¹tip/o

1.  ↝

Ideala modelo prezentanta altagrade en si la karakterajn ecojn de iu speco da personoj aŭ objektoj: li estas vera tipo de honestulo; morto reĝis de post Adam ĝis Moseo, eĉ super tiuj, kiuj ne pekis simile al la transpaŝo de Adam, kiu estis la tipo de la venonto [1]; kvankam vi estis la sklavoj de peko, vi tamen fariĝis kore obeemaj al tiu tipo de instruado, al kiu vi estas kondukitaj [2]; ĉiuj aliaj bestoj […] en efektiveco estas konstruitaj laŭ tiu sama tipo, kiel la homo ^EE ; la plej perfekta tipo de plena kaj riĉa lingvo [3]; virino ankoraŭ juna, tre bela, tre bele vestita, vera tipo de Varsovianino ^Marta ; tiu dika tipo kun kolumo el karton' [4]; gustumi la diversajn tipojn kaj kvalitojn de tiu bongusta kaj ja efika agava brando [5]; vulkanoj el la eksplodema tipo troviĝas laŭlonge de zono ĉirkaŭ Pacifiko [6]; oni distingas tri tipojn de gripaj virusoj: A, B kaj C [7]; la variaĵo de la gripviruso A de subtipo H1N1 [8]. arĥetipo, prototipo, fenotipotipologio

Rim.: En NT ankaŭ aperas la vorto „antitipo“ (kontraŭtipo): ankaŭ vin nun savas en antitipo, la […] bona konscienco al Dio [9].

2.  ↝

Modela peco per kiu oni fabrikas similajn pecojn; speciale la prestipoj: ĉar tiuj ĉi literoj estas uzataj tre malofte, tial neniu presisto volos prepari por ili apartajn tipojn [10]; tipo de la sendilo [11]. elektrotipo, genotipo, stereotipo¹ŝablono, kanvaso, maketo, malneto

3.  ↝

Datumtipo: aldono de pluraj novaj datumtipoj, inkluzive de […] tipo prezentanta kompleksajn nombrojn [12].

Konforma al la tipo: aro da Hebreoj kun la tipaj longaj barboj ^VivZam ; [li] kreis artikolon baze de tipa propagando de la miloŝeviĉa informaparato [13]; simpatie aspektanta homo, je unua rigardo tipa aŭstra skitrejnisto kun la tipe sunumita vizaĝo [14]; ĉiu restoracio devas oferti minimume unu germanan specialaĵon, ekzemple la tipan porkpiedon kun terpomkaĉo [15].

Sortimento da prestipoj (iam temis pri plumbaj prestipoj, nun oni aplikas tion al la komputilaj tipardosieroj): proporcia, egalpaŝa, ekrana tiparo; tipara familio (Palatino, Optima, Helvetica ktp); tipara fasono (rekta magra, grasa kursivo ktp); tipara pezo (magra, grasa); tipara grado (cicero, petito, 10-punkta ktp); necesas, per la kutimaj vindozaj rimedoj, aparte instali la kunliveratan tiparon kun la ĉapelitaj literoj de Esperanto [16] aldoniĝas amaso da senkostaj unikodaj trutajpaj tiparoj [17] la liveritaj esperantaj tiparoj subtenas aldone al Esperanto mem la lingvojn francan, germanan, nederlandan [18]. alfabeto, signaro

Tipo antikva aŭ unua, el kiu evoluis postaj formoj: ĉiuj vertebrulaj animaloj kiuj havas verajn pulmojn devenis per ordinara generado de antikva pratipo [19]; la profeton Elijah’ priskribis la Ekleziaj Patroj kiel la pratipon de la kristana monaĥo, ĉar li vivis sole kaj silente [20].

En programlingvoj, aro da valoroj kaj aro da operacioj super ili (abstrakta datumtipo); krome, por reala programplenumo necesas implice aŭ malimplice difini konkretan prezenton por la valoroj kaj algoritmojn por la operacioj; kun tia kompletigo oni ricevas konkretan datumtipon: bazaj, aprioraj, enkonstruitaj datumtipoj; simplaj, malsimplaj datumtipoj.

La metalaj tipoj², kiujn oni iam uzis en presado: Por realigi ĝin (la projekton „Esperanto triumfonta“), mi unue aĉetis kvanton da novaj prestipoj, inkluzive de supersignitaj literoj [21].