tradukoj: be cs de en es fr hu it nl pl pt ru sk sv

*soldat/o

*soldato  

MIL
1.  
VdE Militisto: unu soldato militon ne faras PrV; sur la granda vojo marŝis soldato: unu, du! unu, du! li havis tornistron sur la dorso kaj sabron ĉe la flanko, ĉar li estis antaŭe en milito, sed nun li iris hejmen [1]; ĉe la pordo de la preĝejo staris maljuna soldato kun lambastono [2].
2.  
(pli speciale) Senranga militisto, ano de terarmeo: [Herhor] ordonis, ke kolektiĝu la oficiroj kaj soldatoj, kiuj estis apude [3]; la soldatoj, kiam ili krucumis Jesuon, prenis liajn vestojn, kaj dividis ilin en kvar partojn, po unu parto por ĉiu soldato [4]; la tombo de la nekonata soldato [5]; la brava soldato Ŝvejk [6]; afgana soldato gajnas 200 dolarojn monate, talibo ĝis 400 dolarojn, germana soldato en Afganio krom la salajrojn ricevas ĉ. 4000 dolarojn aldone por deĵorado eksterlanda [7]. SIN:duaklasa soldato, simpla soldato
3.
(figure) Persono kiu formike laboras: instruantoj de Esperanto estas la soldatoj de nia movado [8].

soldatejo  

MIL
Kazerno: eksonis la trumpeto, kaj la Azianoj komencis amase eliri el la soldatejoj, tirante post si la ĉevalojn [9]; unu fojon oni eĉ prenis min por ĉefa militestro: la soldatoj elsaltis el la soldatejo kaj donis al mi honoron per la pafiloj [10].

duaklasa soldato  

MIL
Soldato2: Marie Marvingt […] trovis okazon vire maskovestiĝi kaj […] militservi kiel duaklasa soldato […] en la 42a Bataliono de Ĉasistoj [11].

dungosoldato  

MILPIV1
Militisto ne apartenanta al ŝtata armeo, sed kontraŭ pago preta servi en milito: [la eksaj anoj de Al-Kaida] povus ankaŭ servi kiel dungosoldatoj por sekretaj servoj, kiel faris siatempe la palestinano Abu Nidal kaj Carlos [12]; Karlo la 1-a Malatesta […] estis […] dungosoldato dum la militoj de Lombardio [13]; proponante dungotan soldataron pere de kiu UN protektu senkulpajn viktimojn de kruelaj frenezaĵoj […] [14]. SIN:lusoldato, soldulo

lusoldato  

MIL
Dungosoldato: tiuj lusoldatoj batalas bone, sed ili ankaŭ facile ŝanĝas flankon [15]; ornama arielo de la orienta alo kun blazono de la posedinto reprezentata kiel fiera lusoldato [16].

marsoldato  

MILPIV1
Militisto, ano de mararmeo: en 1571 [Cervantes] kiel marsoldato partoprenis la marbatalon de Lepanto [17]; Schmidt kaj tri marsoldatoj estis juĝ[i]taj de milita tribunalo kaj kondamn[i]taj al morto [18].

rajdosoldato, rajdsoldato [19]  

MIL
Soldato servanta sur ĉevalo. SIN:kavaleriano

fajrosoldato  

Fajrobrigadisto: fajrosoldato estas ano de speciala taĉmento (profesia aŭ volontula), kies tasko estas batali kontraŭ incendioj [20].

simpla soldato  

MIL
Soldato2: [Sam Houston] leviĝis de la rango de simpla soldato ĝis tria leŭtenanto [21]; li estis simpla soldato, kiu blinde plenumis la ordonojn [22].

stana soldato, stansoldato

SPO
Ludfiguro el stano aŭ alojo en formo de soldato: la papero disŝiriĝis, kaj la stana soldato trafalis [23]; entrepreno fondita de William Britain Jr. […] en 1893 inventis la procezon de fandomuldado en plumbo, kaj revoluciigis la produktadon de ludilsoldatoj […] ekde tiam en kelkaj lingvoj oni parolas pri plumbosoldatoj aŭ stansoldatoj [24].

unuaklasa soldato  

MIL
Soldato 2 ricevinta distingon.

ŝoforsoldato

MIL
Soldato servanta sur veturiloj.

tradukoj

anglaj

~o: soldier; ~ejo: barracks; dungo~o: mercenary soldier, soldier of fortune; lu~o: mercenary soldier, soldier of fortune; mar~o: marine (soldier); rajdo~o, rajd~o : cavalryman, cavalry soldier; simpla ~o: private (soldier).

belorusaj

~o: салдат, жаўнер; ~ejo: казарма.

ĉeĥaj

~o: voják; ~ejo: kasárna; dungo~o: voják z povolání, žoldnéř; mar~o: příslušník námořní pěchoty; fajro~o: hasič; simpla ~o: prostý voják.

francaj

~o 1.: militaire (subst.), soldat; ~o 3.: soldat; ~o: soldat, deuxième classe, soldat de deuxième classe, simple soldat; ~ejo: caserne; duaklasa ~o: soldat, deuxième classe, soldat de deuxième classe, simple soldat; dungo~o: mercenaire; lu~o: mercenaire; mar~o: marin; rajdo~o, rajd~o : cavalier; fajro~o: pompier; simpla ~o: soldat, deuxième classe, soldat de deuxième classe, simple soldat; unuaklasa ~o: première classe, soldat de première classe.

germanaj

~o: Soldat; ~ejo: Kaserne; duaklasa ~o: einfacher Soldat; dungo~o: Söldner; lu~o: Söldner; mar~o: Marinesoldat; rajdo~o, rajd~o : Kavallerist; simpla ~o: Einfacher Soldat; stana ~o, stan~o: Zinnsoldat; unuaklasa ~o: Gefreiter; ŝofor~o: Fahrer.

hispanaj

~o: soldado; ~ejo: cuartel.

hungaraj

~o: katona; ~ejo: kaszárnya.

italaj

~o: soldato; ~ejo: caserma; duaklasa ~o: soldato, soldato semplice; dungo~o: mercenario; lu~o: mercenario; mar~o: marinaio, comune di seconda classe ; rajdo~o, rajd~o : cavaliere; simpla ~o: soldato semplice; unuaklasa ~o: scelto, soldato di prima classe; ŝofor~o: autiere.

nederlandaj

~o: soldaat; ~ejo: kazerne; dungo~o: mercenair, huursoldaat; lu~o: mercenair, huursoldaat; mar~o: matroos; rajdo~o, rajd~o : cavalerist; simpla ~o: soldaat; unuaklasa ~o: 1ste soldaat; ŝofor~o: chauffeur bij het leger.

polaj

~o: żołnierz; ~ejo: koszary.

portugalaj

~o: soldado.

rusaj

~o: солдат; ~ejo: казарма.

slovakaj

~o: vojak; ~ejo: kasáreň; dungo~o: žoldnier; mar~o: príslušník námornej pechoty; fajro~o: hasič; simpla ~o: prostý vojak, radový.

svedaj

~o: soldat.

fontoj

1. H. C. Andersen, trad. L. L. Zamenhof: Fabeloj, vol. 1, Fajrilo
2. H. C. Andersen, trad. L. L. Zamenhof: Fabeloj, vol. 2, Ruĝaj ŝuoj
3. B. Prus, trad. Kazimierz Bein: La Faraono, vol. 1, ĉap. 4
4. La Nova Testamento, Johano 19:23
5. Monato, William Simcock: Impresoj pri Portugalio
6. Monato, Donald Broadribb: Taglibroj de murdita infano
7. Monato, Stefan Maul: Helpu Afganion!
8. Intervjuo kun la Esperantisto de la Jaro 2010 (Katalin Kováts)
9. B. Prus, trad. Kazimierz Bein: La Faraono, vol. 3, Ĉapitro XVII
10. N. V. Gogol, trad. L. L. Zamenhof: La Revizoro, Akto tria
11. Vikipedio, Marie Marvingt
12. trad V. Lutermano: Le Monde Diplomatique en Esperanto, 2004-09
13. Vikipedio, Karlo la 1-a Malatesta
14. Monato, Fremdula UN-legio
15. Harry Harrison, trad. Reinhard Fössmeier k.a.: Naskiĝo de la rustimuna ŝtalrato, ĉap. 19
16. Vikipedio, Majenca guberniestrejo (Erfurto)
17. Miguel de Cervantes, Vikipedio
18. Bakin: Porlibera Batalanto Schmidt, Ĉina Radio Internacia
19. E. Grosjean-Maupin: Plena Vortaro de Esperanto, kavalerio
20. Vikipedio, Fajroestingisto
21. Sam Houston, Vikipedio
22. B. Apáti Kovács: Malamikoj, Paco 5/89
23. H. C. Andersen, trad. L. L. Zamenhof: Fabeloj, vol. 1, Persista stana soldato
24. Vikipedio, Soldatludilo

duaklasa ~o: Mankas dua fontindiko.
rajdo~o, rajd~o : Mankas dua fontindiko.
rajdo~o, rajd~o : Mankas fonto, kiu estas nek vortaro nek terminaro.
fajro~o: Mankas dua fontindiko.
unuaklasa ~o: Mankas fontindiko.
unuaklasa ~o: Mankas fonto, kiu estas nek vortaro nek terminaro.
ŝofor~o: Mankas fontindiko.
ŝofor~o: Mankas fonto, kiu estas nek vortaro nek terminaro.


administraj notoj

pri ~o 2.:
      * Ne estas al mi tre klare, ĉu "soldato" estas ajna terarmea
        senrangulo (kio inkluzivus kaj duaklasajn kaj unuaklasajn
        soldatojn), aŭ nur la duaklasa. Mi prenis ĉi lastan
        hipotezon,
        sed ne penis doni pli precizan difinon, kiu ekskludus la
        unuaklasajn soldatojn. La afero iom lamas.
      * Indus referenci ĉi tie la ekvivalentajn nomojn por
      diversaj
        armeoj kaj armiloj (matroso, avidisto(?), infanteriano(?),
        husaro(?), transmisiisto(?)...)
      [MB]
    
pri duaklasa ~o:
    Internacieco kontrolenda.
    [MB]
  
pri unuaklasa ~o:
    * Mi ne trovis fonton de cxi tiu termino. Internacieco kontrolenda.
    * Indus aldoni tipajn motivojn por la distingo
    [MB]
    La belga armeo konas "soldato" kaj "unua(klasa) soldato".
    [PP]
  

ℛevo | datumprotekto | soldat.xml | redakti... | traduki... | artikolversio: 1.31 2018/06/17 16:10:22