tradukoj: be bg br cs de en es fr hu it ku nl pt ru sv tp vo

^*milit/i

^*militi

Batali per armiloj kontraŭ fremdaj armeoj aŭ kontraŭ malamika partio: via gento [...] ĉiam militas kontraŭ nia [1]; du militas, tria profitas [2].

milito

Oficiala malpaco inter nacioj aŭ partioj, kun bataloj: ha, se tiel, tiam ne estos milito kun la turkoj [3]; la besto, kiu suprenvenas el la abismo, faros militon kontraŭ ili [4]; la militon li perdis [5]; proklami, deklari militon.

milita

Koncernanta la militon: la milita leĝo tre precizas pri tiu punkto [6]. milita kanto, rakonto.

militestro

Homo – pliofte oficiro – kiu decidas pri strategio, gvidas dum bataloj: Moseo ekkoleris kontraŭ la militestroj, la milestroj kaj centestroj, kiuj venis el la milito [7]. stabo ¹

militisto

Homo, kiu profesie aŭ rekrute militas: la fortikaĵoj brulas per fajro, kaj la militistojn atakis teruro [8]. soldato ¹oficiro, suboficiro

militistaro

La militistoj kiel grupo aŭ klaso aŭ stato de personoj: la Bizancia ikonrompismo estis konflikto inter la monaĥaro kaj militistaro; en la tempo, kiam vi staris apude, kiam fremduloj kondukis lian militistaron en kaptitecon kaj aligentuloj eniris en liajn pordegojn kaj lotis pri Jerusalem, vi ankaŭ estis kiel unu el ili [9]; kaj la Eternulo ektondras per sia voĉo antaŭ sia armeo, ĉar lia militistaro estas tre granda, kaj la plenumantoj de lia vorto estas potencaj [10]; poste liaj filoj sin armos kaj kolektos grandan militistaron [11]; jen staras virino kun menso de infano, kun entuziasmo kaj kredo, – la standardon ŝi portas antaŭ la batalanta militistaro kaj alportas al sia patrujo venkojn kaj savon [12].
Rim.: Armeo estas militistaro organizita kaj ekipita por batalado.

^*almiliti

konkeri (figure) Sed kion mi faru por almiliti simpation? [13].

antaŭmilita

Rilata al tempo antaŭanta la koncernan militon, okazinta antaŭ ĝi: dum du horoj ŝi estis sensukcese serĉanta inter duonputrinta forbalaaĵo iun antaŭmilitan libron pri la berlina metropoliteno [14].

krucmilito, krucmilitiro

Ĉiu el la militiroj (inter proksimume jaroj 1100 kaj 1300), kiujn faris aliancaj kristanaj eŭropanoj kontraŭ precipe islamaj orient-mediteraneaj regnoj, oficiale por akiri Jerusalemon kiel sanktan urbon.

permiliti

konkeri ¹

postmilita

Rilata al tempo sekvanta la koncernan militon, okazanta post ĝi: en la unua postmilita n-ro de „Esperantista Laboristo“, ni faris tre kategorian deklaron, kiun hodiaŭ ni konfirmas [15]; antaŭmilite Usono ŝuldis dolare al Eŭropo 5 miliardojn, postmilite tiu ŝuldo aliiĝis en kreditoraĵon da 16 miliardoj [16].

militakiri

Akiri per milita forto: kaj Moseo sendis, por esplorrigardi Jazeron, kaj ili militakiris ĝiajn vilaĝojn, kaj forpelis la Amoridojn, kiuj tie estis [17]; se vi dum longa tempo sieĝos urbon, por militakiri ĝin kaj preni ĝin, ne ruinigu ĝiajn arbojn, levante kontraŭ ilin hakilon [18]; Holger, la Dano, militakiris la grandan landon Hindujon ĝis la orienta fino de la mondo [19].

militakiro

1.

Militakiraĵo, posedaĵo de malamiko akirita per milita ago: niaj edzinoj kaj infanoj fariĝos militakiro [20]; ili ja trovis kaj dividas militakiron [21].

2.

Militakirado.

malvarma milito

Malpaca stato inter malamikoj, sen rektaj bataloj – esprimo uzata tre ofte pri la epoko 1946-1989 dum kiu konkuris Usono kaj NATO unuflanke, Sovetio kaj la varsovia pakto aliflanke: komenciĝis la „malvarma milito“ inter la oriento kaj okcidento kaj estis malpermesite al li okupiĝi pri instruado pro lia politika kredo [22].

mondmilito

Milito, kiu implikas multajn ŝtatojn en diversaj lokoj de la mondo: ni ne devas malatenti la teruran sperton de la mondmilito [23].

unua mondmilito

Milito daŭrinta depende je la landoj de 1914 ĝis 1918, ekinta en Eŭropo, vastiĝinta al Japanujo, Usono, Ĉinujo, sudamerikaj Ŝtatoj, kaŭzinta pli ol 8 milionoj da hommortoj.

dua mondmilito

Milito daŭrinta depende je la landoj de 1939 ĝis 1945, ekinta en Eŭropo, vastiĝinta al diversaj eŭropaj kolonioj, al orienta Azio, Ameriko, kaŭzinta inter 40 kaj 52 milionoj da hommortoj: post la dua mondmilito li dediĉis sin plene al teatra laboro [24].

    * Kiel oni nomas la militistojn, kiuj estas nek oficiroj, nek
    suboficiroj
      (fr: militaires du rang, usone: enlisted personnel), kelkaj el ili
      tamen
      estas ranguloj (ekz-e kaporalo)?