^*palp/i

(tr)

Tuŝesplori per la mano: la blindulo palpis la libron; palpi per la bastono; alproksimiĝu, kaj mi vin palpos, mia filo, ĉu tio estas vi [1]; vi trapalpis ĉiujn miajn apartenaĵojn [2]; mi trovos la vojon, li diris, palpis ĉirkaŭe, retrovis la ĉambron [3]; la unua movo, kiun faris lia mano, estis triangula movo de la dekstra flanko al la maldekstra kaj supren al la brusto, por palpi, ĉu li havas ankoraŭ siajn valoraĵojn [4]; (figure) palpi en mallumo [5] (hezitante serĉi certecon, serĉi sen difinita celo kaj metodo); palpsenso [6]; antaŭ iom pli ol 100 jaroj, mortis Hieronymus Lorm, inventinto de palpalfabeto por surdblinduloj (kp brajlo) [7].

Palpante: [li] palpe esploris la tutan tendon [8]; li […] palpe serĉas sekajn patkukojn en la […] sako [9]; li ĉirkaŭ si palpserĉis la libron [10].

1.

Povanta esti palpata: la vento estas sentebla sed ne palpebla; (troige) palpebla (densega) mallumo [11].

2.

(figure) Tute evidenta, facile rimarkebla: palpebla pruvo [12]; palpebla profito [13]; li subtenas la nunan registaron, ĉar ĝi alportas palpeblan progreson [14].

Palporgano de diversaj bestoj, ekz-e ĉekape de insektoj: la majskarab[…]oj levis siajn palpilojn [15]; heliko etendas siajn palpilojn [16].

tentaklo, anteno¹

(tr)

Palpi ĉiuflanke, ofte por trovi ion, kion ne eblas vidi: ili serĉu Dion, se eble ili povus ĉirkaŭpalpi kaj trovi Lin [17]; li ĉirkaŭpalpis per la manoj kaj ekkonsciis, ke li ŝvebis [18].

Ago palpi, ekz. por medicina ekzamenado: vidado sen palpado ^Hamlet ; sin elmeti al kutima sekurec-kontrolo per metal-detektiloj kaj palpado [19]; jen ili preterpasis sian […] kafejon kaj ŝirmejon por kisado kaj subpalpado [20].