^*efik/i ^UV

(x)

Havi efektivan rezulton: la ripozo bone efikis al li, sur lin; se la jodo malbone efikas ĉe vi, ni uzos alian medikamenton; iri al la cezaro mem, ĉirkaŭbraki liajn genuojn kaj petegi efikus nenion ^QuV ; la organizado [de ĉi renkontiĝo] fine de junio efikas, ke tuta somerferio por la organizantoj estas poste libera [1]; pli efikas riproĉo ĉe saĝulo ol cent batoj ĉe malsaĝulo [2]; petego de justulo multe efikas per sia energio [3]; testamento […] neniam efikas, dum vivas la testamentinto [4]; ŝi […] forportis lin en malgrandan stalon kaj fermis la kradpordon, neniel efikis liaj krioj [5]; la veneno komencis efiki kaj la knabino falis senkonscia [6]; mi mem preferas pugnon, kiu iafoje tre bone efikas [7]; [ŝia] rigardo […] efikas des pli akre, ju pli mildaj estas la okuloj [8]; la abato estis vere la sola homo kapabla efiki sur sinjorinon de Prelongo [9]. efekti, impresi, influi, kaŭzi, naski², rezultigi

Efikanta: la saĝuloj el la lando ne povis trovi pli efikan rimedon por malhelpi kompletan ruiniĝon ol doni al la popolo belan religian punbruligon [10]; ni aldonu al ĝi ankoraŭ unu ingrediencon, por ke ĝi estu pli efika [11]; [li] donis al ŝi kuracilon tiom efikan, ke ŝi mortis [12]; li trovis tre efikan metodon akceli la laboron [13]; simplaj sed efikaj hidraŭlikaj maŝinoj, per kiuj oni povis ĉerpi akvon kaj verŝi ĝin sur kampojn [14]; la pastraj preĝoj […] ne ĉiam estis efikaj [15]; plej efikaj banlokoj por la bona humoro [16]; impresa kaj efika stilo [17]; hako post hako estas la plej efika atako ^PrV ; pli efike ol bato pelas malsato ^PrV . agema, drasta, energia, forta¹vana

Ago de tio, kio efikas, efika povo aŭ la rezulto de tiu ago: vere teruran efikon faris sur mi la glaso da punĉo [18]; la maljunulino leviĝis kaj ekiris multe pli vigle ol antaŭe, tian efikon havis la ŝmiraĵo [19]; la sorĉa spegulo […] havis tian efikon, ke ĉio granda kaj bona, kio en ĝi speguliĝis, fariĝis malgranda kaj malbela [20]; ĉiu floko da neĝo, kiu falis sur ŝin, havis la saman efikon, kiel se oni ĵetas sur nin tutan ŝovelamason [21]; la potencaj rimedoj havis nenian efikon [22]; tia filozofio povas havi malbonajn efikojn sur la pens- kaj agadmanierojn de la homoj [23]; [pro la] tunelefiko ŝargoportantoj trairas la potencialmuron [24]; ofte de kaŭzo senenhava venas efiko plej grava^PrV ; sanigaĵo malbongusta, sed efiko plej ĝusta ^PrV ; lernado havas maldolĉan radikon, sed bonan efikon ^PrV . efekto

Kvalito de io efika: ĉiu rimedo, uzata tro longe, perdas sian efikecon ^FK ; [ili] ne tro fidas je la efikeco de la sistemo [25]; sekureco kaj efikeco estas buĉitaj sur la altaro de profitoj [26].

Ne celita aŭ malĉefa efiko de agado, de rimedo, kuracilo, operacio: neniu scias, kiuj estas la kromefikoj [27]; grandaj akvobaraĵoj por funkciigi hidroelektrajn centralojn estas malŝatataj de mediprotektantoj pro siaj kromefikoj [28]; se la nova kemiaĵo […] ne havas probablajn malbonajn flankefikojn, eble estos permesite ĝin vendi [29]. epifenomeno, postefiko

Efiko, ofte nedezirata, kiu manifestiĝas post la unua, celata efiko: trinku tion, ĝi forigos la postefikon de la gaso [30]; ni lernas ĉiutage pli bone kompreni ĝiajn leĝojn kaj ekkoni la pli proksimajn kaj pli forajn postefikojn de niaj intervenoj en la kutiman iradon de la naturo [31]; la informkampanjo donis postefikon per pliaj artikolo kaj televida programo [32]. kromefiko, sekvo, sekvaĵo, postsekvo.

Rim.: Ĉi tiu vorto ne aperas en PIV-oj.

Tia, ke ĝi ne efikas: ondego trabatis tabulon, la pumpiloj estis senefikaj [33]; konfeso estus senefika malkuraĝaĵo, kiu min malhonorus kaj neutile frapus en koro Beatricon [34]; mi helpis lin laŭ mia eblo, ne per rezonado, ĉar ĝi estas ordinare senefika – sed per fakto: mi liveris pruvon [35]; longa kaj senefika interkonsilo [36].

Psikologia bonfartiga efiko konstatebla en placeboj kaj en ĉiuj kuraciloj kaj kuracadoj: la medicino de la pasinteco […] preskaŭ tute baziĝis sur la placeboefiko [37]; ĉu la klinikaj homeopatiaj efikoj estas placebaj efikoj [38]?

Kaŭzo, kiu fakte efikas (kontraste al la cela kaŭzo).