^*serĉ/i ^UV

(tr)

1.

Peni trovi¹ ion (kion oni volas, bezonas, perdis): kiam mi finos mian laboron, mi serĉos mian horloĝon [1]; mi kondukos vin al tiu viro, kiun vi serĉas [2]; li sulkigis la brovojn kaj komencis serĉi lin per la okuloj [3]; la maristoj serĉis rimedon forkuri el la ŝipo, kaj jam mallevis la boaton en la maron [4]; mi bezonas vortaron ne por serĉi la signifon […] de vortoj, kiujn mi ne konas [5]; kiu tro alte levas sian pordon, tiu serĉas pereon [6]; la veran kaŭzon oni devas serĉi pli profunde, ĝi kuŝas en la sistemo mem [7]; fiŝo serĉas profundon, homo serĉas abundon ^PrV ; longe mi serĉis la ĝustan esprimon, sed por la animo ili ne havas vorton [8]; li serĉas la venton sur la kampo ^PrV . esplori, fosi

2.

Peni atingi, akiri, malkovri ion (ofte abstraktan), elprovante diversajn eblecojn: serĉi instruon [9]; mia filo, vi volas serĉi al vi plezuron ĉe fremda virino [10]; penu, se vi volas, serĉi en via kapo ian novan artifikon, por eltiriĝi el ĉi tiu afero [11]! serĉi la dian veron [12]; diligente mi traserĉis mian propran koron [13]; la cezaro serĉis lian societon, demandadis lian opinion [14]; ofte […] ni serĉis amon […] aŭ amikecon kaj nun pri ĝi ni ĝuas [15]; al kiu vi kuros, por serĉi helpon [16]? malvirtulo serĉas subtenon de malnobluloj [17]; ne glore estas serĉi sian gloron [18]; multaj serĉas favoron de reganto [19]; serĉi la tagon pasintan ^PrV . aspiri, celi², strebi

La ago serĉi: ĉiuj serĉoj en la daŭro de du tagoj estis vanaj [20]; post mallonga ĉirkaŭrigardo la infanoj trovis la objekton de la serĉo [21]; li deprenis […] malgrandan libron kaj, post kelka serĉo, trovis la lokon [22]; [ili] ricevas novajn eblecojn de laboro, kio rezultigas la serĉon de pluaj novaj esprimoj [23]; la serĉo montriĝis frukta, inter la malmultaj dokumentoj troviĝis anonima letero [24]; serĉo per la metodo de provoj kaj eraroj [25]; la serĉo pri perfekta partnero [26]; serĉo de ekvilibro inter konkurado kaj tolera kunvivo [27]; la serĉo pri ekstertera vivo [28]; serĉo per Google informis min […] pri ĉi tiu libro [29]; la serĉo-rezultoj povas almenaŭ doni materialon por plua pripensado [30]; serĉo de funkcianta necesejo iĝis serioza problemo [31]; li pledis por serĉo de racia solvo de la problemo [32]; inter la IIK-programeroj estis […] sportaj olimpikoj kun premioj, apudlaga fajro, du trezor-serĉoj, muzikado [33].

Stato de persono, kun kiu ĉiuj tre deziras interrilati: mezo ĉi tie ne ekzistas, virino devas en ia fako […] ellabori al si nomon, famon, sekve serĉatecon ^Marta .

Rimedo por serĉi: minserĉilo; erarserĉilo; vidoserĉilo (fotografia celilo);

a)

Komando de redaktilo ebliganta trovi bezonatan tekstopecon: se oni scias, ke la informo estas en iu ricevita aŭ sendita retmesaĝo, la serĉilo de la retpoŝtprogramo helpas [34].

b)

Programo (eventuale, rulata per servilo) por serĉi informojn en datumbazo aŭ en la Interreto: per interretaj serĉiloj kiel Google oni trovas multajn retejojn kun bildoj [35]; vi uzu iun retregion-serĉilon (angle: DNS look up service) [36].

(tr)

Per serĉo trovi¹ difinita(j)n inter iuj: Faraono elserĉu homon kompetentan kaj saĝan kaj estrigu lin super la Egipta lando [37]; elserĉu inter la tuta popolo homojn bravajn, veramajn, neprofitamajn [38]; elserĉu al vi mem unu el la plej belaj floroj, kiuj kreskas tie [39]; [ŝi] elserĉis en la arbaro la lokon, kie staris la tilio [40]; elserĉi vojon al Hindujo [41]; [ŝi] eniris en la salonon, por elserĉi la kelneron [42]; ni elserĉis kelke da altaj arboj, kiuj kreskis apud la marbordo, por ke ni povu surnaĝigi mian boaton [43]. elekti¹, elrigardi³

(tr)

Serĉi ĉe iu aŭ io, por vidi, ĉu oni tie ion kaŝas: doganisto priserĉas la vojaĝantojn [44]; policanoj priserĉis aŭtojn [45]; oni eĉ proponis priserĉi min por trovi fingrospurojn [46]. ekzameni¹, esplori

(tr)

Zorge kaj detale serĉi: ili traserĉu vian domon kaj la domojn […] por ke ĉion, kio estas kara al vi, ili prenu [47]; oni ellasis la hundojn kaj traserĉis ĉiujn arbetaĵojn, ĉirkaŭantajn la domon [48]; policaj oficistoj traserĉis la tutan Parizon pro la ŝtelitaj juveloj [49]; ne lin serĉu plu en ĉi tiu domo, vi jam traserĉis de la kelo ĝis la tegmento [50]; li traserĉis sian tutan germanan konon por trovi la esprimon, kiun li bezonis [51]; mi venas por traserĉi viajn paperojn [52]; en liaj okuloj vidiĝis reva rigardo, kvazaŭ li traserĉus la profundon de sia animo [53].

Serĉo de eventualaj pruvoj pri krimo en loĝejo de persono aŭ en oficejo de institucio: ankaŭ en aliaj regionoj de Italio okazis domtraserĉoj [54].

Palpe serĉi, per mano: la sudulo ekstaras kaj treme manserĉas ion en sia malpura mantelo [55].

Metodo solvi problemon per laŭvica provado de ĉiuj ebloj: kontraste al rikuro, rekursio ebligas uzon de elĉerpa serĉo; Estas problemoj, por kiuj ne ekzistas algoritmo pli rendimenta ol elĉerpa serĉo ^KompLeks .

Speco de elĉerpa serĉo, uzata por difini μ-serĉajn funkciojn, kutime en la formo de la minimumiga μ-operatoro (mu-operatoro), jene difinebla. Estu `f(y,bb x)` iea funkcio; tiam por argumenta opo `bb x` la senbara serĉo liveras la minimuman nuliganton, kondiĉe ke tia ekzistas kaj ke por ĉiuj malpliaj argumentovaloroj la funkcio konverĝas⁴; t.e. `(mu f)(bb x)=min_y{f(y,bb x)=0^^(AA z lt y): f(z,bb x)darr}`, se ekzistas almenaŭ unu tia nuliganto; la rezulto estas nedifinita (la serĉo diverĝas) aliokaze.