tradukoj: be bg br ca cs de en es fa fr hu id ku nl oc pl pt ro ru sk sv tp tr vo zh

*mon/o PV

*mono  

EKON Ĉia rimedo, ĝenerale agnoskata kiel interŝanĝilo aŭ pagilo: aĉetita per mono [1]; mi donas monon por la kampo [2]; plena sumo da mono [3]; mi donos al vi panon pro viaj brutoj, se vi jam ne havas monon [4]; tridek sikloj da mono devas esti pagitaj [5]; li perdis sian dungomonon [6]; li pagu tiom da mono, kiom virgulinoj ordinare ricevas dote [7]; donante al li monon, ne postulu de li procentojn [8]; por la mono pastra preĝo, por la mono romp' de leĝo PrV; investi monon en ventomuelilaj projektoj [9]; kolekti monon por helpi malsanajn infanojn [10]; li malavare disdonis monon el nigraj kasoj kaj kontoj [11]; la grandaj partioj […] tro facile monon kaj ne povis imagi, ke korupteco estus io malbona [12]; nek la ŝtato nek la asekuraj kompanioj havas sufiĉe da mono por pagi tiom da pensioj [13]. VD:kesto, oro, sako

mona  

EKON Rilata al mono: mona unuo; monaj aferoj IK ; monaj interesoj; ĉi tiu ora ŝildo, inkrustita per multekostaj ŝtonoj, havis, krom granda mona valoro, forton de l' amuleto [14]; komercistoj ― por ili la tuta vivo estas bazita sur la mona profito [15]; [li] ĉiam sin trovadis en mona embaraso FK ; al miaj oficistoj mankas monaj rimedoj, kiujn ne povas plu liveri mia malriĉiĝinta trezorejo [16]; tiu nivelo de kreskado eblos nur pro ĝia libera mona politiko [17]. VD:financa

monero  

EKON Aparta peco de metala mono: centimo, pfenigo kaj kopeko estas moneroj [18]; dudek arĝentaj moneroj [19]; punpago de cent arĝentaj moneroj [20]; en sia dekstra poŝo li portis la papermonon […] kaj en leda saketo sur la brusto li havis kelke da alkudritaj oraj moneroj [21]; sen la kupraj moneroj, kiujn oni ĵetas al li, […] la kantisto de Luziado devus morti de malsato [22]; du flankoj de la sama monero [23]; unu monero ne estas mono PrV ; oni lin konas kiel malbonan moneron PrV ; havi provizojn de eŭro-moneroj [24]; li enĵetis ĝustan moneron, sed la aŭtomato ne reagis, eĉ ne redonis la monon [25]; antikvaj moneroj [26]; eldono de moneroj kaj monbiletoj [27]; monerstampejo [28]; monerigi ĉekon.

monereto

EKON Malgrandvalora monero: malferminte denove sian monujon, ŝi kalkulis la moneretojn, kiuj restis en ĝi post la faritaj aĉetoj Marta ; monereto de feliĉo BdV .

*monujo  

Poŝo aŭ saketo destinita por kunporti monerojn: en la poŝo de mia pantalono mi portas monujon [29]; la vidvino metis la manon en la poŝon kaj eltiris monujon, kiu enhavis kelke da monpaperetoj Marta; Tolstoj haltis kaj donis el sia monujo du arĝentajn monerojn [30].

senmona  

Ne havanta monon: kiam la poeto Paul Verlaine estis senmona kaj tamen soifa, la kelneroj en la latina kvartalo akceptis porpage ĵus verkitan versaĵon [31]; meditoj pri senmonaj tempoj [32]; liaj lastaj vivojaroj pasis en instituto por senmonaj maljunuloj [33]; senmonaj studentoj kelkfoje ŝtele enbusiĝas por eviti aĉeti bileton [34].

senmonigi  

Senigi je mono: tute senmonigis min infanteria kapitano, tiel, ke la hotelmastro volis jam meti min en malliberejon [35]; maksimumfilatelo ― nova maniero senmonigi la filatelistojn [36]. VD:elsuĉi, senhavigi

elaĉeta mono

Monsumo donata kiel kompenso por liberigo de ostaĝo: liaj amikoj kolektis grandajn sumojn, ĉar preskaŭ nekredebla estis la elaĉeta mono, kiu estis postulata [37]; se la dediĉinto volos elaĉeti sian domon, tiam li aldonu kvinonon de la mono [38]; leĝo koncerne forrabon de libereco kun aŭ sen postulo de elaĉeta mono [39]; pro la fakto, ke Priklopil ne postulis elaĉetan monon, li povus esti kondamnita laŭ la nun valida leĝo al maksimume dek jaroj da malliberigo [40].

Internacia Mona Fonduso (IMF)  

ManPol
EKON Speciala organizaĵo de Unuiĝintaj Nacioj, kiu kontrolas la internacian valutosistemon kaj provas ekvilibrigi la kreskadon de la monda komerco: en Prago okazis la 55a jarkunsido de Internacia Mona Fonduso kaj de Monda Banko (MB), kun kunvenoj de ministroj pri financo, fakaj seminarioj, prelegoj, konferencoj, ktp. [41]; Internacia Mona Fonduso (IMF) kaj Monda Banko (MB) altrudadis al malriĉaj landoj „politikon de strukturaj reformoj” [42].

poŝmono

Mono donata al iu, ekzemple al infano, por ĉiutagaj malgrandaj elspezoj: mi eĉ ricevis ĉiusemajne poŝmonon [43]; li postulis ke ŝi […] redonu la monon al la panjo, repagante ĉiusemajne unu pencon el sia poŝmono [44]; por kelkaj, sendube, parlamenta salajro signifas nuran poŝmonon [45].

restmono

Mono, kiun oni rericevas post pago de tro granda sumo, ekz. paginte per monbileto, rericevante monerojn: komenciĝos transira periodo, kiam en la lando oni povos pagi per du valutoj, tamen restmono estos redonata nur en eŭroj [46].

ŝparmono

Mono kolektata por pli posta uzo: centoj da familioj seniĝis je sia tuta ŝparmono [47]; tiel alta estas la geedziĝa konsumo, ke per sia propra ŝparmono la novgeedzoj ne povas ĝin kovri [48]; ŝparmonujo [49].

trinkmono

Mondonaco al servisto, kelnero ktp: portu pacience la ŝarĝon, kiam ni venos hejmen, mi donos al vi bonan trinkmonon [50]; al la alportanta servanto li neniam donadis trinkmonon FK ; popularas tamen kelnerado (pro trinkmono) [51].

monaŭtomato

Aparato kiu permesas elpreni kontantan monon: en oktobro [1993] estis solene inaŭgurita en moskva hotelo Metropolj la unua rusa monaŭtomato [52]; kelkaj monaŭtomatoj ne plu funkcias, kaj antaŭ aliaj staras longaj homvicoj [53].

monavida  

Tre deziranta monon en ĉiuj cirkonstancoj: la Fariseoj ankaŭ, kiuj estis monavidaj, aŭdis ĉion tion, kaj ili lin mokis [54]; skandaloj pro […] degenerinta viando, kiun, spite al danĝero por sano de homoj, monavidaj kapitalistoj vendis [55]; profiti daŭre vendante novajn kartoĉojn ŝajne ankoraŭ ne sufiĉas por la monavida industrio, oni trompas la klientojn vendante ne tute plenajn kartoĉojn [56]. VD:avara, mamono.

monfalsisto

EKON Tiu kiu fabrikas kontraŭleĝe senvaloran monon, kiu trompe imitas la oficialan: Peter Ritter von Bohr (1773–1847), aŭstra pentristo entreprenisto kaj monfalsisto [57]; William Chaloner – sukcesa brita monfalsisto, kondamnita de Isaac Newton kaj pendumita [58].

tradukoj

anglaj

~o: money; ~a: monetary, pecuniary; ~ero: coin; ~ujo: wallet, handbag, purse; sen~a: broke; elaĉeta ~o: ransom; Internacia M~a Fonduso: International Monetary Fund, IMF; poŝ~o: pocket money, allowance; rest~o: change; ~aŭtomato: ATM, hole in the wall, cashpoint; ~avida: greedy; ~falsisto: counterfeiter.

belorusaj

~o: грошы; ~a: грашовы; ~ero: манэта; ~ereto: дробная манэта; ~ujo: каліта, кашалёк; sen~a: безграшовы; Internacia M~a Fonduso: Міжнародны валютны фонд, МВФ; ~falsisto: фальшываманэтчык, падробшчык грошаў.

bretonaj

~o: arc'hant, moneiz; ~a: -arc'hant, moneizel; ~ero: pezh moneiz; ~ereto: moneiz bihan; ~ujo: doug-moneiz; sen~a: diarc'hant; Internacia M~a Fonduso: Font Moneizel Etrevroadel, FME; ~falsisto: falsvoneizer.

bulgaraj

~o: пари; ~ero: монета; ~ujo: портмоне; elaĉeta ~o: откуп.

ĉeĥaj

~o: peníze; ~a: měnový, peněžitý, peněžní; ~ero: drobné mince, mince, peníz; ~ujo: peněženka; sen~a: nesolventní; ~falsisto: padělatel peněz, penězokazec.

ĉinaj

~o: 钱 [qián], 金钱 [jīn qián]; ~ujo: 钱包.

francaj

~o: argent, monnaie; ~a: monétaire; ~ero: pièce de monnaie; ~ereto: petite monnaie, piècette; ~ujo: porte-monnaie; sen~a: désargenté, sans-le-sou; sen~igi: dépouiller, détrousser; elaĉeta ~o: rançon; Internacia M~a Fonduso: Fonds Monétaire International, FMI; poŝ~o: argent de poche; ~avida: cupide, intéressé (par l'argent); ~falsisto: faux-monnayeur.

germanaj

~o: Geld; ~a: Geld-; ~ero: Münze, Geldstück; ~ereto: kleine Münze, kleines Geldstück; ~ujo: Geldbeutel, Geldtasche, Brieftasche, Portemonnaie; sen~a: abgebrannt, pleite; sen~igi: um sein Geld bringen, das Geld aus der Tasche ziehen, abzocken, berauben; elaĉeta ~o: Lösegeld; Internacia M~a Fonduso: Internationale Währungsfonds, IWF; poŝ~o: Taschengeld; rest~o: Wechselgeld, Restgeld; ŝpar~o : Spargeld; trink~o : Trinkgeld; ~aŭtomato: Geldautomat; ~avida: geldgierig; ~falsisto: Geldfälscher, Fälscher. ŝparmonujo: Sparbüchse.

hispanaj

~o: dinero; ~a: monetario; ~ero: moneda; ~ujo: monedero; elaĉeta ~o: rescate; Internacia M~a Fonduso: Fondo Monetario Internacional, FMI; rest~o: cambio, vuelta; ~falsisto: falsificador.

hungaraj

~o: pénz; ~a: pénz-, pénzügyi, monetáris; ~ero: pénzérme; ~ereto: aprópénz; ~ujo: erszény, pénztárca; sen~a: pénztelen; sen~igi: pénzétől megfoszt; Internacia M~a Fonduso: Nemzetközi Valutaalap, IMF; ~avida: pénzéhség; ~falsisto: pénzhamisító.

indoneziaj

~o: uang; ~ero: uang receh; ~ujo: dompet; Internacia M~a Fonduso: Dana Moneter Internasional, IMF.

katalunaj

~o: diners.

kurdaj

~o: pere, draf.

nederlandaj

~o: geld; ~a: geld-, monetair; ~ero: muntstuk, munt; ~ujo: portemonnee; sen~a: blut; sen~igi: van zijn/haar geld beroven; elaĉeta ~o: losgeld; Internacia M~a Fonduso: Internationaal Monetair Fonds, IMF; poŝ~o: zakgeld; rest~o: wisselgeld; ~aŭtomato: geldautomaat; ~avida: gierig, geldzuchtig; ~falsisto: valsmunter.

okcitanaj

~o: argent.

persaj

~o: پول; ~a: پولی; ~ero: سکه; ~ereto: پول خرد; ~ujo: کیف پول; sen~a: بی‌پول; elaĉeta ~o: فدیه; Internacia M~a Fonduso: صندوق بین‌المللی پول; ~avida: پول‌پرست، پول‌دوست; ~falsisto: جاعل (سکه، اسکناس).

polaj

~o: pieniądze; ~a: pieniężny; ~ujo: portfel, portmonetka; Internacia M~a Fonduso: Międzynarodowy Fundusz Walutowy.

portugalaj

~o: dinheiro; Internacia M~a Fonduso: Fundo Monetário Internacional, FMI.

rumanaj

~o: ban.

rusaj

~o: деньги; ~a: денежный; ~ero: монета; ~ereto: мелкая монета; ~ujo: кошелёк, портмоне; sen~a: безденежный; elaĉeta ~o: выкуп; Internacia M~a Fonduso: Международный Валютный Фонд, МВФ; ~falsisto: фальшивомонетчик.

slovakaj

~o: peniaze; ~a: peňažný; ~ero: minca, peniaz; ~ujo: peňaženka; sen~a: bez peňazí; ~falsisto: peňazokaz.

svedaj

~o: pengar; ~ero: mynt.

tokiponaj

~o: mani.

turkaj

~o: para; ~ujo: cüzdan.

volapukaj

~o: mon.

fontoj

1. trad. L. L. Zamenhof: La Malnova Testamento, Genezo 17
2. trad. L. L. Zamenhof: La Malnova Testamento, Genezo 23:13
3. trad. L. L. Zamenhof: La Malnova Testamento, Genezo 23:9
4. trad. L. L. Zamenhof: La Malnova Testamento, Genezo 47:16
5. trad. L. L. Zamenhof: La Malnova Testamento, Eliro 21:32
6. trad. L. L. Zamenhof: La Malnova Testamento, Eliro 22:15
7. trad. L. L. Zamenhof: La Malnova Testamento, Eliro 22:17
8. trad. L. L. Zamenhof: La Malnova Testamento, Levidoj 25:37
9. Monato, Roland Rotsaert: Verda nature, science, socie
10. Monato, Pollando: Kiam orkestro fariĝas orkesto
11. Monato, Stefan Maul: Germanio: Pekoj de patriarko
12. Monato, El mia vidpunkto
13. Monato, Pensoj pensiaj
14. B. Prus, trad. Kazimierz Bein: La Faraono, vol. 1, Ĉapitro XVII
15. B. Prus, trad. Kazimierz Bein: La Faraono, vol. 1, Ĉapitro XVIII
16. B. Prus, trad. Kazimierz Bein: La Faraono, vol. 3, Ĉapitro XIII
17. Monato, Lenio Marobin: Ekonomia fato
18. L. L. Zamenhof: Fundamento de Esperanto, Ekzercaro, § 41
19. trad. L. L. Zamenhof: La Malnova Testamento, Genezo 37:28
20. trad. L. L. Zamenhof: La Malnova Testamento, Readmono 22:19
21. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
22. H. C. Andersen, trad. L. L. Zamenhof: Fabeloj, vol. 3, Dorna vojo de la honoro
23. Monato, Boris Kolker: Diskutige kaj diskutinde
24. Monato, LAST: Planoj de la litova monerstampejo
25. Monato, Franz-Georg Rössler: La unua nokto
26. Monato, Laimius Stražnickas: Kolekti antikvaĵojn
27. Monato, Lawrence Mee: La stelo
28. Monato, LAST: Planoj de la litova monerstampejo
29. L. L. Zamenhof: Fundamento de Esperanto, Ekzercaro, §40
30. V. Langlet: Vojaĝimpresoj, 1895
31. Raymond Schwartz: La Stranga Butiko
32. Raymond Schwartz: La Stranga Butiko
33. Monato, W. M. A. de Smet: Edward Croegaert, la forgesita lingvokreanto
34. Monato, Mu Binghua: Busaj servoj plibonigendaj
35. N. V. Gogol, trad. L. L. Zamenhof: La Revizoro, Akto kvina
36. Monato, Filatelo: VIPE 2000, aŭ ĉu la poŝtmarkoj malaperos?
37. H. C. Andersen, trad. L. L. Zamenhof: Fabeloj, vol. 3, Juda knabino
38. trad. L. L. Zamenhof: La Malnova Testamento, Levidoj 27:15
39. Monato, Evgeni Georgiev: Postulataj: pli severaj punoj
40. Monato, Evgeni Georgiev: Postulataj: pli severaj punoj
41. J. Patera: Post la kunsido de financistoj en Prago, Monato, 2001:01
42. Monato, Josef Mendl: De la tria Eŭropa al la kvina Monda Sociala Forumo
43. Emil: Decidema mi ĉiam estas, en: Vivprotokoloj, 2009
44. Monato, Albisturo Kvinke: Sekretoj de la konfesejo
45. Monato, Paul Gubbins: Unu regulo por riĉuloj, dua regulo por malriĉuloj
46. Monato, last: Lido foriras, eŭro alvenas
47. Monato, Bardhyl Selimi: Disdivido de la oro
48. Monato, Mu Binghua: Geedziĝoj stimulas konsumon
49. H. C. Andersen, trad. L. L. Zamenhof: Fabeloj, vol. 3, Ŝparmonujo
50. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Paŝtistino de anseroj apud puto
51. Monato, Julius Hauser: Batalo por la studontoj
52. Monato, Malkopiilo
53. Monato, Dmitrij Cibulevskij: Lando senregada
54. La Nova Testamento, Luko 16:14
55. Monato, Stefan Maul: Kapitalista moralo
56. Monato, Lode Van de Velde kaj Roland Rotsaert: Konsumantoj agitiĝas kaj konsciiĝas
57. Vikipedio, Bohr
58. Vikipedio, Monfalsado


ℛevo | datumprotekto | mon.xml | redakti... | traduki... | artikolversio: 1.61 2018/01/03 23:10:14