tradukoj: be bg cs de en es fr hu io nl no pl pt ru sk sv tr uk vo

1program/o

programo  

1.  
Laŭtempa listo de farotaj aferoj, de taskoj: programo de koncerto; PED lernoprogramo; programo de kunveno; programo anoncanta la intencojn de politika partio; vivi komunan vivon ‐ tio signifas: havi […] komunajn pensojn pri ĉio, helpi unu la alian, havi la samajn ĝojojn kaj ĉagrenojn... ‐ bela programo, ĉu vi efektivigis ĝin? IK ; religiaj moroj, kiuj estas enkondukitaj de homoj, por enporti en la vivon difinitan programon kaj spiritan varmon [1]; [la] programo estu preparita laŭ la kongresa regularo [2]; Homaranismo estas speciala kaj tute difinita politika-religia programo VivZam ; tiu ĉi malgranda sumo […] servas jam por elspezoj de korespondado, sendado de programoj, tabeloj da demandoj FK ; RAD la esperantlingva programo de Radio Budapeŝto [3]; TEL kolortelevidaj programoj kun multe da interprograma varbado [4]; splitopartioj […] povas per specialaj programoj kun frapaj sloganoj allogi homojn kun specialaj interesoj [5]; sociaj programoj por dignaj vivkondiĉoj [6]. VD:plano 1, tagordo
2.  
KOMP Priskribo de la agoj plenumotaj de komputilo, en komputila lingvo aŭ en ĝia maŝinkodo: verki programon en C; traduki programon el C; bindi programon el moduloj; lanĉi, plenumi, ruli programon; aplika programo (kiun uzas neprogramistoj); ilprogramo (uzata por krei aŭ funkciigi aplikajn programojn); la elpakita programo bezonas preskaŭ 6 megabitokojn [7]; kun la programo estas provizita amaseto da diversaj litertipoj, ekzemple la senserifaj Svisujo, Metroo kaj Kuriero [8]; estas priskribitaj nur programoj kaj dosieroj: tekstoprilaboriloj, tekstoreviziiloj, tradukiloj, litertiparoj, programoj por adapti litertipojn, rekoniloj, programoj por adapti la klavaron, ktp [9]; ĉar ĝi estas libera programo, mi povis mem adapti ĝin [10]; pluraj popularaj programoj funkcias unikode [11]; verki programojn per familia komputilo kaj la programadlingvo Basic [12]. SUP:algoritmoVD:bindilo, interpretilo, tradukilo

programi

(tr)
1.
Antaŭdifini ordon de eventoj: se trafiksistemoj kolapsos, kolizioj de aŭtoj, tramoj kaj fervojoj estas programitaj [13]; la franc-germana televidstacio Arte bonŝance programis mirindan filmon de la universale koramata Charles Chaplin [14]; sekve de la (programita) paneo de elektraj aparatoj, konsumado de kartoĉoj kaj ĉiaj aliaj aferoj por unufoja uzo, kreiĝas pli kaj pli da rubo [15]; Dio kree intervenis de tempo al tempo, kiam la evoluciaj fortoj, kiujn li programis, ne sukcesis salti al pli nova kompleksa vivformo [16].
2.
KOMP Verki programon kiu faru ion: programi sintaksan analizon, formorekonon; programi por (sub, en) Unikso en C; ĉu tiu funkcio estas programita aŭ realigita aparate? oni povas programi siajn preferatajn klavokombinojn por super- kaj sub-signitaj literoj [17]; ilia agado estas programi, testi, priskribi, ripari, pliampleksigi la programaron [18]; kiam la persona komputilo estis disvolvita kaj surmerkatigita en Usono, ĝi estis planita kaj programita por anglalingvanoj, [19]; iuj firmaoj ankaŭ programas la printilojn tiel, ke ili aŭ rifuzas ne-aŭtentikajn kartoĉojn [20].

programado

(tr)
1.
KOMP Verkado de komputilaj programoj, en pli vasta senco inkluzive de projektado, dokumentado kaj vartado: metodoj de programado; strukturema, modulema, objektema programo; post iom da programado mi ekhavis unikodan retpoŝtilon kaj povis sendi al mi mesaĝojn kun belaj esperantaj supersignoj [21]; koni kelkajn principojn pri programado [22]; libera programaro donas ŝancon […] enplektiĝi en avangardan programadon sen la kutimaj limigoj pro kopirajtoj kaj patentoj [23]; „katedralo” kaj „bazaro” estas la nomoj por liaj modeloj de komerca kaj libera Programado, respektive [24]; normoj ellaboritaj de W3C, la ĉefa instanco por interreta programado [25].
2.  
MAT (ankaŭ „matematika programado“) Parto de operaciesploro, studanta problemojn pri funkciekstremoj super aroj de finidimensia vektorspaco, kiujn arojn difinas egalaĵoj aŭ komparaĵoj: la „dorssakproblemo“ kaj „la problemo pri vojaĝa komizo“ estas konataj problemoj de matematika programado; dinamika, diskreta, konkava, konveksa, lineara, nelineara programado [26].

programaro  

1.
TEL La programoj stacio, satelito ktp: la televidprogramaro, kiun la satelito dissendas [27].
2.  
KOMP La programoj uzataj en komputilo (ofte kontraste al aparataro): sistema programaro; aplika programaro; komerca, ĉiesa, senpaga, libera programaro; portebla programaro; vivciklo de programaro; programara krizo; ĉiuj novaj komputiloj liveriĝos kun unikodokapabla programaro [28]; kontraŭvirusa programaro [29]; nokto plej konvenas al la telefon-kompanioj por testadi aŭ ŝanĝi sian programaron [30]; oficeja programaro [31]; [ili] disponigas aron da programoj tre similaj al la ĉefa programaro de Mikrosofto por prilabori tekstojn, uzi la reton kaj fari tabelojn kaj datenbankojn [32]; la movado por libera programaro rekte kontraŭas patentojn pri tiaj aferoj [33].

programero

Unuopa peco en programo: filmofirmaoj […] povas revendi la rajton por la sama programero plurfoje [34]; li fiere anoncas […] la programeron „Homoj kaj problemoj“ [35]; okazas ankaŭ ekspoziciaj programeroj: teatraĵoj, muziko kaj prelegoj [36]; renkontiĝi kun geamikoj kaj ĝui programerojn de siaj konatoj: ĥorkantado, ludado de diversaj instrumentoj, dancado [37]; ĝi kunvokis la parlamenton […] por efektivigi programerojn: pliigi enspezimpostojn […], malpermesi parlamentanojn elektitajn per partia listo eksiĝi de tiu partio sen eksiĝi kiel parlamentano […] [38]; sekva programero de la registaro estas la iompostioma forigo de fruaj pensiiĝoj [39].

programisto  

KOMP Fakulo pri programado: la koncernaj normoj estas interkonsentitaj, kaj programistoj diligente kreas la necesan substrukturon (programajn bibliotekojn, ktp) [40]; Linukso estis la unua projekto, kiu sukcesis utiligi la talenton de programistoj ĉirkaŭ la mondo [41]; li estas komputil-programisto kaj fervora leganto [42].

celprogramo  

KOMP Komputila programo produktita per tradukilo el fontprogramo.

fontprogramo  

KOMP Komputila programo verkita en programlingvo, kiun tradukilo transformas en celprogramon: por esti vera „libera programo” la fontprogramo devas esti disdonata kun la ruleblaj programoj aŭ esti alimaniere akirebla [43].

kromprogramo

1.
Programo aldona al ĉefa programo de evento, kongreso ktp, ofte distra: riĉa, varia kromprogramo kompletigis ĉiutage la bazan prezentadon en haloj kaj tendegoj [44].
2.
KOMP Programo vastiganta la kapablojn de ĉefprogramo, al kiu ĝi aldoniĝas: en la estonteco Firefox ĝisdatigos la kromprogramojn por vi [45]; kvankam MySQL mem estas senpaga, nepre necesas diversaj kromprogramoj, kiuj estas pagendaj [46].

sistema programaro  

KOMP Ilprogramoj de komputa sistemo necesaj por funkciigi aplikajn programojn: BIOS estas sistema programaro [47]; la unua versio de Mac OS (nomita poste) aperis en 1984, kiam oni nomis ĝin simple […] sistema programaro [48]. SIN:operaciumoSUB:Linukso, Unikso, Vindozo

aplika programaro  

KOMP Kolekto da aplikaj programoj por iu ekstera aplika tereno (kontraste al sistema programaro): komercaj programoj por klientoj-uzantoj ordinare nomiĝas aplika programaro (aŭ aplikaĵo) en la komputika industrio, ĉar tiuj programoj sin fokusas sur la kapabloj por kiuj oni uzas la komputilon, kontraste al tiuj de sistema programaro (ekzemple la Vindoza mastruma sistemo) [49]; Amikumu (aplikaĵo) ‐ kategorio: Aplika programaro [50]. SUB:Skajpo, Muzaiko

tradukoj

anglaj

~o: program; ~i: program; ~ado 1.: programming, software engineering; ~ado 2.: mathematical programming; ~aro: software; ~isto: programmer; cel~o: object program, target program; font~o: source program; krom~o 1.: breakout session; sistema ~aro: system software; aplika ~aro: application software. aplika ~o: application program; il~o: tool program.

belorusaj

~o: праграма; ~i: праграмаваць; ~ado 1.: праграмаваньне; ~ado 2.: матэматычнае праграмаваньне; ~aro: праграмнае забесьпячэньне; ~isto: праграміст; sistema ~aro: сыстэмнае праграмнае забесьпячэньне.

bulgaraj

~o: програма; ~i: програмирам; ~ado 1.: програмиране; ~isto: програмист.

ĉeĥaj

~o: pořad, rozvrh; ~i: programovat; ~ado: programování (počítače); ~aro: programové vybavení, software; ~ero: bod programu, číslo programu; ~isto: programátor.

francaj

~o: programme; ~i: programmer; ~ado 1.: programmation; ~aro: logiciel; ~ero: élément de programme; ~isto: programmeur; cel~o: programme objet; font~o: programme source; krom~o: extension (de programme informatique), plug-in. aplika ~o: application informatique.

germanaj

~o: Programm; ~i 2.: entwickeln; ~i: programmieren; ~ado 1.: Programmierung, Entwicklung; ~aro: Software; ~ero : Programmpunkt; ~isto : Entwickler; ~isto: Programmierer; cel~o : Zielprogramm; font~o : Quellprogramm, Quelle (Programm-); krom~o 1.: Zusatzprogramm, , ; krom~o 2.: Programmerweiterung, Erweiterung (Software), Programmzusatz; sistema ~aro: Systemsoftware; aplika ~aro: Anwendungssoftware.

hispanaj

~o: programa; ~i: programar; ~ado 1.: programación; ~aro: programa informático; ~ero: elemento de programa; ~isto: programador; cel~o: compilador del código del programa; font~o: código fuente del programa; krom~o: extensión (de programa informático), complemento. aplika ~o: aplicación informática; il~o: herramienta de programación.

hungaraj

~o: műsor, program; ~i: programoz; ~ado 1.: programozás; ~ado 2.: matematikai programozás; ~aro: szoftver; ~isto: programozó; cel~o: célprogram; font~o: forrásprogram; sistema ~aro: rendszerszoftver; aplika ~aro: alkalmazásszoftver. aplika ~o: felhasználói program; il~o: eszközprogram.

idaj

~o: programo; ~isto: programifisto.

nederlandaj

~o: programma; ~i: programmeren; ~ado 1.: programmeren; ~aro: software, programmatuur; ~isto: programmeur; font~o: bronprogramma; sistema ~aro: systeemprogrammatuur; aplika ~aro: gebruiksprogrammatuur.

norvegaj

~o: program; ~i: programmere; ~ado 1.: programmering; ~aro: programvare; ~isto: utvikler (data).

polaj

~o 1.: program; ~o 2.: program; ~i: programować; ~ado 1.: programowanie; ~aro: oprogramowanie; ~isto: programista; font~o: program źródłowy.

portugalaj

~o: programa.

rusaj

~o: программа; ~i: программировать; ~ado 1.: программирование; ~ado 2.: математическое программирование; ~aro: программное обеспечение; ~isto: программист; cel~o: выходная программа; font~o: исходная программа; sistema ~aro: системное программное обеспечение; aplika ~aro: прикладное программное обеспечение. aplika ~o: прикладная программа; il~o: инструментальная программа.

slovakaj

~o: poriadok, rozvrh; ~i: programovať; ~ado: programovanie (počítača); ~aro: programové vybavenie, software; ~ero: bod programu; ~isto: programátor.

svedaj

~o: program; ~i: programmera; ~ado 1.: programmering; ~ado 2.: matematisk programmering; ~aro: programvara, mjukvara; ~ero: programpunkt; ~isto: programmerare.

turkaj

~aro: yazılım.

ukrajnaj

~o: програма.

volapukaj

~o: program; ~isto: programan.

fontoj

1. L. L. Zamenhof: Homaranismo, Dogmoj de Hilelismo
2. L. L. Zamenhof: Paroloj, Parolado antaŭ la Tria Kongreso Esperantista en Cambridge en la 12a de aŭgusto 1907
3. Monato, Esperanto sen peno
4. Monato, Radio
5. Monato, El mia vidpunkto
6. Monato, Komercismo
7. Monato, Windows
8. Monato, Windows
9. Monato, Por lingvemaj komputilemuloj...
10. Monato, Edmund Grimley Evans: Interreto: Uniksulo ekspertas Unikodon
11. Monato, Edmund Grimley Evans: Interreto: Uniksulo ekspertas Unikodon
12. Monato, Komputiko kaj Esperanto
13. Monato, Stefan Maul: Militado sen bataliloj
14. Monato, J.m. Parisot-delourmel: Charles Chaplin kaj Esperanto
15. Monato, Lode Van de Velde kaj Roland Rotsaert: Konsumantoj agitiĝas kaj konsciiĝas
16. Monato, Armando Zecchin: Rezolucio de eŭropa instanco pri evoluismo kaj kreismo
17. Monato, Windows
18. Monato, D. E. Rogers: Libera programaro: nova rimedo komerci
19. Monato, Garbhan MacAoidh: Plurlingva tekstoprilaborado
20. Monato, Lode Van de Velde kaj Roland Rotsaert: Konsumantoj agitiĝas kaj konsciiĝas
21. Monato, Edmund Grimley Evans: Interreto: Uniksulo ekspertas Unikodon
22. Monato, Komputiko kaj Esperanto
23. Monato, D. E. Rogers: Libera programaro: nova rimedo komerci
24. Monato, D. E. Rogers: Libera programaro: nova rimedo komerci
25. Monato, Roland Rotsaert: Netscape 8: plej multflanka
26. Vikipedio, Optimumigo (matematiko)
27. Monato, Radio
28. Monato, Edmund Grimley Evans: Interreto: Uniksulo ekspertas Unikodon
29. Monato, Garbhan Macaoidh: Damnita komputilo! Diabla Interreto!
30. Monato, Hektor Alos I Font: Spektantoj spektataj
31. Monato, Roland Rotsaert: De triopa monopolo al mikrosofta monopolo
32. Monato, Franck Arnaud: Mikrosofto ektimas Linukson
33. Monato, D. E. Rogers: Libera programaro: nova rimedo komerci
34. F. Arnaud: Preterleĝa televidado en Eŭropo, Monato, 1999:3, p. 22a
35. Monato, Radio
36. Monato, Evgeni Georgiev: Serĉi la perditan paradizon
37. Monato, Alproprigi hobion
38. Monato, Donald Rogers: Nov-zelando: Laborema koalicio
39. Monato, Evgeni Georgiev: Magra majoritato
40. Monato, Edmund Grimley Evans: Interreto: Uniksulo ekspertas Unikodon
41. Monato, D. E. Rogers: Libera programaro: nova rimedo komerci
42. Monato, Stefan Maul: Prioritato 1
43. Monato, D. E. Rogers: Libera programaro: nova rimedo komerci
44. Monato, Franz-Georg Rössler: Fiere festis foiro
45. [E. Trápani k. a.]: Kontroli viajn kromprogramojn, [vidita en 2013]
46. Monato, Roland Rotsaert: OpenOffice: senpaga alternativo por Microsoft Office
47. Vikipedio, BIOS
48. Vikipedio, Mac OS
49. Vikipedio, Komputila programo
50. Vikipedio, Amikumu (aplikaĵo)

cel~o: Mankas fontindiko.
cel~o: Mankas fonto, kiu estas nek vortaro nek terminaro.
font~o: Mankas dua fontindiko.


ℛevo | datumprotekto | progra.xml | redakti... | traduki... | artikolversio: 1.37 2018/03/19 19:10:17