¹skelet/o

1.

La malmola, solida kaj kuntena parto de organismo: vi fariĝos pala kaj malvarma, ĝis via haŭto ĉirkaŭkovros nur skeleton [1]; la ĉelskeleto estas reto de fibraj proteinaj strukturoj en la citoplasmo de eŭkariota ĉelo [2]; (figure) kie la skeleto de mizero plej laŭte sonas per siaj nudaj ostoj, plej terure rigardas per siaj kadavraj okuloj ^Marta .

a)

Ostaro de iuj bestoj, de homo sen la dependaj nervoj muskoloj, organoj; interna skeleto: la arboj, sur kiuj pendis la skeletoj, ĉiuminute fleksis sin [3]; kvar ĉevalskeletoj [4]; tie kuŝis akraj ŝtonoj kaj skeletoj de rosmaroj kaj blankaj ursoj [5]; sekiĝintaj skeletoj de fiŝoj [6].

b)

Malmola ŝelo de ekzemple insektoj, artikuloj; ekstera skeleto: senvertebruloj […] havas molan korpon ĉar mankas la interna skeleto, sed ili havas ofte malmolajn eksterajn skeletojn (helikoj, kankroj, insektoj) [7]; kiam organismoj kun kalcikarbonataj skeletoj (kiel kokolituloj, kiuj fiksas CO₂ per fotosintezo) mortas, ili subakviĝas al la profundo de la oceano [8].

2.

Trabaro de konstruo, de ŝipo, armaturo, ĉarpentaĵo: la konstrumaniero ĉe kiu oni unue laŭ la supra sistemo muntas kradan skeleton (tradicie el ligno) kaj poste plenigas la malplenajn interspacojn inter la traboj, la fakojn [9]; oni dividas la karoseriojn ankaŭ al memporta, ne-memporta aŭ skeleta karoserio [10].

3.

(figure) Skiza plano de verko; precipaj trajtoj de organizaĵo, kanvaso², skemo, skizo: la naturo mem de Egipto, postulante grandan, senĉesan kaj regulan laboron, kreis la skeleton de la socia organizo de ĉi tiu lando [11]. la infaneta cerbeto […] kreas mem skemon, kiu ordigas la elementojn kaj kreadas skeleton kaj strukturon, kiu ja priskribas la aŭdatan lingvon [12]; skeleto de tiu fervoja reto [13].

1.

Rilata al skeleto¹: frakturo […] estas fendiĝo aŭ rompiĝo de osto, do de parto el la skeleta sistemo [14]; striaj muskoloj (skeletaj muskoloj) aktiviĝas vole per la centra nerva sistemo [15].

2.

Rilata al skeleto²: saltigilo estas gimnastika kaj refreŝiga aparato konsistanta el unu peco de alligita forta ŝtofo super ŝtala skeleta konstruo [16]; kradtraba skeleta domo kovrita per kano [17].

3.

(figure) Prezentanta nur la ĉefajn liniojn aŭ ideojn, sendetala: ĝi havis nek murojn, nek tegmenton, nur kadron formitan el ok stangoj supre kunligitaj, simila al skeleta okangula templo [18]; parenteze mia skeleta teorio [19].

Fantazia estaĵo, konsistanta nur el ostoj, morto²: tre ofte la morto estas prezentita kiel skeletulo, kutime kun falĉilo enmane [20]; Galerio Kaiser ― La skeletulo [21].

Ekstera ŝelo, kiraso aŭ karapaco de multaj senvertebruloj; ekzoskeleto: artropodoj [estas] senvertebraj animaloj kiu havas ek[z]oskeleton (ekstera skeleto), segmentan korpon, kaj artiklitajn membrojn [22].

Interna kunordigita tuto de ostoj kaj kartilagoj de vertebruloj; endoskeleto: kartilagaj fiŝoj ― ecoj: kartilaga interna skeleto [23].