¹radikal/a ^JED

1.

Radika, ĝisfunda, esenca, plena: iri en la tombon? nu, tio ĉi estus efektive radikala ŝanĝo de la loko [1]! mi sciis kiom radikala estas mia propono, sed estas malfacile vidi kiel povus veni prospero por la individuo kaj por la publiko alimaniere [2]; en ĉiuj siaj aspektoj la lingvoproblemo konstante akriĝas kaj […] postulas radikalan solvon [3]; ni pristudis la nuntempan radikalan ŝanĝon de la rolo de la junularo en la socio, kiu montriĝas en intelekta kaj politika mobilizo [4]; radikala protagonisto de latinigo de la japana skribo [5]. abrupta, akra^2.b, drakona, drasta, grava, rigora, severa

2.

Politike ekstrema, postulanta tutajn profundajn kaj senkompromisajn reformojn en politiko: li vizitis la kunvenojn de la radikala societo, sed la paroladoj kaj diskutoj ne povis interesi lin [6]; inter 1830 kaj 1848 demokrataj ideoj progresas en tuta Svislando, sed ne mankas akra rezistado […], ankaŭ batalas la radikala partio kontraŭ eklezia regado de la lernejoj [7]. fanatika, fundamentisma, ĝisosta

(ntr)

Iĝi radikala, ekstrema, senkompromisa: la Chabab-movado radikaliĝas en Somalujo [8]; parto de la studentoj vere admiris la sovet-unian politikan sistemon – tio estis parto de la politika radikaliĝo de la okcident-eŭropa junularo ekde la fino de la sesdekaj jaro [9].

Doktrino de radikala partio: sciante pri la malamo de Lemuel kontraŭ la Babela pastraro kaj pri lia radikalismo, ili ĝoje salutis lin [10]; tutgloba libermerkata radikalismo […] malriĉigas la globon, detruas la medion kaj estigas malamon inter la kulturoj [11]; en ilia protesto evidentiĝas ilia radikalismo kaj la ĝenerala malkontento de junaj homoj, kiuj de la postkomunismaj ŝanĝoj atendis ion alian, pli promesdonan kaj pli gravan [12]; la tieaj kampanjoj […] kontribuis al kreskanta radikalismo kaj fundamentismo inter junaj islamanoj [13]. ekstremismo, fundamentismo