³blok/o ^JED

1.

Peza, unupeca maso da materio: tie kuŝis grandaj blokoj da roko, ĉirkaŭkreskitaj de musko [1]; li devis rampi trans grandajn blokojn da ŝtono, kie la akvo trasorbiĝadis el la alta musko [2]; ŝtofbloko; [ŝi] disvolv[is] antaŭ la okuloj de la du aĉetantaj virinoj unu el la blokoj da ŝtofo ^Marta ; lignobloko (vd ŝtipo, stumpo); memfida kaj firma kiel granita bloko (aplomba, neŝancelebla) ^HsT . barikado, kompleksa, masiva, peco¹, ŝtipo

2.

Kune muntita aro da aparatpecoj, facile demetebla kaj anstataŭigebla: nutrobloko. aranĝaĵo, modulo, organo^1.c

3.

Paperfoliaro malfirme kunigita ĉe unu flanko: Lapenna-poŝtmarko aperinta en 2009 […] estas daŭre aĉetebla ĉe la libroservo de UEA: unu bloko de 10 markoj kostas 5,50 EUR [3]. broŝuro, kajero, oktavo²

4.

Kohera tekstparto de strukturita dokumento, de paĝaranĝo, de komputila programo: oni voĉdonos ne bloke, sed por ĉiu unuopa artikolo ^EeP . alineo¹, alkadrigi, paragrafo¹

5.

Koalicio de pluraj saminteresaj partioj aŭ ŝtatoj: malvarma milito kun du malamikaj blokoj ^EeP ; la kreo de aliancoj aŭ blokoj estas neevitebla sekvo de tia sistemo, ĉar se mankas unu supera senpartia protekto, la diversaj ŝtatoj emas serĉi alian protekton, pli partian, malpli perfektan, laŭ sia geografia situacio aŭ ideologia prefero ^FSp . alianco, konfederacio

(tr)

1.

Bari per bloko(j): kiam la ligna barilo estis flankenŝovita, nenio blokis mian superrigardon al la suba deklivo [4]; ŝi ne povis klarigi pli, kvazaŭ klapo fermiĝis ie sur la spirvojo kaj ŝia voĉo blokiĝus ^ChR ; (figure) li donis ordonojn por bloki ĉiujn elirejojn ^ChR ; (figure) por eviti, ke la rigardantoj bloku la aleon, ni movis la tablon malantaŭen ^KrM . barikadi, obstrukci, ŝtopi

2.

Blokadi: la Sekretariato mem blokis la Proponon kontraŭe al la Ĉarto kaj al la Procedura Regularo de UN ^EeP .

Forigi barajn blokojn, forigi obstaklon, malbari: la Eŭropa Komisiono malblokos la pagon de pli ol 36.000 milionoj da eŭroj al Pollando [5].

Bloko¹, ĝenerale kvarangula grupo de domoj sen interaj liberaj spacoj: Parvenua magnato konstruigis iam en la kvindekaj aŭ sesdekaj jaroj ĉiujn kvartalajn domblokojn senfenestraj por eviti pli altan koston ^MMa ; ĉe la angulo de la dombloko […] oni povis aĉeti la plej diversajn manĝaĵetojn [6]; je distanco de duona dombloko la policisto vidis viron kurantan por atingi tramon [7].

Bloko³ da neuzitaj paperfolioj, sur kiuj oni povas skribi kaj kiujn oni povas unuope deglui aŭ deŝiri: ŝi vizitis sian loĝejon kaj prenis viŝtukon, makintoŝon kaj paperblokon [8]; la stenografia kopio [estas] sur notbloko en mia oficejo ^ChV ; paperfolieto elŝirita el la notbloko ^MkM .

1.

Parto de meĥanismo, konsistanta el unu aŭ pluraj ruloj aŭ radoj kune kun sia lagro: telekso-maŝino […] similis al skribmaŝino, ĉar ĝi havis klavojn por entajpi tekston kaj paperon sur rulbloko el kiu oni laŭbezone deŝiris grandan aŭ malgrandan folion post ricevo aŭ forsendo de teksto [9].

2.

Unu aŭ pluraj pulioj kun sia ujo (parto de takelo): [la bordoj] estas kunigitaj per ŝnuro, sur kiu glitas la rulbloko de la [pram]ŝipo [10]; ili suprentirus, per rulbloko kaj ŝnuro, bovinon ĝis la hedero kaj ĝi ja manĝus la malbenitan kreskajon [11].

durada rulbloko
CC BY-SA 3.0  [12]

Bloko³ el paperfolioj por skizado, desegnado: en la lernejo estis ĉambro ... plena de uzitaj lernejanaj kajeroj, skizblokoj ktp [13]; li rimarkis belan fraŭlinon, solan, kiu fiksrigardis la malaltajn kupolojn ĉirkaŭ la moskeo kaj skizis sur blankajn desegnoblokojn [14].

Granda ŝtonpeco natura aŭ eventuale artefarita: grandaj ŝtonblokoj, de kiuj gutadis la akvo, pendis super ili en plej fantaziaj formoj [15]; frapis sandaletoj super la eluzitaj ŝtonblokoj, en kiuj apenaŭ eblis vidi antaŭ jarcentoj ĉizelitajn stelojn [16]; Sanlang eklevis grandan ŝtonblokon kaj ĵetis al la fenestrokadro, kiu frakasiĝis [17].