tradukoj: be ca de en fr hu it nl pt ru

^*ŝpin/i

^*ŝpini

1.

Kuntordi kanabon, linon aŭ alian fibraĵon, por formi fadenojn: malriĉa kamparano sidis ĉe la fajrujo ... kaj lia edzino sidis kaj ŝpinis [1]. (figure) la kato komencis ŝpini (kontente murmuri bruante simile al radŝpinilo) [2].

2.

(figure) Zorge kaj malrapide kombini: planojn li ŝpinis en sia kapo [3]; ŝpinadi aerajn fantaziojn; ŝia buŝo ŝpinis la longajn fadenojn de fantaziaj rakontoj [4].

ŝpinilo

Ĉia aparato por ŝpini: murmuri kiel ŝpinilo [5].

radŝpinilo

Ŝpinilo el rado, kiun oni movas per pedalo kaj kiu servas por tordi kaj fadenigi fibrojn: granda kiel radŝpinilo [6].

ŝpinturnilo

Ŝpinilo el bastoneto, kies unu ekstremo tenas implikon da fibroj de kanabo, lino, silko aŭ simila, kiujn oni iom post iom tiras kaj torde fadenigas: ŝiaj fingroj tenas la ŝpinturnilon [7].

ĉirkaŭŝpini

Ŝpini ion ĉirkaŭ: anasirantaj araneoj ĉirkaŭŝpinis iliajn piedojn per miljaraj teksaĵoj [8].

sukerŝpinaĵo

Dolĉaĵo el sukerfadeno volvita ĉirkaŭ bastoneto: multe vendiĝis sukerŝpinaĵoj kaj balonoj [9].