tradukoj: de en fr nl pl pt ru

kompleks/a Z

kompleksaTEZ

1.TEZ
Malsimpla, enhavanta en si malsamajn elementojn: kompleksa ideo, demando, karaktero. ANT:simpla; VD:konfuza.
2.TEZ
MAT[1] (p.p. nombro) De la tipo a+i.b, kie a, b estas reeloj kaj i2 = -1; rilata al tia nombro: la aro C de ĉiuj kompleksaj nombroj konsistigas korpon, kiu samtempe estas dudimensia reela vektora spaco; kompleksa funkcio (kies valoroj estas kompleksaj), ebeno (eŭklida afina ebeno, uzata por doni geometrian prezenton de la kompleksaj nombroj), vektora spaco (super la korpo de kompleksaj nombroj).

komplekso Vikipedio

1.
Tutaĵo da malsamaĵoj unuigitaj por unu sama celo: la vivo estas komplekso da fortoj batalantaj kontraŭ la morto.
2.TEZ
MAT Kompleksa nombro. SIN: Preskaŭa sinonimo: imaginaro; VD: Atributoj de komplekso: reela parto, imaginara parto, modulo, argumento; VD: Rilatantaj nocioj: konjugito.
Rim.: Bricard [2] nomas tiujn nombrojn „imaginaroj“. Li krome enkondukas la terminon „kompleksa nombro“, kiel nocion iom pli vastan, nome linearaj kombinaĵoj de pluraj „unuoj“ i1, i2,... in, al kiuj oni altrudas specifan multiplikan operacion (nun oni nomas tiajn nombrojn hiperkompleksaj). Se la multipliko estas komuteca, oni ricevas la kutimajn imaginarojn. Oni poste ĉesis uzi „imaginaro“ kaj parolis anstataŭe pri „kompleksa nombro“. Estas mirinde, kial la termino „komplekso“ aperas ĉi-sence nek en [3], nek en [4], nek en [5], kvankam la matematika lingvaĵo tre kutimas al tiaj rektaj substantivigoj de adjektiva radiko ( racionalo, imaginaro, rekto... ). Ĉe tiuj aŭtoroj la termino „komplekso“ referencas alian aferon, en la kampo de geometrio, elementa aritmetiko, algebra topologio ktp. Ĉar la termino estas jam ege multsenca, ŝajnas, ke mankas pravigo por daŭre eksterlasi la sencon „kompleksa nombro“, cetere tre oportunan kaj preskaŭ trudatan de la adjektiva uzo de „kompleksa“ kun la senco „rilata al kompleksa nombro“.
3.TEZ
MAT(arkaismo) (elementa aritmetiko)[6] Nombro, kunmetita el pluraj partoj, kiujn necesas pritrakti aparte dum kalkuloj.
Rim.: Historie temas pri nombroj esprimitaj en bazo alia ol la dekuma, kiel ekz-e la tempo (horoj, minutoj, sekundoj) aŭ la angulmezuroj.
4.TEZ
MAT[7] Aro da rektoj, kiuj dependas de tri parametroj.

tradukoj

anglaj

~a: complex; ~o 2.: complex number, imaginary number; ~o 4.: complex of lines.

francaj

~a 1.: complexe, composé, composite, hétérogène; ~a 2.: complexe; ~o 1.: ensemble, assemblage, complexe, collection; ~o 2.: nombre complexe, nombre imaginaire; ~o 4.: complexe de droites.

germanaj

~a 1.: verwickelt, zusammengesetzt, komplex, kompliziert; ~a 2.: komplex; ~a: komplex; ~o 1.: Komplex; ~o 2.: komplexe Zahl, imaginäre Zahl; ~o 3.: Tupel; ~o 4.: Geradenkomplex.

nederlandaj

~a: complex, samengesteld; ~o 2.: samengesteld getal, imaginair getal.

polaj

~a 2.: zespolony; ~o 2.: liczba zespolona; ~o 4.: kompleks prostych.

portugalaj

~a 1.: complexo.

rusaj

~a 1.: сложный; ~a: комплексный; ~o 1.: комплекс, совокупность; ~o 2.: комплексное число, мнимое число; ~o 4.: комплекс прямых.

fontoj

1. Plena Ilustrita Vortaro
2. Raoul Bricard: Matematika Terminaro kaj Krestomatio, p. 15
3. Plena Ilustrita Vortaro
4. Jan Werner: Matematika Vortaro, Esperanta-Ĉeĥa-Germana
5. La Nova Plena Ilustrita Vortaro
6. Plena Ilustrita Vortaro
7. Raoul Bricard: Matematika Terminaro kaj Krestomatio, p. 37

administraj notoj

pri ~o 3.: 
      Mi dubas, cxu Tupel estas gxusta traduko, kvankam cxi tiuj nombroj
      ja estas opoj, kun specifaj reguloj pri aritmetikaj operacioj. Sed
      ankaux la dekumaj nombroj estas opoj.
      [MB]
[^Revo] [komple.xml] [redakti...] [artikolversio: 1.29 2007/01/05 17:30:14 ]