^*sal/o ^PV

1.

Ordinara nomo de la natria klorido, uzata interalie kiel spico por gustigi manĝaĵojn: alportu al mi novan pladon, kaj metu tien salon [1]; ĉe via naskiĝo, kiam vi estis naskita, oni ne detranĉis vian umbilikon, oni ankaŭ […] ne frotis vin per salo, kaj ne vindis per vindaĵoj [2]; Behemoto fortranĉis pecon da ananaso, ĝin surŝutetis per salo kaj pipro, ĝin manĝis ^MkM ; marsalo; tro multe da salo malbonigas la manĝon ^PrV .

2.

Kombinaĵo de acido kun bazo: la senvivecon de tiu ĉi maro oni klarigadis al si per tio, ke la supraj partoj de la akvo enhavas ĝis 25% da salo, tiel ke homo povas tie ĉi naĝi sen movado de la manoj kaj piedoj ^FK ; (figure) lia edzino ekrigardis malantaŭen, kaj ŝi fariĝis kolono el salo (vd ŝtoniĝi) [3]. tio estis kadavro tre malnova, sed tiel bone konservita, kiel niaj mumoj, dank' al la sekeco de la aero aŭ al iaj teraj saloj, nekonataj de mi [4]; pulvoreroj el arsenoza acido ankoraŭ algluitaj pruvis, ke tiu toksa salo estis plimalpli difektita de la malsekeco ^ChL .

3.

(figure) Esprimo, kiu kaptas la atenton, ĝuigas aŭskulton, per spriteco, agaco: via parolo estu ĉiam kun graco, spicita per salo [5]; kiel en lia esperantismo mankis la interna ideo, tiel en lia stilo mankis tiu salo: la spirito de la lingvo ^VivZam .

4.

Arbitra signoĉeno alpendigata al mallonga ĉifrota teksto (ekz-e pasvorto) por altigi la entropion: salo estas uzata kiam komputilo/retpaĝo konservas pasvorton, ĝi estas kunmetita kun la pasvorto por pli malfaciligi la deĉifradon [6].

Salgusta: gustumi salan akvon [7]; li sidiĝis manĝeti sur la bordo de ia rivero, kaj lavetante salan fiŝon en la akvo de la rivero, li eksentis tre agrablan odoron ^FK ; Li ŝanĝas […] fontojn de akvo en sekaĵon, fruktoportan teron en salan dezerton [8]; ĉiuj ĉi tiuj kunvenis en la valo Sidim, kiu nun estas la Sala Maro [9]; la sala aero estas freŝa kaj agrabla ^Metrop ; Larmoj la plej salaj, // Bruligu al mi tute la okulojn ^Hamlet !

(tr)

Aldoni salon: ĉiun vian farunoferon salu [10]; la rozoj taŭgas nur por […] flari ilin, […] la vilaĝanino ilin salas, ili ricevas francan nomon [kaj] oni metas ilin sur ardantan feran tabulon [11]; la fiŝon oni tuj salas, sekigas en la sunbrilo, fumaĵas super fajro ^Ĉukĉoj ; pli bone ne sali ol sali tro multe (ne troigu) ^PrV .

Kiu ne estas sala, ne salgusta: la maro prezentis konstantajn ŝanĝiĝojn, en la daŭro de kelke da horoj pli multe, ol la sensalaj lagoj povas prezenti en la daŭro de tuta jaro [12]; piranjoj vivas en nesala akvo (vidu marakvo) ; la jaro 2003a estas deklarita de UNO kiel la Jaro de nesala akvo [13] (fakte, ĉi-okaze pli konvenus paroli pri trinkakvo); la maljunulo gustumis unu ĝiaŭzi-on, kies nesala farĉo malplaĉis al li [14]; se la salo fariĝis nesala, kiel vi rebonigos ĝin [15]?

Salo ekstraktata el salmino: salo en sia natura formo kiel kristala mineralo estas konata kiel roksalo aŭ halito [16]; en kelkaj regionoj de la Erivana provinco estas kulturata kotono […] notinda estas […] la produktado de ŝtonsalo [17]. salŝtono