^*baston/o ^PV

Stangeto, ĝenerale ligna, kiu utilas por sin apogi, por bati aŭ kiel insigno: Jakob prenis al si bastonojn el verdaj poploj, migdalarboj, kaj platanarboj, kaj senŝeligis sur ili blankajn striojn [1]; li etendis la pinton de la bastono […] kaj trempis ĝin en la mielĉelaro [2]; vi elvenis kun glavoj kaj bastonoj, kvazaŭ kontraŭ rabiston [3]; vojkamarado, kiu havis sian bastonon en la mano kaj la tornistron sur la dorso [4]; apoga bastono [5]; abata bastono [6]; balaila bastono [7]; blindula bastono [8]; magia bastono (sorĉbastono) [9]; polica bastono [10]; teleskopa bastono [11]; por praktiki bastonmarŝadon oni bezonas paron da taŭgaj bastonoj, tiel altaj kiel 7/10 de la korpo [12]; kiu bati deziras trovas bastonon ^PrV (vd rabia³); lambastono, bastono de policano, de marŝalo; ĵeti bastonon en la radon (estigi malhelpaĵojn) ^PrV . kano, lato, paliso, trabo, vergo

(tr)

Bati per bastono: ilia reĝo […] mem bastonis siajn regnanojn (suferigis sian popolon) [13]; li ordonis bastoni la amasojn [14]; (figure) fremdan dorson bastoni ― ankaŭ sian doni (toleru mem, per kio vi aliajn traktas) ^Prv .

Ĉelo³ de la retino sensema al intenso de lumo, tiel nomata pro sia formo: la malhel-adaptita vido estas bazita sur la lumabsorbo far la retina purpuraĵo entenata en la eksteraj segmentoj de la bastonetoj [15]. konuseto

Bastono kun transversa trabeto, sur kiu maljunulo aŭ irhandikapito sin apogas por paŝi: ĉe la pordo de la preĝejo staris maljuna soldato kun lambastono [16]; la maljunulino ridis kaj kontenta saltis malgraŭ la lambastono [17]; maljuna virino kun lambastonoj enlamis sur la korton [18].

Manĝilo pare uzata por pinĉe preni pecojn de manĝaĵoj; haŝio: la antikvaj libroj notas, ke manĝbastonetoj aperis antaŭ pli ol 1 000 jaroj [19]; „ni manĝu!“ Kwang diris, indikante per manĝbastonoj la bovlojn kaj pladojn arĝentajn sur la tablo [20].

Longa bastono kun fera pinto uzata por faciligi grimpadon ĉe montoj: Mi estas nur gvidisto sur deklivo Kruta, // kun ŝnuro kaj montbastono [21].

Bastono per kiu oni apogas sin dum promeno, dum piedirado: li volis ekvidi la montegojn ... kaj porti glavon anstataŭ promenbastonon [22].

Bastono per kio sorĉisto povas sorĉi: iuj sorĉbastonoj havas tenilon por la magiista mano tenanta ĝin, aliaj ne, sed preskaŭ ĉiuj havas iom pli da diametro en la flanko kiun oni tenas enmane [23]; solvo, kiu kvazaŭ sorĉbastone formagios la elementojn, kiuj fatale kombiniĝis por estigi la nunan situacion [24].