^*prunt/i ^UV

(tr)

1.

Disponigi al iu ion redonotan post difinita tempo; prunte doni: unue mi redonas al vi la monon, kiun vi pruntis al mi, due mi dankas vin por la prunto [1]; ĉu vi afable konsentos prunti al mi ĉi tiun libron ĝis morgaŭ [2]! pruntu al mi viajn galoŝojn […], en la ĝardeno estas tre malseke [3]; koran dankon al la […] universitato, kiu pruntis al ni siajn ĉambrojn [4]; li sufiĉe ofte pruntis sian nomon al amikoj en momenta embaraso de mono [5]. krediti, luigi

2.

Fari, ke iu disponigu al ni ion redonotan post difinita tempo; prunte preni: [li] pruntis de la najbaro ĉevalon [6]; ni pruntas monon por impostoj por la reĝo, donante garantiaĵe niajn kampojn [7]; vi povas prunti al vi la vestojn [8]; [tiuj] loĝantaj en urboj, pruntas la necesajn librojn el bibliotekoj [9]; (figure) [vi] de ŝminkaĵoj pruntas (ŝajnigas) la sanon de l' vizaĝo [10]; li dentojn prunti ne bezonas ^PrV ; vilaĝano kreditas, vilaĝestro pruntas ^PrV . lombardi, lui

3.

Transpreni kaj asimili vorton aŭ esprimon el alia lingvo: [ĉiuj] lingvoj [ankaŭ] pruntas necesajn esprimojn kaj vortojn el fremdaj lingvoj [11]; kiam la portugala lingvo estis transportata de la unuaj koloni[…]antoj al Brazilo, ĝi […] eksterordinare riĉiĝis sub la influo de la indiĝenoj (el kies idiomoj la brazila portugala lingvo pruntis multege da terminaro: planta, arba, besta, birda, ktp) [12].

Kun kondiĉo redoni post difinita tempo: miaj fratoj […] donis al ili prunte monon kaj grenon [13]; ne prenu prunte kaj ne prunte donu [14]; mi ne pruntedonis procentege, mi ne prenis prunte [15]; donu al mi prunte! mi tuj kvitiĝos kun la mastro de la restoracio, mi bezonus nur ĉirkaŭ ducent rublojn [16]; sendu al mi prunte dekduon da forketoj [17]; li estas preta doni al la reĝino rimedojn prunte el la preĝejaj enspezoj [18]; perdiĝas per pruntedono amiko kaj mono ^PrV .

1.

Pruntado: mi dankas vin por la prunto [19]; ni havas kvin novajn regimentojn […] ni devas diris li fari novan prunton [20]; prunto amikon forpelas ^PrV .

2.

Pruntaĵo: la kortego […] ricevis sufiĉe grandajn pruntojn [21]; post kiam Montan ricevis la prunton, oni ne vidis lin plu en Novponto [22]; la Komitato de UEA deklaris sin preta konsideri la ŝuldojn de TEJO al UEA senrentuma prunto [23].

1.

Ago doni prunte: [ili] ne pligrandigas la trezoron per komercado aŭ pruntado por procentoj, sed malŝparas sian riĉaĵon [24]; pruntado de mono kontraŭ interezo estas perversa maniero akiri havaĵon, laŭ Aristotelo [25].

2.

Ago preni prunte: kondiĉoj pri pruntado estas severaj [26].

1.

Io prunte donita aŭ prenita: tiu cirkisto promesis tuj redoni la pruntaĵon, sed tempo pasis, kaj la cirkisto ĉiam elpensis novajn turnojn por eviti la repagon [27]; EU pretos finance helpi per subvencioj kaj pruntaĵoj kun valoro de tri miliardoj da eŭroj [28].

2.

Vorton aŭ esprimo transprenita kaj asimilita el alia lingvo: la jakuta estas efektive iom pli aglutina ol la otomana – la Turkuja turka lingvo – pro la multaj arabaj kaj aliaj pruntaĵoj en ĉi tiu) [29]; la islanda kaj la gaela estas tre malsamaj lingvoj (malgraŭ la menciitaj vortaraj pruntaĵoj) [30]. kalkeo¹, pruntvortopaŭsaĵo²

(tr)

Prunti¹: ĝi estas en la librujo, mi pruntedonos ĝin al vi kun plezuro [31].

Rim.: Pli regule oni skribu adverbon aparte de verbo: prunte doni; doni prunte.

(tr)

Prunti² mi depruntis la diskon de amiko kaj miregis: psikedela sperto [32]! se mi volas pruntepreni moneron, ili volonte donas al mi [33].

Rim.: Pli regule oni skribu adverbon aparte de verbo: prunte preni; preni prunte.