³aspir/i ^JED

(x)

Forte deziri, fervore celi: la peko kuŝos ĉe la pordo, kaj vin ĝi aspiros [1]; [li] havas la permeson aspiri pri edziĝo kun ŝi […], sed li devas diveni tri aferojn, pri kiuj ŝi demandas [2]; la homoj aspiris kaj klopodis kaj estis saĝaj kaj malsaĝaj dum la paso de jarcentoj [3]; amon ŝi ĝuis sufiĉe ĉe la du unuaj edzoj, kaj ĉe la tria ŝi aspiras ion alian [4]; mi timas tion, kion mi antaŭe tiom arde aspiris [5]; tiu ĉi rakonto tute ne aspiras ian biografian precizecon [6]; oni […] sciigis min, ke multaj aspiras la postenon kaj ke la firmao donos al mi respondon la sekvontan tagon [7]; aspiranto de la Moskva Komunista Akademio ^Metrop ; en la aferon de ŝiaj aspirantoj li ne volas sin enmiksi [8]; konkurantoj […] aspiris fari procesorojn ne multe malpli rapidajn ol tiuj de Intel [9]; rigardi kaj aspiri ne devigas akiri ^PrV . ambicii, avidi, kandidati, klopodi, pretendi, sopiri², strebi

Rim.: Oni deziras aŭ celas ion ajn, oni aspiras al io bona, agrabla, supera, oni ambicias ion altan, superan kaj malfacile atingeblan, oni sopiras pri io perdita.

Dezirego por iu alta celo: arda aspiro al malproksima feliĉo [10]; kunigis ilin multe da komunaj aspiroj kaj sopiroj, similaj travivaĵoj kaj mondproblemoj [11]; amikoj, kiujn ligas la sama ideo, la samaj aspiroj kaj esperoj [12]; [ili] ne povas esti respondaj pri miaj personaj ideoj kaj aspiroj [13]; aspiron lian nomas vi minaco [14]? iel utopia aspiro kelkfoje pelas homojn al fanatikaj ekscesoj [15].