte trans la grandajn montojn, sur kiuj kuŝas eterna neĝo [13]; kiam li pretigas la vespermanĝon [li] atendas de vi eternan dankemon [14]. daŭra, longdaŭra

efemera, maldaŭra, pasema

Sen tempa limo, almenaŭ laŭ homa vidpunkto: por eterne [15] (senfine); en la daŭro de multaj miljaroj […ili] eterne bataladis inter si [16]; ŝi falis por eterne en la teruran nokton de la atendoj [17]; la vivo de virino estas eterne brulanta flamo de amo, diras unuj [18]; ĉu vi volas do eterne funebri [19]? nek ĝojo nek malĝojo daŭras eterne ^PrV . daŭre²

Alnomo de la hebrea dio en Biblio (iam absolute kaj monoteisme, iam kontraste al la nomoj de aligentaj dioj): kiam Dio la Eternulo faris la teron kaj la ĉielon [20]; kiam la tuta popolo tion vidis, ili ĵetis sin vizaĝaltere, kaj diris: La Eternulo estas Dio, la Eternulo estas Dio [21]; kaj ili forlasis la Eternulon, kaj servis al Baal kaj al Aŝtar [22].