tradukoj: be cs de en es fr hu it nl ru sk sv

^*salt/i ^PV

^*salti  ↝

1.  ↝

Rapide sin levi tutkorpe de tero per puŝo de kruroj kaj refali sur saman lokon aŭ pli malproksimen: kiu tro rapide saltas, tiu baldaŭ haltas ^PrV ; la montoj saltis kiel ŝafoj, montetoj kiel ŝafidoj [1]; ŝi saltis posten kun teruro^B ; sur la vojo saltadis [...] infanoj [2]; li saltis [...] en la veturilon [...] kaj forveturis [3]; birdoj saltadis de branĉo sur branĉon[4]; salte leviĝi de la kanapo[5]; saltleviĝi[6]. danci

2.  ↝

(io) Rapide moviĝi diversflanken: la ondoj saltis furioze sur la krutaĵon^B ; fajreroj saltas ĉirkaŭen [7], el sub la hufoj^B ŝia mantelo saltadis en la aero kiel granda velo de ŝipo[8] ruliĝi

3.

(figure) (iu) Rapide senpere pasi de iu afero al alia tute malproksima kaj diferenca, ne sin okupante pri la interaj aferoj: estas mirinde, kiajn pensajn saltojn oni povas fari[9]; fari salton en la historio (transiri senpere de iu tempo al alia malproksima tempo); la evoluo de la arto ofte faras saltojn de unu ekstremo ĝis la alia; flankensalti el la logiko.

4.

(figure) (iu) Intence preterlasi: la tedita leganto saltas super la moralpredikantajn paĝojn.

5.

(figure) (pri kvanto) Subite kreski: la nombro de la kongresanoj saltis dum unu monato de 300 ĝis 800; la gradoj de varmo saltis de 8 ĝis 25.

salto  ↝

Subita sinlevo en aero kaj refalo: sin prepari por salto [10]; per kelke da saltoj li transpasis la ŝtuparon^Z ; pro raviteco li faris transkapiĝan salton [11]; la ĉevalo ... post kelkaj saltoj deĵetis sian rajdanton en foson [12].

desalti

Salti de alte: la rajdanto desaltis teren.

dissalti  ↝

(io) Rapide disrompiĝi: dissaltos la obstinaj baroj [inter la popoloj][13]; dissaltigi la malnovajn katenojn de la spirito^Z .

eksalti

Subite salti: eksalti de ĝojo [14]; eksalti de surprizo [15]; muelejo haltas, muelisto eksaltas ^PrV (subite skuiĝas pro forta emocio).

elsalti

Subite kaj rapide eliri aŭ eliĝi: hoko elsaltis, afero haltis^PrV ; kio el la dentoj elsaltas, en la lipoj ne haltas ^PrV ; ni ne povas elsalti el nia propra haŭto (naturo).

elsaltulo  ↝

Homo, kiu rapide riĉiĝis aŭ range plialtiĝis; novriĉulo, parvenuo.

ensalti

Salti al la interno de...: tiu viro, kiu ensaltis la kanalon por savi infanon, ne unue demandis sin, al kies familio ŝi apartenas [16].

forsalti

Rapide dekliniĝi: ne forsaltu de mia komisio^Z .

resalti  ↝

Salti aŭ esti rapide resendita de iu loko al alia: mi estas nur la centra punkto, en kiu kolektiĝas ĉiuj gratuloj por resalti de tie al ĉiuj flankoj de la mondo^Z .

transsalti

Transpasi saltante: transsalti muron^Z ; transsalte senhalte (nur pasante) ^PrV ; ni povas transsalti (preterlasi) la sekvantan tagon^Z .